မုန်လာဥပြုကို အစေ့ချစိုက်တာနဲ့ ပျိုးပီးမရွှေ့စိုက်တာ ဘယ်ဟာပိုကောင်းနိုင်သလည်းခင်ဗျာ ပင်ကြား တန်းကြား ဘယ်နစ်လက်...

အစေ့ချစိုက်တာရဲ့အားသာချက်က အချိန်ကုန်သက်သာစေတယ်။ အားနည်းချက်က တော့ မျိုးပိုသုံးရတယ်။ အပင်နုချိန် ပိုးမွားဘေးကနေ မကာကွယ်နိုင်ဘူး။ ပျိုးပီးမရွှေ့စိုက်တာက မျိုးကုန်သက်သာတယ်။ ပြောင်းမစိုက်ခင် အပင်ငယ်ချိန် ဂရုစိုက်ပေးနိုင်တယ်။ အားနည်းချက်ကတော့ အချိန်ပိုသုံးရတယ်။ ပျိုးစိုက်ခ သွင်းအားစု အနည်းငယ်များတာရယ်ပါခင်ဗျာ။ အိမ်စားဆိုတော့ ကျွန်တော့် ယူဆချက်အရ ပျိုးပီးမရွှေ့စိုက်တာပိုကောင်းပါတယ်။ တစ်ကျင်းနှင့်တစ်ကျင်း အကွာအဝေးမှာ (၄ - ၆) လက်မ၊ တစ်တန်းနှင့် တစ်တန်း (၂)ပေခန့်ထားရသည်။ မျိးစေ့ချစိုက်ချင်ရင်တော့ စိုက်ပြီးသော ဘောင်ပေါ်တွင် ကောက်ရိုး ကို တစ်ပေခန့် အရှည်ဖြတ်ပြီး ဖုံးပေးရသည်။ ဤကဲ့သို့ ဖုံးပေးခြင်းဖြင့် မိုးပေါက်မှန်ခြင်း၊ နေရာမှ လွင့်စင်ခြင်း မှ ကာကွယ်ပေးပါသည်။ စိုက်ပြီး (၄) ရက်အကြာတွင် အပင်ငယ်များစတင်ပေါက်လာသည်။ စိုက်ပျိုးပြီး (၁၀-၂၀) ရက်ခန့်တွင် ပေါင်းရှင်း ပေးရမည်။ စိုက်ကျင်းတစ်ကျင်းလျှင် အသန်ဆုံးတစ်ပင်သာ ချန်ခဲ့ပြီး ကျန်အပင်များကို နှုတ်ပစ်ရပါသည်။ အပင် ငယ်စဉ် ရေဝပ်ခံရပါက ဆက်ခက်မကြီးထွားတော့ဘဲ အရွက်များဝါလာပြီး ခါးရိ၍ သေတတ်ပါသည်။ ( အများစုကတော့ အစေ့ချစိုက်ကြတာပါခင်ဗျာ။)