ဈေးမကောင်းလို့ အသီးကျင်း ချင်လို့ နည်းလမ်းလေးများ ပြောပေးကြပါ

အသီးလှောင်ချင်တယ်လို့ဆိုလိုချင်တာထင်ပါတယ်ဗျ။ ခရမ်းချဉ်လိုသီးနှံမျိုးအတွက်အလွယ်ကူဆုံးလှောင်တဲ့နည်းကအအေးခန်းစနစ်ပါပဲ။ ဒါပေမယ့်လတ်လတ်ဆတ်ဆတ်စားရတဲ့သီးနှံမျိုးဖြစ်သလိုမှည့်သွားရင်လည်းအုံလိုက်ကျင်းလိုက်မှည့်တတ်တဲ့သဘာဝကြောင့် လှောင်နိုင်ရင်တောင်နှစ်ပတ်ထက်ပိုမကောင်းနိုင်ပါဘူး။ လှောင်နိုင်တဲ့နည်းပညာတွေကလည်းဒီလိုသီးနှံမျိုးအတွက်ဆိုရင်လည်းသိပ်ပြီးတွက်ချေကိုက်တာမဟုတ်တဲ့အတွက်ကြောင့်လက်တွေ့မကျပါဘူး။ ရင်ဆိုင်နေရတဲ့အခက်အခဲကိုတကယ်ကိုယ်ချင်းစာပါတယ်။ ဒီလိုအခြေအနေမျိုးမှာ ယိုထိုးတာဖြစ်ဖြစ် အနှစ်ထုတ်တာဖြစ်ဖြစ်နောက်တစ်ဆင့်လုပ်နိုင်ရင်သို့မဟုတ် အနီးဝန်းကျင်မှာအဲဒီလိုနေရာမျိုးကိုသွင်းနိုင်ရင် ဆုံးရှုံးမှုသက်သာနိုင်ပါတယ်။ နောက်တစ်ခုကစိုက်ချိန်ကိုနည်းနည်းညှိပြီးသူများနဲ့ပြိုင်မထွက်အောင်စိုက်ရင်တော့ဈေးကောင်းရဖို့အလားအလာပိုကောင်းပါတယ်ဗျ။