ဆရာတို့ခမျာ ကွမ်းသီပင်တွေကပုံပါအတိုင်းဖြစ်နေလို့ပါ ရောဂါလား(သို့မဟုတ်)ဘာကြောင့်ပါလဲခမျာ ဘယ်လိုပြန်ကောင်းအောင်...

ပုံပါ ကွမ်းသီးပင်စည်တွင် ဖြစ်ပွားနေသော လက္ခဏာမှာ မှိုပိုးကြောင့် ဖြစ်တတ်သည့် "ပင်စည်ခြေပုပ် ရောဂါ"ဖြစ်ပါတယ်။ ဤရောဂါသည် အပင်ခြေရေဝပ်ခြင်း၊ ပင်စည်ဒဏ်ရာရခြင်းနှင့် ပိုတက်စီယမ်ဓာတ် နည်းပါးခြင်းတို့ကြောင့် အဖြစ်များပါသည်။ ကုသရန်အတွက် ရောဂါရနေသော အမည်းရောင်အသားမျှင်များကို အသားကောင်းပေါ်သည်အထိ ဓားဖြင့်ခြစ်ထုတ်ပြီး၊ ထိုဒဏ်ရာကို ဘော်ဒိုဆေးရည် (သို့မဟုတ်) မှိုသတ်ဆေး ပျစ်ပျစ်သုတ်ပေးကာ ဆေးခြောက်လျှင် ကတ္တရာစေး ထပ်မံသုတ်ပေးရပါမယ်။ အခြားအပင်များသို့ မကူးစက်စေရန် စိုက်ခင်းအတွင်း ရေနုတ်မြောင်းစနစ်ကောင်းမွန်အောင် ပြုလုပ်ခြင်း၊ အပင်ခြေကို မှိုသတ်ဆေးရည် လောင်းပေးခြင်းနှင့် ထရိုင်ကိုဒါးမား (Trichoderma) အကျိုးပြုမှိုကို သဘာဝမြေဩဇာနှင့်ရော၍ ကျွေးပေးခြင်းတို့ကို ဆောင်ရွက်ရပါမယ်ခင်ဗျာ။