Orginal Em (OEM) EM 1 ကို ကိုယ်တိုင်ဖောင်စပ်လို့ရနိုင်ပါသလားခင်ဗျာ Page အမျိုးမျိုးမှာ လုပ်နည်းတွေလည်းတွေ့ရပါ...

‌ အီးအမ်တွင်ပါဝင်သော အဓိကအကျိုးပြုအနုဇီဝသက်ရှိ (၅)အုပ်စုမှာ ‌ (1)Lactic acid bacteria ‌ လက်တစ်အက်ဆစ်ဘက်တီးရီးယား ‌ (Lactobacillus Spp.) ‌ (2)Phototrophic bacteria ‌ အလင်းမှီအစာချက်ဘက်တီးရီးယား ‌ (Rhodopseudomonas Spp.) ‌ (3)Yeasts ‌ တဆေး ‌ (Saccharomyces Spp.) ‌ ‌ ယခင်က EMတွင် အထက်ပါအုပ်စု (၃)စုကိုအဓိကထားပြုလုပ်ကြသော်လည်း ယခုအခါ- ‌ (4)Antinomycetes အမ်တီနိုမိုင်စီးတီး (5)Fermenting fungi အချဉ်ဖောက်မှို ဆိုသည့် ‌ အကျိုးပြုအနုဇီဝသက်ရှိနှစ်မျိုးကို အဓိကအုပ်စုကြီးထဲတွင် ထည့်သွင်းပြုလုပ်လာကြကြောင်းတွေ့ရပါသည်။ ‌ ၁။လက်တစ်အက်ဆစ်ဘက်တီးရီးယား (LAB) Lactic acid bacteria(Lactobacillus Spp.) ^^^^^^^^^^^^^^^^^^^^^^^^^^^^^^ ဟူသည် အပင်အတွက် အန္တာရာယ်ဖြစ်စေနိုင်သော အနုဇီဝသက်ရှိများ၏ရန်ကို ကာကွယ်နှိမ်နှင်းပေးနိုင်သည့် လက်တစ်အက်ဆစ်ကို ထုတ်လုပ်ပေးနိုင်သည့် အကျိုးပြုအဏုဇီဝသက်ရှိတစ်မျိုးဖြစ်ပါသည်။ထို့အပြင် အော်ဂဲနစ်ပစ္စည်းများကို အချဉ်ဖောက်ခြင်းဖြစ်စဉ်ဖြင့် အချိန်တိုအတွင်း လျှင်မြန်စွာ ဆွေးမြေ့စေနိုင်ပြီး အာဟာရကြွယ်ဝသောအပင်၏အမြစ်မှ တိုက်ရိုက်စုပ်ယူစားသုံးနိုင်သို့ ဟူမစ်အဖြစ်သို့ပြောင်းလဲပေးနိုင်ပါသည်။ လက်တစ်အက်ဆစ်ဘက်တီးရီးယားပြုလုပ်ပုံ ------------------------------------------------ -ပထမဦးစွာ ရိုးရိုးရေ၂၀၀စီစီကို နွေးရုံ အပူပေးပါ။ - ဆန်ကြမ်းအနည်းငယ်ကို ရေနွေးဖြင့် ဆေးကြောပြီး ၁လီတာဘူးထဲထည့်ပါ။(ဆန်၁ဆ ရေ၂ဆ) ဆန်ဆေးရာတွင် သန့်ရှင်းသောလက်ဖြင့်ဆေးကြောဖို့လိုပါသည်။လက်အိပ်အသုံးပြုဖို့အဆင်ပြေပါက သုံးပါ။ - နေရောင်ခြည်တိုက်ရိုက်မရသောနေရာတွင်ထားပါ။ -၅ရက်မှ ၇ရက်ကြာသောအခါ ဘူးထဲတွင် အလွှာ၃လွှာပေါ်လာလိမ့်မည်။ :ပထမအလွှာမှာ မှိုလေးတွေမြင်နေပေလိမ့်မည်။ :ဒုတိယအလွှာမှာ ကျွန်တော်တို့လိုချင်သော လက်တစ်အက်ဆစ်ဘက်တီးရီးယားများစွာ ပါဝင်သည့်အလွှာဖြစ်သည်။ :တတိယအလွှာမှာ အနည်တွေဖြစ်သည်။ -EMပြုလုပ်ရန် လက်တစ်အက်ဆစ်ဘက်တီးရီးယားများပါဝင်သည့် အလယ်လွှာကို ဆေးထိုးအပ်ဖြင့် စုပ်ယူပြီး ပုလင်းအလွတ်ထဲ ထည့်ထားပါ။ဆေးထိုးအပ်မရနိုင်ပါက စကာဖြင့် စစ်ယူနိုင်ပါသည်။ -ရလာသော အချဉ်ဖောက်ထားသည့် ဆန်ဆေးရည်ကို နွားနို့ ၂လီတာဖြင့် ရောပါ။(ရောရမည့်အဆက ဆန်ဆေးအချဉ်ဖောက်ရည်၁ဆ နွားနို့၁၀ဆဖြစ်ပါသည်) -၂လီတာကျော်ကျော်ဝင်ဘူးထဲထည့်ပြီး ဘူးအဖုံးတွင် ခဲတံလုံးပတ်အရွယ်ခန့် အပေါက်ဖောက်ပါ။အဖုံးပိတ်ပြီး အဖုံးတွင် ဘူဖောင်းစွပ်ပေးပါ။ယင်းဘူဘောင်းတွင် ပင်အပ်အရွယ်ခန့် အပေါက်သေးသေးလေးတစ်ပေါက်ဖောက်ပေးထါးပါ။(အချဉ်ဖောက်ဖြစ်စဉ်ဖြစ်သည့်အခါ ဘူးထဲက လေသာ အပြင်ကိုထွက်နိုင်ပြီး အပြင်ကလေ ဘူးထဲမဝင်နိုင်စေရန်) -နေရောင်ခြည်တိုက်ရိုက်မရသော နေရာတွင် ထားပါ။ -၅ရက်မှ ၇ရက်ခန့်ကြာသောအခါ အလွှာနှစ်လွှာကွဲလာပါလိမ့်မည်။ :ပထမအလွှာတွင် ကာဘွန်ဟိုက်ဒရိုတ်တွေပါဝင်တဲ့ မလှိုင်လိုအလွှာဖစ်ပေါ်လာမည်။ :ဒုတိယအလွှာမှာ လက်တစ်အက်ဆစ်ဘက်တီးရီးယားနှင့်အခြားအကျိုးပြုအနုဇီဝများပါဝင်သော အလွှာဖြစ်သည်။ -လက်တစ်အက်ဆစ်ဘက်တီးရီးယားများပါဝင်သော အလွှာကို ဆေးထိုးအပ်ဖြင့် ထုတ်ယူပြီး ဘူးအလွတ်ထဲ စုထားပါ။ဆေးထိုးအပ်မရနိုင်ပါက ဇကာဖြင့် စစ်ယူပါ။ -အေးသောနေရာတွင် သိမ်းထားပါ။ ၂။အလင်းမှီအစာချက်ဘက်တီးရီးယား(Pb) Photosynthetic or Phototrophic Bacteria (Rhodopseudomonas Spp) ------------------------------------------------ ဟူသည် အီးအမ်(EM)ထဲတွင် အရေးပါဆုံးသော စိုက်ပျိုးရေးကဏ္ဍအတွက်သာမက မွေးမြူရေးကဏ္ဍ၊ရေမြေပတ်ဝန်းကျင်ထိန်းသိမ်းရေးကဏ္ဍနှင့် အာဟာရပြည့်ဝသော စားသုံးကုန်ထုတ်လုပ်ရေးကဏ္ဍတို့တွင် တွင်ကျယ်စွာအသုံးပြုလျက်ရှိသည့် အကျိုးပြုဘက်တီးရီးယားတစ်မျိုးဖြစ်ပါသည်။ထိုဘက်တီးရီးယားတို့သည် ကမ္ဘဦးအစကတည်းက လူတွေအသက်ရှူရပ်တည်မနေနိုင်သော အောက်စီဂျင်၂၁ရာခိုင်နှုန်းထက်နည်းတဲ့အချိန်ကတည်းကပင် အသက်ရှိလျှက် ရှိနေခဲ့ပြီးဖြစ်ပါသည်။ထိုင်အပြင် သူတို့တွင် အပင်အတွက် အန္တာရာယ်ဖြစ်စေနိုင်သော ဓာတ်ငွေ့ (Gas)များကို ပြိုကွဲစေနိုင်ပြီး အမိုးနီးယားနှင့် ဟိုက်ဒရိုဂျင်ဆာလဖိုက်ကို အမိုင်နိုအဖြစ် ပြောင်းလဲပေးနိုင်ကာ အပင်၊အသီး၊အပွင့်များကို ကြီးထွားဖွံ့ဖြိုး၍ အထွက်နှုန်းတိုးစေပါသည်။ဂျပန်နိုင်ငံတွင် ထိုဘက်တီးရီးယားကို ဇီဝမြေသြဇာအဖြစ် စတင်သုံးစွဲခဲ့ရာ အထွက်နှုန်း ၃၀%တိုးတက်လာကြောင်းတွေ့ရပါသည်။ထိုဘက်တီးရီးယားတို့သည် နေရောင်ခြည်မှ ကာဗွန်ဖြင့် စွမ်းအင်ပြုလုပ်နိုင်ပြီး လေထဲက နိုင်ထရိုဂျင်ဓာတ်ငွေ့ကို ဖမ်းယူကာ အပင်အတွက် ရရှိအောင် ဖန်တီးပေးနိုင်သော ပဲမစ်ဖုတွေထဲမှ ရိုင်ဇိုဘီရမ်ဘက်တီးယားတွေလို အစွမ်းသတ္တိရှိကြပါသည်။ထို့အပြင် အော်ဂဲနစ်ပစ္စည်းများကို ပြိုကွဲပျက်စီးစေနိုင်ပြီး အပင်အတွက် အာဟာဖြစ်စေကာ တိုက်ရိုက်စားသုံးနိုင်သော ဟူမစ်အဖြစ်သို့ ပြောင်းလဲပေးနိုင်ပါသေးသည်။ ပြုလုပ်နည်းလေးစပြောပြပါ့မယ် ခင်ဗျား..... လိုအပ်သော ပစ္စည်းများ ------------------------ ၁။ကြက်ဥတစ်လုံး (အခွံရော အသားပါ) ၂။၁၅၀၀စီစီဆံ့ ရေ ဘူးနှစ်လုံး ၃။အချိုမှုန့် တစ်ဇွန်း (ဟင်းခတ်ဇွန်း) ၄။ငံပြာရည် နှစ်ဇွန်း (ဟင်ခတ်ဇွန်း) ပြုလုပ်ပုံ ----------- -ကြက်ဥတစ်လုံးကို ပုကန်လုံးထဲသို့ အကာရော အနှစ်ရော ဖောက်ထည့်ပါ၊အခွံကိုကား ထောင်းချေပြီး ထည့်ပါ။ -အချို့မှုန့် တစ်ဇွန်းကို အပြည့်ယူ၍ထည့်ပါ။ -ငံပြာရည် နှစ်ဇွန်းကိုလည်း ရောထည့်ပါ။ ထို့နောက် အားလုံးကို သမသွားအောင် နာနာမွှေပေးပါ။ -ထိုအရောအနှာကို ရေဘူးတစ် ဘူးစီတွင် ၃-၄ဇွန်းခန့် ထည့်ပါ။ -ရေကို အပြည့်မထည့်ရပါ၊လေဟာနယ်ထားရပါမည်။ -ထို့နောက် ဘူးဖုံးကို တစ်ရစ် နှစ်ရစ်လောက် ချန်ကာ ပိတ်ပြီး သမသွားအောင် နာနာပြန်လှုပ်ပါ။ -နေရောင်ခြည်ဖြင့် အစာချက်တဲ့ အနုဇီဝပိုးဖြစ်တဲ့ အတွက် နေရောင်ခြည်ကောင်းကောင်းရတဲ့နေရာမှာ နေပူလှန်းပေးပါ။ -တစ်ရက်တစ်ခါ နှစ်ရက်တစ်ခါလောက် လှုပ်ခါပေးပါ။ နေရောင်ခြည်ကောင်းကောင်းမရပါက မအောင်မြင်နိုင်ပါ ။ကျွန်တော်ကတော့ လယ်ကွင်းပြင်မှာ လုပ်တယ်ဗျ။ ပုံမှန်အားဖြင်တော့ ၂၅ရက်လောက်ဆိုရင်တော့ စသုံးလို့ ရပါပြီ။သို့သော် အနီရောင်သို့ မပြောင်းပါက သုံးလို့ မရသေးပါ။ -နေရောင်ခြည်ရသောနေရာတွင် သိမ်းထားခြင်းက ပိုမိုကောင်းမွန်စေပါတယ်။ Fermenting fungiမွေးမြူပုံ ---------------------------- Fermenting fungiကို သီးရွက်စုံချဉ်ဖောက်ရည်မှ မွေးမြူရရှိနိုင်ပါသည်။ထိုသီးရွက်စုံချဉ်ဖောက်ရည်မှ ရရှိသော fermenting fungiများသာမက အခြားအကျိုးပအြဏုဇီဝများ၊အင်ဇိုင်းများနှင့် အာဟာရများမှာ အပင်များအတွက် အလွန်အဖိုးတန်အကျိုးရှိသော အရာများဖြစ်ပေသည်။ လိုအပ်သောပစ္စည်းများ --------------------------- ၁၊ငှက်ပျောသီးမှည့် ၃၀ကျပ်သား ၂၊ရွှေဖရုံသီးမှည့် ၃၀ကျပ်သား ၃၊သဘ်ောသီးမှည့် ၃၀ကျပ်သား ၄၊မုလာဥနီ ၃၀ကျပ်သား ၅၊အာလူး ၃၀ကျပ်သား ၆၊ဘိစပ်ရွက်နှင့်အပွင့်(နေ့မကူးခင်ခူးထားသောဘိစပ်) ၃၀ကျပ်သား ၇၊ကြက်ဥ. ၅ လုံး ၈၊ဖွဲနု ၃၀ကျပ်သား ၉၊တင်လဲရည် ၂ပိဿာ ၁၀၊ ၅ပိဿာဝင် အိုး ၁လုံး ပြုလုပ်ပုံ ---------------- -ငှက်ပျောသီးမှည့်၊ရွှေဖရုံသီးမှည့်၊သဘ်ောသီးမှည့်၊မုလာဥနီ၊အာလူး စသည်တို့ကို စုပြီး အတုံးသေးသေးလေးများရအောင် ဓားဖြင့် လှီးပါ။ဘီးစပ်ရွက်နှင့် အပွင့်များကို ဓားဖြင့် စဉ့်နှီးတုံးပေါ်တွင် စဉ်းပါ။ (စဉ့်ပြီးသားအရာများကို ရေမဆေးပါနှင့်) -ခုတ်စဉ်းပြီးသား အသီး၊အရွက်၊အပွင့်နှင့် ဖွဲနုတို့ကို ၅ပိဿာဝင် စဉ့်အိုးထဲ ထည့်ပါ။ -ကြက်ဥကို အကာရော အနှစ်ပါထည့်ပါ။အခွံလည်း ချေပြီး ထည့်ပါ။ - -စဉ့်အိုးထဲသို့တင်လဲရည်၂ပိဿာထည့်၍သမအောင်မွှေပါ။ -စဉ့်လေဟာနယ် အနည်းဆုံး၂၅ရာခိုင်နှုန်းလောက်ချန်ပေးပါ -အမယ်အားလုံး တင်လဲရည်ထဲတွင်မြုပ်နေရပါမည်။မမြုပ်သေးပါက ရေလေးနည်းနည်း ကူထည့်ပေးနိုင်ပါတယ်။ -ပလပ်စတစ်အကြည်ဖြင့် အပြင်မှ လေနှင့် ပိုးမွှားများ မဝင်နိုင်အောင်ဖုံးထားပေးပါ။ -စဉ့်အိုးကို နေရောင်ခြည်တိုက်ရိုက်မရသော နေရာတွင်ထား၍ ၄ရက်တစ်ခါလောက်မွှေပေးပါ။ -၂၅ရက်လောက်ထားပြီးရင် Fermenting fungiနှင့် အခြားအကျိုးပြုအဏုဇီဝများ၊အင်ဇိုင်းများ၊အာဟာရများပါဝင်သော သီးရွက်စုံအချဉ်ဖောက်ရည်ကိုရပါပြီ။ -၄င်းကို စကာ သို့မဟုတ် ပိတ်စပါးဖြင့် စစ်ယူ၍ ဘူးအလွတ် တစ်လုံးထဲ ထည့်ကာ အေး၍ခြောက်သွေ့သော နေရာတွင် သိမ်းထားပါ။ -ကျန်အဖတ်များကို မြေဆွေးပုံလုပ်ရာတွင် ပြန်လည်အသုံးပြုနိုင်ပါတယ် ခင်ဗျား Anitinomycetes၊trichodermaနှင့် အခြားအကျိုးပြုအဏုဇီဝများ မွေးမြူပုံ ------------------------------------------------ ခြသိုက်ထဲမှာ ခြချေး(fungus comb)ထဲတွင် အမ်တီနိုမိုင်စီးတီး၊ထရိုင်ကိုဓားမား၊ပရိုတိုဇိုဝါ၊မိုင်စီလီယမ် စသည့်အကျိုးပြုအဏုဇီဝများအပြင် အခြာအကျိုးပြုအဏုဇီဝပေါင်းများစွာနှင့် ကြွယ်ဝနေသော နေရာတစ်နေရာပင်ဖြစ်ပါသည်။ဒါကြောင့် အချို့နိုင်ငံများတွင် အီးအမ်မရနိုင်ပါက ခြချေးမှ ဇီဝဖျော်ရည်ပြုလုပ်ကာ အသုံးပြုလာကြကြောင်းတွေ့ရပါသည်။ ခြချေးမှ ဇီဝဖျော်ရည်ပြုလုပ်ပုံ ----------------------------------------- လိုအပ်သောပစ္စည်းများ ------------------------ -ခြချေး ၁ပိဿာ -ထမင်း၇၀ကျပ်သား -ဖွဲနု ၃၀ကျပ်သား -တင်လဲရည် ၃၀ကျပ်သား -ဇကာပိတ်စ ၁ပိုင်း -ကြိုး ၁ ချောင်း ပြုလုပ်ပုံ ------------------- - ခြချေး၊ထမင်း၊ဖွဲနု၊တင်လဲရည်တို့ကို သမအောင်နယ်ပါ။ -ဇကာပိတ်စပါးထဲထည့်ကာ ထုပ်ပြီး ကြိုးနဲ့စည်းရပါ။ -ထိုခြချေးထုပ်ကို အီးအမ်ဖျော်တဲ့အခါ ထည့်ပါမယ်။ အီးအမ်(EM)ဖျော်စပ်ပုံ ------------------------ ၁၊LAB. ၁လီတာ ၂၊PB. ၁လီတာ ၃၊Yeast တဆေး ၂ဇွန်း(ဟင်းခတ်ဇွန်း) ၄၊သီးရွက်စုံချဉ်ဖောက်ရည် ၁လီတာ ၅၊ခြချေးအဏုဇီဝထုပ် ၁ထုပ် ၆၊တင်လဲရည် ၄လီတာ ၇၊ရေ ၂၀လီတာ ၈၊လီတာ၅၀ဆန့် ပုံး၁ လုံး ပြုလုပ်ပုံ ------------------ -LAB၊PB၊တဆေး၊သီးရွက်စုံချဉ်ဖောက်ရည်၊တင်လဲရည်တို့ကို လီတာ၅၀ဆန့် ပုံးထဲထည့်ပါ။ -ရေ၂၀လီတာကို ထပ်ဖြည့်ထည့်ပါ။ -သမသွားအောင် သစ်သားယောက်မ တစ်ချောင်းဖြင့် မွှေပေးပါ -ခြချေးအဏုဇီဝထုပ်ကို ကြိုးဖြင့် ချည်ပြီး ထိုပုံးထဲသို့ နှစ်ချထားပါ။ -ထို့နောက် ပုံးကို အဖုံးအလုံပိတ်ပါ၊အဖုံးတွင် အထဲက လေသာ အပြင်ကိုထွက်နိုင်ပြီး အပြင်ကလေ အထဲသို့ အဝင်နိုင်ရန် တစ်ဖက်ပိတ် ဘားတစ်ခုကို စီစဉ်ပေးပါက ပိုမိုသင်တော်စေပါသည်။ -ထိုပုံးကို ၇-၁၀ရက်အကြားထားပါ။ -ပုံးထဲက ခြချေးအဏုဇီဝထုပ်ကို ဆွဲထုတ်ပြီး ၄င်းကို မြေဆွေးပုံပြုလုပ်ရာတွင် ထည့်သွင်းအသုံးပြုနိုင်ပါတယ်။ -pH ၃.၅-၄အကြားရှိပြီဆိုရင် ကျွန်တော်တို့လိုချင်တဲ့ အီးအမ်အပြင်း (EM )အဆင့်ကိုရပါပြီ အသုံးပြုနိုင်သည့် အီးအမ်(EM)ဖျော်စပ်ပုံ ၁၊အီးအမ်အပြင်း ၁ဆ ၂၊တင်လဲရည် ၄ဆ ၃၊ရေ ၉၅ဆ သို့မဟုတ် ၁၊အီးအမ်အပြင်း ၁-၅ဆ ၂၊တင်လဲရည် ၁-၅ဆ ၃၊ရေ ၉၀ဆ -အားလုံးကို သမအောင် မွှေပါ -လေလုံပုံးတစ်ပုံးထဲ ထည့်ပါ -၃ရက်ပြည့်တဲ့အခါ အသုံးပြုလို့ရပါပြီ -၄င်းအီအမ်ဖျော်ရည်ကို ၇-၁၀ရက်အတွင်း ကုန်အောင်အသုံးပြုခြင်းသည် အကောင်းဆုံးပါ။ Credit Shwe Noe Khant