စိုက်ပျိုးထုတ်လုပ်သော သီးနှံပင်များအတွက် အဟာရဓါတ် (၁၆) မျိုးကို သီးနှံပင်အမျိုးအစားအလိုက် လိုအပ်မှု့ကွာခြားကြ...
စိုက်ပျိုးထုတ်လုပ်သော သီးနှံပင်များအတွက် အဟာရဓါတ် (၁၆) မျိုးကို သီးနှံပင်အမျိုးအစားအလိုက် လိုအပ်မှု့ကွာခြားကြပါသည်။ နောက်ပိုင်းတွင်ဖော်ပြမည့် သီးနှံများတွင် ရေးသားဖော်ပြပါမည်။ ၎င်းအဟာရဓါတ်(၁၆) မျိုးတွင် ပထမဓါတ် (၃) မျိုး - C, H, O ခေါ် ကာဗွန်၊ ဟိုက်ဒြိုဂျင် ၊အောက်စီဂျင် ဒုတိယဓါတ်(၃) မျိုး - N, P, K, ခေါ် နိုက်ထရိုဂျင်၊ ဖော့စဖားရက်နှင့် ပိုတက်စီယမ် တတိယဓါတ် (၃) မျိူး - Ca, Mg, S ခေါ် ကယ်လဆီယမ်၊ မဂ္ဂနီစီယမ် နှင့် ဆာလဖာ စတုတ္တဓါတ်(၇) မျိုး - Zn, Cu, B, Mo, Mn, Fe, CI, ခေါ် သွတ်၊ ကော့ပါး၊ ဘိုရွန်၊ မော်လစ်ဒီနန်၊ မဂ္ဂနီးစ်၊ အိုင်းယွန်း၊ ကလိုရင်း၊ ၎င်းအဟာရဓါတ် (၁၆) မျိုးကို သတ္တုဓါတ်မဟုတ်သော (Non miner) အဖြစ် (C, H, O) ကိုသတ်မှတ်ပြီး ကျန်(၁၃) မျိုးကို mineral သတ္တုဓါတ်များဟုသတ်မှတ်သည်။ ထို့အပြင်ရွေ့လျားနိုင်သော ဓါတ်ဆင်များနှင့် မရွေ့လျားနိုင်သော ဓါတ်ဆင်တို့ကို သိထားရန် လိုအပ်ပါသည်။ ရွေ့လျားနိုင်သောဓါတ်ဆင်များမှာ N,P, K, Mg, Cl, Na, Zn, Mo တို့ ဖြစ်ကြပါသည်။ မရွေ့လျားနိုင်သောဓါတ်စင်များမှာ Ca, S, Fe, B, Cu တို့ ဖြစ်ကြသည်။ ထို့အတူ ထပ်မံ သိရှိထားရန်အတွက် ဓါတ်သတ္တု (Metal) နှင့် ဓါတ်သတ္တု မဟုတ်သော (Non- Metal) များကိုလည်း ကွဲပြားခြားနားမှုကိုသိရှိရန် ဖော်ပြလိုက်ပါသည်။ ဓါတ်သတ္တုများမှာ (Metals) K, Ca, Mg, Na, Fe, Zn, Mn,Cu, Mo, Co, နှင့် V တို့ဖြစ်ကြသည်။ (CO=cobalt, V=vanadium) ဓါတ်သတ္တုမဟုတ်သော အရာများမှာ (Non-Metals) N, P, S, CI, နှင့် Si တို့ဖြစ်သည်။ ၎င်းဓါတ်ဆင်များကို လုပ်ငန်းဆောင်ရွက်မှု (Function) အရ အုပ်စု (၄) အုပ်စုခွဲ၍ သတ်မှတ်ထားသည်။ အုပ်စု(၁) အော်ဂဲနစ် ဖွဲ့စည်းသောဓါတ်ဆင်များ N, S,P, Ca, B, Fe, Mg အုပ်စု(၂) အင်ဇိုင်းများ နှိုးဆွပေးသော ဓါတ်ဆင်များ အဖြစ် K, Mg, Ca, Fe, Mn, Cu, Mo, Na, CI, အုပ်စု(၃) ဓါတ်တိုးခြင်း - ဓါတ်လျော့ခြင်းလုပ်ငန်းကို ပံ့ပိုးကူညီသောဓါတ်စင်များအဖြစ် P, S, Fe, Mn, Cu, Mo အုပ်စု(၄) လေဝင်လေထွက်နှင့် လျှပ်စစ်ဓါတုညီမျှခြင်းလုပ်ငန်းဆောင်ရွက်ပေးသော ဓါတ်ဆင်အဖြစ် K, Na, CI ဟူ၍ ခွဲခြားသတ်မှတ်ပါသည်။ ထိုကြောင့် သီးနှံပင်များတွင် မရှိမဖြစ် လိုအပ်သော ဓါတ်ဆင်များနှင့် ၎င်းတို့၏ လုပ်ငန်းဆောင်ရွက်မှုများကို သိရှိထားခြင်းအားဖြင့် လိုအပ်သော အဟာရဓါတ်များ မျှတစွာကျွေးခြင်း( Nutrient Balance ) ဖြစ်ပြီး မျှော်မှန်းသော အထွက်နှုန်းနှင့် အရည်အသွေးကို ရရှိစေပါမည်။ Crd : ဦးတင်အောင်ရှိန်၏ “မြေဆီဆရာဝန်” စာအုပ်မှ ကောက်နှုတ်ထားသည်။
