ရုံးပတီ အပင်တွေအဝါဘက်လိုက်နေလို့ဘာဆေးအသုံးပြုရမလဲဗျ

ပုံပါ လက္ခဏာများအရ ရုံးပတီပင်များတွင် ရုံးပတီသီး ရွက်ကြောဝါမိုစေ့ဗိုင်းရပ်စ်ရောဂါ (Okra Yellow Vein Mosaic Virus) ကျရောက်နေပါသည်။ အရွက်နုများ၏ ရွက်ကြောများ စတင်ဝါလာပြီး နောက်ပိုင်းတွင် အရွက်တစ်ခုလုံး ကွန်ရက်သဏ္ဌာန် ဝါဖျော့သွားခြင်း ဖြစ်သည်။ ဤဗိုင်းရပ်စ်ရောဂါသည် ယင်ဖြူ (Whitefly) ကောင်များမှတစ်ဆင့် ကူးစက်ပြန့်ပွားခြင်း ဖြစ်ပြီး ရောဂါစွဲကပ်သွားသော အပင်ကို တိုက်ရိုက်ကုသရန် ဆေးမရှိသေးပါ။ ထို့ကြောင့် အဓိကကာကွယ်ကုသနည်းမှာ ရောဂါရနေသော အပင်များကို နှမြောခြင်းမရှိဘဲ ချက်ချင်းနုတ်ယူ မီးရှို့ဖျက်ဆီးပစ်ရန်နှင့် ရောဂါသယ်ဆောင်လာသည့် ယင်ဖြူများကို ကာကွယ်နှိမ်နင်းရန် ဖြစ်သည်။ စိုက်ခင်းအတွင်း ယင်ဖြူများ နှိမ်နင်းရန်အတွက် အဝါရောင်ကော်စေးထောင်ချောက် (Yellow Sticky Traps) များ သုံးခြင်း၊ တမာဆေးရည် ဖြန်းခြင်း သို့မဟုတ် အီမီဒါကလိုပရစ် (Imidacloprid)၊ Fipronil စသည့် ဓာတုပိုးသတ်ဆေးများကို အညွှန်းစာပါအတိုင်း စနစ်တကျ ဖျန်းပေးရပါမည်။