တခုလောက်မေးချင်တယ်emမြေသြဇာပြုလုပ်ပုံလေးဖြေပေးပါ။15:15:15:S ဖြစ်စေချင်တယ်။

♥ အသင့်သုံးအီးအမ်ဖျော်စပ်နည်း အီးအမ်အပြင်းကို တင်လဲရည်/ ထန်းလျှက်/ သကြားကို အသုံးပြု၍ အသင့်သုံးအီးအမ် ပြုလုပ်နိုင်ပါသည်။ ထုထည်အချိုးအားဖြင့် အောက်ပါအတိုင်းဖျော်စပ်ပါ (သို့မဟုတ်) ဝယ်ယူသောကုမ္ပဏီ၏ ညွှန်ကြားချက်အတိုင်း ဖျော်စပ်ပါ။ ~ အီးအမ်ဖျော်ရည်အပြင်း....၁ ဆ (၃၀ စီစီ/ပရုပ်ဆီဘူး(၁)ဘူး) သို့မဟုတ် (နို့ဆီဘူး ၂/၃ ဘူး) ~ တင်လဲရည်.....၄ ဆ (၁၂၀ စီစီ/ပရုပ်ဆီဘူး (၄)ဘူး သို့မဟုတ် (နို့ဆီဘူး (၃) ဘူး) ~ သန့်ရှင်းသောရေ.....၉၅ ဆ (သုံးလီတာ/ရေသန့်ဘူး (၃)ဘူး သို့မဟုတ် (ငါးဂါလန်) အထက်ပါ အချိုးအတိုင်းရောစပ်ပြီး သန့်ရှင်းသော ပလတ်စတစ်ပုံး (သို့မဟုတ်) စဉ့်အိုးထဲထည့်၍ ကောင်းစွာမွှေပေး၍ သုံးရက်ကြာလျှင် အသင့်သုံး အီးအမ်ကို ရရှိပါသည်။ ရာသီဥတုအေးပါက (၃) ရက်ထက်ပိုထားရန် လိုပါသည်၊ မူလဖျော်စက အသင့်သုံးအီးအမ်သည် တင်လဲရည် အမဲရောင် တွေ့ရမည်ဖြစ်ပြီး(၃) ရက်ကြာပြီးနောက် အဝါရောင်ပြောင်းသွားမည်ဖြစ်သည်။ အဝါရောင်မပြောင်းသေးပါက (၃) ရက်ထက် ပိုထားရမည် ဖြစ်ပါသည်။ အဝါရောင်ပြောင်းသွားလျှင် သုံးနိုင်ပြီ ဖြစ်သည်။