စစ်ကိုင်းတိုင်းဒေသကြီး ကလေးမြို့ရဲ့မုန်တိုင်းအခြေအနေလေသိချင်ပါတယ်

ကလေးဝနဲ့မင်းကင်းကြားက မုန်တိုင်း စစ်တွေကို ဖြတ်ဝင်ပြီးလို့ ကုန်းတွင်းကို ဖြတ်တဲ့အခါ ဒီဟာတွေ အပေါ်ကနေဖြတ်မှာပေါ့။ ဒါပေမဲ့ ချင်းတောင်တန်းကြီးကြောင့်မို့ သူက မုန်တိုင်းအားပျော့သွားပြီး ကုန်းတွင်းလေဖိအားနည်းရပ်ဝန်းမျိုးတော့ဖြစ်သွားမယ်။ ဒါပေမဲ့ သူ့ဆီမှာက ၁၃ ရက်နေ့ မနက်အစော ကစပြီး ၁၅ ရက်နေ့ညအထိ လေပြင်းတိုက်၊ မိုးများတာတွေဖြစ်နိုင်တယ်။ ၄ လက်မ ၅ လက်မကနေ ၁၀ လက်မလောက်ထိရွာနိုင်တယ်။ လေပြင်းက ၁၄ ရက်နေ့ညမှာ တစ်နာရီကို မိုင် ၂၀၊ ၂၅ ကနေ ၆၀ ကျော်ထိ တိုက်နိုင်တယ်။ ဒီတော့ လေပြင်းမယ်၊ မိုးများမယ်။ အဲ့ဒီနေရာမှာက ချောင်းတွေ၊ မြောင်းတွေ၊ တောင်ကျ ချောင်းလေးတွေရှိတတ်တော့ ရေကြီးနိုင်တဲ့အခြေအနေကို သတိထားရပါမယ်။ (ဆရာဦးဝင်းနိုင် စာရိုက်ရန် အခက်အခဲရှိနေသဖြင့် ဖုန်းဖြင့်ဖြေကြားထားခြင်းဖြစ်သည်။)