နွားမ မဒန်း သားလိုချင်ရင် ဘယ်လက္ခဏာပြသလဲ ကျေးဇူးပြု ဖြေကြားပေးစေလိုပါတယ် ဆရာတို့

နွားတွေကို ကြိုးနဲ့အမြဲချည်ထားပြီးမွေးလျှင် သူတို့ရဲ့ သဘာဝအရဖြစ်သည့် မြိုင်လက္ခဏာတွေအကုန်မြင်ဖို့ မလွယ်ပါဘူး။ ကြိုးမချည်ဘဲ လွှတ်မွေးထားရင် မြိုင်လက္ခဏာတွေအကုန်မြင်လွယ်ပါတယ်။ ဒါက လွှတ်မွေးခြင်းရဲ့အားသာချက်ပါ။

နွားတွေအများကြီးလွှတ်မွေးထားတဲ့ခြံတွေမှာဆိုရင် #အခြားနွားတွေကို လိုက်ကျော်ခွနေ/ အခြားနွားတွေအနားလိုက်ကပ်နေတဲ့ နွားကမြိုင်လာနိုင်သည့် အလားအလာရှိပါတယ်။ တက်ခွတာကိုလက်ခံသည့် အဆင့်မရောက်ခင် သူက အငြိမ်မနေဘဲ တခြားနွားတွေကိုလိုက်ကပ်နေတဲ့ အဆင့်ဖြစ်နိုင်သည့်အတွက် စောင့်ကြည့်သင့်ပါတယ်။ # ဒါပေမယ့် တက်ခွနေတဲ့နွားနဲ့ တက်ခွတာကို ငြိမ်ခံနေတဲ့နွား ဆိုတဲ့ ၂ကောင်ကိုမြင်ရင်တော့ ငြိမ်ခံနေတဲ့နွားကသာ မြိုင်လာနေတာဖြစ်ပါတယ်။ မြိုင်မလာတဲ့နွားက တခြားနွားက တက်ခွနေတာကို လက်မခံပါဘူး။ ရှောင်ထွက်သွားပါတယ်။

ဒုတိယမြိုင်လက္ခာများသည် တခါတရံ မြိုင်မလာသေးခင် ပြနိုင်သလို မြိုင်ပြီးသွားသည့်နောက်လည်းပြနိုင်ပါသည်။ အော်တာ အငြိမ်မနေတာစသည်တို့ကို မိမိမြင်လိုက်သည့်အချိန်သည် မြိုင်ပြီးနောက်ပြတာမျိုးဖြစ်နေလျှင် မြင်သည့်ထိုအချိန်နောက်မှ သားစပ်လျှင် မျိုးမအောင်နိုင်တာမျိုးလည်းဖြစ်နိုင်သည်။ ဒါကြောင့် အဓိကထားကြည့်ရမည့် လက္ခာကို ပထမမြိုင်လက္ခာဏာလို့ခေါ်တာပါ။ #အော်နေတဲ့နွားမ ဂဏာမငြိမ်တဲ့နွားမကိုမြင်လျှင် မြိုင်လာနေပြီပဲဆိုပြီး မထားဘဲ ကျော်ခွတာကိုငြိမ်ခံနေတဲ့အချိန်ကိုပါ သတိထားစောင့်ကြည့်ပေးပါ။

မြိုင်လက္ခဏာနဲ့ပတ်သက်ပြီး (၁) ပထမမြိုင်လက္ခဏာ နဲ့ (၂) ဒုတိယမြိုင်လက္ခဏာဆိုပြီး ၂ မျိုးခွဲပါတယ်။ (၁) ပထမမြိုင်လက္ခဏာ - #တခြားနွားများကို ကျော်ခွရန် အခြားနွားအနီးတွင် ရပ်ဆိုင်းနေခြင်း #မြိုင်လာမှုပြင်းထန်လျှင် အမြီးဝန်းကျင်တွင် အချွဲများပေကျန်နေခြင်း ##ပထမမြိုင်လက္ခဏာများအနက် အဓိကထားကြည့်ရမယ့်လက္ခဏာ မှာ- မြိုင်လာနေသည့် နွားမသည် အခြားနွားများက ကျော်ခွလာခြင်း ကျော်ခွနေခြင်းကို လက်ခံသည့်အချိန်ပင်ဖြစ်သည်။ ကျော်ခွတာကိုငြိမ်ပြီးလက်ခံနေတာကိုမြင်လျှင် ထိုနွားမသည်မြိုင်လာနေတာသေချာပါသည်။ ထိုအချိန်ကိုသိလျှင် သားစပ်ရမည့်အချိန်ကို အနီးစပ်ဆုံး မှန်ကန်စွာတွက်ချက်နိုင်မည်။ (၂)ဒုတိယမြိုင်လက္ခဏာ- #အခြားနွားများကို ကျော်ခွခြင်း #ဂဏာမငြိမ်ဖြစ်ခြင်း/အော်ခြင်း #အကြည်ရောင်အချွဲကျခြင်း #တန်ဆာနီခြင်း/ကြီးခြင်း #အမြီးဝန်းကျင်တွင် အချွဲများခြောက်နေခြင်း #နို့ထွက်နှုန်းနည်းခြင်း #အခြားနွားများကျော်ခွထားပြီးသည့်အမှတ်အသားများတွေ့ခြင်း

အော်တာတမျိုး ဟို တက်ခွ ဒီတက်ခွပြုတတ်တာတမျိုး