စပျစ်ကိုဘယ်လိုပြုစုပျိုးထောင်ရပါသလဲ

၁ပတ်ကိုအနည်းဆုံး၁ကြိမ်ရေသွင်းပေးပါ။ပင်ခြေပေါင်းလိုက်ပါ။စပျစ်ပင်ငယ်မြေချပြီး၁၀ရက်အတွင်းသစ်ဖူးထွက်ပြီး၁လအတွင်းကိုင်းတက်လေးများဖျာလာမည်။မဖြတ်တောက်ပဲမွေးပါ။ထို့နောက်အသန်မာဆုံးကိုင်းတက်၁တက်ချန်ပြီးကျန်ကိုင်းအားလုံးဖြတ်တောက်ဖယ်ရှားပစ်ပါ။တိုင်စိုက်သွပ်ကြိုးကိုမြေမှ၂ပေခွဲအကွာ၁တန်း လေးပေခွဲအကွာတွင်ဒုတိယတန်းကိုသွယ်တန်းပါ။စပျစ်ပင်ငယ်များပထမကြိုးတန်းအထက်၃လက်မခန့်အကွာတွင်ကတ်ကြေးဖြင့်ခေါင်နှိမ်ပေးပါ။၁၅ရက်ခန့်ကြာလျှင်ထွက်လာသောကိုင်းတက်များအနက်အထွားဆုံး၃တက်ကိုရွေးပြီးကျန်ဖြတ်တောက်ပါ။၃တက်အနက်၁တက်ကိုဝါးခြမ်းထောင်၍အထက်သွပ်ကြိုးတန်းသို့လွှတ်ပါ။ကျန်ကိုင်း၂ခုကိုဘေးဝဲယာသို့လွှတ်ပါ။ကိုင်းမကြီးအဖြစ်မွေးမည့်ကိုင်းတွင်သားတက်များထပ်ထွက်လာပါက၄လက်မအကွာတွင်၁ကိုင်းကျစီရွေး၍ကျန်အတက်များဖြတ်ပေးပါ။ကိုင်းမကြီးသည်ပင်စည်ဧ။်၃ပေအကွာရောက်သည့်အခါတွင်သီးကိုင်းများထပ်မယူပဲခေါင်နှိမ်ပေးပါ။ဧပြီမိုးဦးနှင့်စက်တင်ဘာမိုးနှောင်းတွင်၁ကြိမ်ကိုင်းဖြတ်ပေးပါ။( သိလိုသည်များကိုအသေးစိတ်ထပ်မံမေးပေးပါ)