စပါးကို NPKအပါအဝင်အနည်းလိုပါဝင်တဲ့ ရွက်ဖြန်းမြေသြဇာကို ပင်းပွားချိန်မှာဖြန်းမလို့ အဆင်ပြေပါ့မလား အကြံပေးပါဦး

ရွက်ဖျန်းအားဆေးက လူတွေ အကြောဆေးသွင်းသလိုပဲ အားအမြန်ဖြည့်ပေးပါတယ်။ အဟာရချို့တဲ့တာတွေကို အမြန်ပြည့်ဝအောင် လုပ်ပေးနိုင်ပါတယ်။ ဒါပေမယ် ရေရှည်ဆိုရင်တော့ မြေကြီးထဲ ထည့်မယ် မြေသြဇာကို စဉ်းစားသင့်ပါတယ်။ ဆေးဖျန်းဖို့ အကောင်းဆုံးအချိန်ကတော့ အရွက်တွေမှာရှိသော လေပေါက်ဖွင့်ထားတဲ့ နံနက်စောစောနဲ့ ညနေပိုင်းပါပဲ။ အပူချိန် ၂၇ ဒီဂရီထက်ကျော်ရင်တော့ မဖြန်းသင့်တော့ပါဘူး။ ဆေးဖျန်းပိုက်ခေါင်းကလည်း အပေါက်ကျဉ်းတာကို ရွေးသင့်ပါတယ်။ ဒါမှ ထွက်တဲ့ ဆေးရည်က နေရာအနှံ့ကို ရောက်နိုင်ပြီး ပိုထိရောက်နိုင်မှာပါ။ ဆေးစက်ကြီးရင်တော့ တစ်နေရာတည်းမှာစုပြီး အရွက်တွေ လောင်သွားနိုင်ပါတယ်။ ဆေးဖျန်းတဲ့အခါမှာလည်း အပင်ရင်ရဲ့ အရွက်တွေအကုန် အနှံ့အပြားကို ရောက်ဖို့လိုအပ်ပါတယ်။ နှံ့နှံ့စပ်စပ်ဖြန်းပေးဖို့ပါ။ စပါးအတွက် ဇင့် (သွပ်ဓာတ်) ကလည်း အရေးကြီးတဲ့အတွက် ဇင့် (Zn) ပါတဲ့ မြေသြဇာကိုလည်း ရွေးချယ်သင့်ပါတယ်။