Greenwayမှ စိုက်ပျိုးရေး ပညာရှင်များခင်ဗျာ "စူပါတီ"မြေသြဇာဆိုတာ ဘာကိုပြောတာပါလဲ နောက်ပီး ဘယ်မှာဝယ်လို့ရပါသလဲ...

တီစူပါဆိုတာ အပင်တွေအတွက် အများလိုအဟာရတစ်မျိုးဖြစ်တဲ့ မီးစုန်းဓာတ်ခေါ် ဖော့စဖိတ်ဓာတ် (P) အဓိက ပါဝင်တဲ့ ဓာတ်မြေသြဇာတစ်မျိုးဖြစ်ပြိး အပင်ရဲ့ အမြစ်တွေ အားကောင်းစေသလို အပင်ကိုကြီးထွားတဲ့ နေရာမှာလည်း များစွာ အထောက်အကူပြု ပါတယ်။ ပဲအပင်က သဘာဝအလျောက် နိုင်ထရိုဂျင်ဓာတ် (ပုလဲဓာတ်မြေသြဇာ) ကို လေထဲက စုပ်ယူနိုင်တဲ့အတွက် ပုလဲထည့်ပေးစရာမလိုပဲ ဖော့စဖိတ်ဓာတ် ထည့်ပေးဖို့ပဲ လိုအပ်တာပါ။ ဒီတော့ ဖော့စဖိတ်က တီစူပါ တစ်မျိုးထဲက ရတာမဟုတ်ပါဘူး။ သဘာဝမြေသြဇာ (နွားချေး၊ မြေဆွေး) တွေထဲကနေလည်း ရရှိပါတယ်။ သဘာဝမြေသြဇာများများထည့်ရင်လည်း အပင်အတွက် လုံလောက်တဲ့ အဟာရတွေ ရရှိပါတယ်။ နောက်တစ်ခုကတော့ ပဲစိုက်တဲ့သူတွေအတွက် မိမိတို့ဆီက စိုက်ပျိုးရေးအရောင်းဆိုင်တွေကနေ ဝယ်လို့ရမယ်ဆိုရင် ရိုင်ဇိုဘီယမ်လို့ ခေါ်တဲ့ မြစ်ဖုမြေသြဇာကို မျိုးစေ့နဲ့ လူးနယ်ပြီး ထည့်ပေးစေချင်ပါတယ်။ ပဲအတွက် အရမ်းကောင်းပြီး ဈေးလည်း သက်သာပါတယ်။ ဓာတုဆေးမဟုတ်တဲ့အတွက် မြေကြီးကို မပျက်စီးစေပါဘူး။ အပင်အဟာရတွေအကြောင်း ပိုမိုသိချင်တယ်ဆိုရင်တော့ ဒီလင့် http://greenwaymyanmar.org/article/123 ကို နှိပ်ပြီး ဖတ်နိုင်ပါတယ်။ ဇယားပါတဲ့အတွက် ဖုန်းဆော့ဝဲနဲ့ ဖတ်မယ်ဆိုရင် အောက်ဆုံးထိ ဆင်းပြီး အစိမ်းရောင်ဘားလေး (SWITCH TO HTML MODE ) ကို နွိပ္လိုက္ပါ။