ဘာမြေဆီလွှာက အသင့်တော်ဆုံးလဲဗျာ..? မြေသြဇာရော် ဘယ်ဟာကောင်းပါသလဲ? ရေလောင်းဖို့လိုပါသလား?

မြေဆီလွှာနဲ့မြေနေရာ ကော်ဖီစိုက်ပျိုးမည့် မြေသည် ရေစီးရေလာကောင်းမွန်သော၊ ရေမဝပ်သောမြေဖြစ်ရန်လိုအပ်ပြီးရွံ့စေးမြေမဖြစ် ရ။မြေသားထုအနက်အနည်းဆုံး(၄)ပေအထက်ရှိသောမြေကို ရွေးချယ်ရမည်။မြေချဉ်ငံဓါတ်(PH5.5-6.5)ရှိသော မြေကို ကြိုက်နှစ်သက်သည်။ ကော်ဖီသီးနှံသည် ပင်လယ်ရေမျက်နှာပြင်အမြင့် အာရေးဗီးကားဖြစ်လျှင် ၂၅၀၀ပေအထက်၊ ရိုဘာစတာဖြစ်လျှင် ၂၅၀၀ပေအောက်၊ အပူချိန် ၁၅ဒီဂရီစင်တီဂရိတ်မှ ၂၅ဒီဂရီစင်တီဂရိတ်(အာရေးဗီးကား)၊ အပူချိန်၂၀ဒီဂရီစင်တီ ဂရိတ်မှ ၃၀ ဒီဂရီစင်တီဂရိတ်(ရိုဘတ်စတာ)၊ စိုထိုင်းဆ ၇၀-၈၀ရာခိုင်နှုန်း(အာရေးဗီးကား)၊နှင့် ၈၀-၉၀ရာခိုင်နှုန်း (ရိုဘတ်စတာ)ရှိရန်တစ်နှစ်အတွင်းမိုးရေချိန်လက်မ ၆၀-၈၀(အာရေးဗီးကား)၊ ၆၀-၁၀၀လက်မ(ရိုဘတ်စတာ) ရရှိရန်လိုအပ်ပါသည်။ အရိပ်ပင်နှင့်တွဲဖက်စိုက်ပျိုးသင့်ပါသည်။ အာရေးဗီးကားကော်ဖီသည် တစ်နှစ်လုံးမိုးပျံနှံ စွာရွာခြင်းကို ပိုကြိုက်နှစ်သက်ပါသည်။ မြေအနေအထားစောင်းပါက ကွန်တိုစနစ်ဖြင့်လည်းကောင်း၊ လှေကား ထစ်စနစ်ဖြင့်လည်းကောင်းစိုက်နိုင်သည်။ ရေ ကော်ဖီသီးနှံအတွက် လိုအပ်သောရေပမာဏကို တွက်ချက်စီစစ်၍ ရေပေးသွင်းရမည့် မြေအမျိုးအစား၊ သီးနှံရေလိုအပ်ချက်အပေါ်မူတည်၍ အပင်ငယ်စဉ်တွင် အရိပ်ပင်ကောင်းစွာမဖြစ်ထွန်းမီတစ်ပတ်လျှင်(၁)ကြိမ် ရေ(၂)ဂါလံနှုန်း ရေပေးသွင်းသင့်ပါသည်။ အရိပ်ပင်ကောင်းမွန်စွာဖြစ်ထွန်းပါက နွေရာသီတွင် ရေလိုအပ်မှုနည်းစေပြီး ကော်ဖီပင်ခြေဖုံးပေးခြင်း ဖြင့်လည်း အစိုဓာတ်လိုအပ်ချက်ကို လျှော့ချနိုင်ပါသည်။ စိုက်ခင်းအတွင်း ရေပေးသွင်းရန်ရေကန်၊ ချောင်း၊ မြောင်း၊ မြေအောက်ရေရရှိမှု၊ ပိုက်စနစ်များကိုကြို တင်ပြင်ဆင်ရမည်။ နည်းပညာပိုင်းအရထောက်ခံထားသော မြေသြဇာကျွေး ခြင်းနှင့် ရွက်ဖျန်းမြေသြဇာကျွေးခြင်းနည်းစနစ်များ၊ ရေသွင်းချိန်တွင် မြေသြဇာကျွေးခြင်းစနစ်များ၊ မြေသြဇာ ကျွေးရမည့်နှုန်းထားများအတိုင်းလိုက်နာဆောင်ရွက်ရန်လိုအပ်သည်။ မြေသြဇာ ဓါတ်မြေသြဇာတလှည့် သဘာဝမြေသြဇာတလှည့်ကျွေးပေးခြင်းလည်း ကော်ဖီသီးနှံအထွက်ကောင်း မွန်စေပါသည်။ မြေသြဇာမကျွေးခင်အပင်ခြေမှပေါင်းမြက်များပြောင်အောင်ရှင်းထားရမည်။ အသီးခူးပြီးသည် နှင့် မြေသြဇာကျွေးပြီးသင့်တော်သောရေပေးစနစ်ဖြင့် တပတ်တကြိမ် ရေပေးသွင်းလျှင် အရည်အသွေးကောင်း ပြီး အထွက်တိုးစေပါသည်။ စမ်းသပ်ကွက် (၁ဧက) မြေသြဇာမှတ်တမ်း (N:P:K) ပထမနှစ် - ၅၀ကီလိုအိတ်(၁းဝ.၅းဝ.၅) ဒုတိယနှစ် - ၅၀ကီလိုအိတ်(၁းဝ.၅းဝ.၅) တတိယနှစ် -၅၀ကီလိုအိတ်(၁းဝ.၅း၁) စတုတ္ထနှစ် - ၅၀ကီလိုအိတ်(၁.၅းဝ.၇၅း၁.၅) ပဉ္စမနှစ် - ၅၀ကီလိုအိတ်(၁.၅းဝ.၇၅း၁.၅) ဆဌမနှစ် - ၅၀ကီလိုအိတ်(၂း၁း၂) သတ္တမနှစ် - ၅၀ကီလိုအိတ်(၂း၁း၂) အဌမနှစ် - ၅၀ကီလိုအိတ်(၂း၁း၂) နဝမနှစ် - ၅၀ကီလိုအိတ်(၂း၁း၂) ဒသမနှစ် - ၅၀ကီလိုအိတ်(၂း၁း၂) သဘာဝမြေသြဇာအသုံးပြုခြင်း ကောင်းစွာဆွေးမြေ့သော သဘာဝမြေသြဇာကိုသာ အသုံးပြုရမည်။ ကျွဲ၊နွား၊တိရစ္ဆာန်အညစ်အကြေး များ၊ ကြက်၊ဝက်၊ ဆိတ်စွန့်ပစ်ပစ္စည်းများကိုအသုံးပြုနိုင်သည်။ တီကောင်မွေးမြူ၍ တီကောင်စွန့်ပစ်ပစ္စည်များကို သဘာဝမြေသြဇာအဖြစ် အသုံးပြုနိုင်သည်။ ကော်ဖီ စွန့်ပစ်အသီးခွံအစို၊ အခြောက်များရှင်းထုတ်ထားသော ပေါင်းမြက်များကို အသုံးပြု၍ အီးအမ်ဘိုကာရှီဖြင့် သဘာဝမြေဆွေးပြုလုပ်အသုံးပြုနိုင်သည်။