တချို့ဆရာတွေက ပိုးသတ်ဆေး မှိုသတ်ဆေးတွေ ကိုရောသုံးလို့ရတယ်တဲ့။တချိူ့ကမကောင်းဘူးတဲ့။ပိုးသတ်ဆေးတွေ ကိုရောလိုက်ရင်...

ဒါက ဘယ်ပိုးသတ်ဆေး၊ မှိုသတ်ဆေး၊ မြေသြဇာတွေရော မယ်ဆိုတာနှင့် ဆိုင်ပါတယ်.. စိုက်ပျိုးရေးသုံးဓါတုဗေဒတွေရောတာနဲ့ပါတ်သက်လို့ ရှာကြည့်တာတွေ့ရ တာတွေကတော့ ၁။ မူလအာနိသင်ကိုမပြောင်းလဲစေပဲ ဆေးအရောတွေအားလုံးရဲ့ အာနိသင်တွေအတိုင်းရှိနေတာ (Additive effect) ၂။ ရောထားတဲ့ဆေးတွေရဲ့ အာနိသင်ကိုပိုတိုးစေတာ(Synergistic effect) ၃။ ရောထားတဲ့ဆေးတွေက တစ်ခုကိုတစ်ခုအာနိသင် နည်းသွားစေတာ (Antagonism) တို့ဖြစ်ပါတယ်။ နောက်တစ်ခုက ဓါတုပစ္စည်းတစ်ခုနဲတစ်ခု သဟဇာတမဖြစ်မှု (Incompatibility) ပါ။ ဓါတု သဟဇာတမဖြစ်မှု (chemical incompatibility) နဲ့ ရုပ်ပိုင်း သဟဇာတမဖြစ်မှု (physical incompatibility) နှစ်မျိုးရှိပါတယ်။ ဓါတု သဟဇာတမဖြစ်မှု ကဖျော်တဲ့ရေရဲ့အပူချိန်၊ အချဉ်-ငန် (pH) နှင့် ရောစပ်ပြီး နဲ့ မဖျန်းခင် ကြားအချိန် တို့နဲ့ဆိုင်ပါတယ်။ ရုပ်ပိုင်း သဟဇာတမဖြစ်မှု ကတော့ ဆေးပုံစံ (formulations) ဥပမာဆေးမှုန့် (WP,SP)၊ ဆေးရည် (EC) တို့နဲ့ဆိုင်ပါတယ်။ ယေဘုယျအားဖြင့်ကတော့ ဆေးမှုန့် (WP)ကို ဆေးရည် (EC) နှင့်မရောသင့်ပါဘူး။ သဟဇာတမဖြစ်မှုကြောင့် အပင်လောင်တာ၊ ဓါတုပစ္စည်းတွေအနည်ထိုင်လာပြီး ဆေဖျန်းကိရိယာတွေ ပိတ်ဆို့တာ တွေဖြစ်နိုင်ပါတယ်။ အလွယ်တကူစမ်းသပ်နိုင်တဲ့နည်းကတော့ ရေဖျော်စမ်းသပ်တဲ့ပါပဲ။ ရေ ၅၀၀ မီလီမီတာ (ရေသန့် ဗူးတဝက်) ထဲကို ရေဖျော်ဆေးမှုန့် (WP) ဆိုရင် ဟင်းစားဇွန်း ၁ ဇွန်း ( approx.10 g)တခြားဆေးရည် ဆေးမှုန့်တွေ (EC,L,SL) တွေဆို လက်ဖက်ဇွန်း ၁ ဇွန်း (5 g) စီဖျော်ပြီး ရောကြည့်ပါ။ တကယ်လို့ အခဲတွေ (ဆေးမှုန့်ပုံနဲ့မတူပဲ) အနည်ကျလာရင်၊ ထည့်တဲ့ဗူး ပူလာရင်၊ ဆေးရည်မျက်နှာပြင်မှာ အဖတ်တွေတက်လာရင် မရောသင့်ပါဘူး။ Ref: http://www.ovs.com/1_pesticide_interactions.htm နောက်မေးခွန်းကတော့ရှင်းပါတယ် အပင်တစ်ပင်မှာ စုပ်စားပိုး၊ ကိုက်စားပိုးတွေ စုံနေရင်တော့ ပင်လုံးပြန့် အာနိသင် (systemic) ရှိတဲ့ဆေးပဲဖျန်းသင့်ပါတယ်။ ကိုက်စားပိုး အတွက် ထိသေ၊ အစာအိပ်အဆိပ် (contact/stomach poison) စုပ်စားပိုးတွေအတွက် ပင်လုံးပြန့် (systemic) သီးသန့်စီ ဖျန်းဖို့ မလိုပါဘူး။