စီးပွားဖြစ် စိုက်ပျိုးထားတာပါဗျ ကိုင်းညှပ် တာ ဘယ်လို အနေထား ကိုင်းညှပ်တာ အမှန်ဆုံးလဲဗျ

ကိုင်းညှပ်တာကတော့ အပင်ကိုနောက်ထပ်တစ်ခါပွင့်ဖို့ အားပြန်ရှိအောင်လုပ်ပေးတဲ့ သဘောမို့ အမှန်ဆုံးနည်းရယ်လို့တော့ ရှိမယ်မထင်ဘူးအစ်ကို ။လေ့လာဖူးတဲ့ အချက်လေးတွေတော့ ရှိတယ်ရှင့်။ပထမတစ်ခါပွင့်ပြီးတဲ့ အကိုင်းသေတွေဖယ်တာတို့ အရွက်တွေအကုန်သင်ပစ်တာတို့လုပ်လေ့ရှိပါတယ်။မကောင်းတဲ့အကိုင်းမှန်သမျှအကုန်ဖယ်တာမျိုးတွေလဲလုပ်တယ်အစ်ကို။ဒီလိုလုပ်တဲ့အခါမှာ အဖူးထွက်ဖို့ရှိတဲ့နေရာနဲ့ လက်မဝက်လောက်ခွာလေ့ရှိပါတယ်။ ပြီး နှင်းဆီခြုံပုတ်ရဲ့ အလယ်ကို ပွင့်အောင် ကန့်လန့်ဖြတ်အကိုင်းတွေကို ရှင်းလင်းပေးပါတယ်။ဒီလိုလုပ်တာကတော့ အကိုင်းတွေ ဘေးကိုဖြာထွက်စေချင်လို့ပါ။ကိုင်းဖြတ်ကတ်ကြေးကို သန့်စင်ဖို့တော့ သတိထားစေချင်တယ်ရှင့်။ဖြတ်တဲ့အခါမှာလည်း ခပ်စောင်းစောင်းလေးဖြတ်ပေးပါ။ရေတွေတင်ကျန်နေပြီး ရောဂါကူးစက်ခြင်းတွေကို ကာကွယ်နိုင်အောင်လို့ပါ။ကိုင်းဖြတ်ခြင်းလုပ်ငန်းပြီးရင်တော့ အမှိုက်သရိုက်တွေဖြတ်စတွေကို ရှင်းဖို့မမေ့ပါနဲ့။ရောဂါပိုးမွှားတွေခိုးအောင်းနေနိုင်တာမို့ပါ။နှင်းဆီက အစားကြီးတဲ့အပင်ထဲမှာပါလို့ ကိုင်းညှပ်ခြင်းလုပ်ငန်းပြီးရင်တော့ မြေသြဇာကျွေးဖို့လိုပါမယ်ရှင့်။