နဂါးမောက်ပင်ပျိုးနည်းလည်းသိချင်လို့ပါဗျာ ဘယ်လိုမျိုးပျိုးရလည်းဗျာတစ်ခါမှမလုပ်ဖူးလို့ ခုမှစလုပ်မလို့ဗျာ

လေ့လာရတာ အဆင်မပြဘူးဆိုရင် ပြန်အကြောင်းပေးပါရှင့် အဆင်ပြေအောင် ကူညီပေးချင်လို့ပါ?

">http://kopaingnote.blogspot.com/2016/03/blog-post_6.html"> ပေးတားတဲ့ လင့်ကို နှိပ်ပြီးလေ့လာနိုင်ပါတယ် ပုံတွေနှင့်တကွ အပြည့်အစုံဖော်ပြပေးထားတမို့ အဆင်ပြေမယ်လို့ မျှော်လင့်ပါတယ်

ကိုင်းဖြတ်စိုက်ပျိုးခြင်း အလွယ်ကူဆုံး၊ ဈေးအချိုဆုံး၊ အသင့်တော်ဆုံး မျိုးပွားရန်မှာ ကိုင်းဖြတ် များကို စိုက်ပျိုးခြင်းပင် ဖြစ်ပါသည်။ နဂါးမောက်ပင် သီးပွင့်ပြီး တစ်နှစ် မှ နှစ်နှစ် အကြာ ကိုင်းရင့်ပြီး ချိန်မှ စ၍ ကိုင်းဖြတ် စိုက်ပျိုးနိုင် ပါသည်။ ကိုင်းဖြတ်၍ ပျိုးခြင်းကို တစ်နှစ်ပတ်လုံး ပျိုးနိုင် သော်လည်း အများအားဖြင့် အသီးသီးသော ရာသီကုန် ဆုံးပြီးမှသာ အကိုင်းဖြတ်ခြင်း၊ ပျိုးခြင်း အလုပ်ကို ပြုလုပ် ကြပါသည်။ အဝါရောင် အဖြူရောင် အစရှိသဖြင့် နဂါးမောက်ပင်၏ မူလ သဘာဝ အရောင် အစိမ်းရောင် မဟုတ်သော အကိုင်းများကို ဖြတ်၍ အပင်ပေါက် ပျိုးခြင်း မပြုလုပ် သင့်ပါ။ စိုက်ပျိုးရန် အတွက် ကိုင်းဖြတ်ခြင်းကို နံနက်ခင်းတွင် ပြုလုပ် သင့်သည်။ ကိုင်းဖြတ် စိုက်ပျိုးရန် အတွက် နဂါးမောက် ကိုင်းဖြတ်ရာတွင် အရှည် တစ်ပေမှ တစ်ပေခွဲခန့် ဖြတ်သင့် ပါသည်။ ကိုင်းဖြတ် ရှည်လျှင် ရှည်သလို အမြစ်သစ်များ ထွက်ပေါ်မှု၊ အရွက် နှင့် အတက် ပေါက်မှုများ ပိုမြန်ပါသည်။ အကိုင်းဖြတ် ထဲတွင် သိုလှောင်ထားသော ရေနှင့် အစာကြောင့် ဖြစ်ပါသည်။ အကိုင်းများကို ဖြတ်ရာတွင် အောက်ခြေကို အနည်းငယ် ရွေစောင်း၍ ဖြတ်လေ့ ဖြတ်ထ ရှိပါသည်။ ကိုင်းရင့်များ သည် ကိုင်းနု များထက် ပို၍ အင်းဆက်ပိုး များနှင့် အခြား ဘေးဒဏ်များကို ခံနိုင်ရည် ရှိပါသည်။ ကိုင်းဖြတ်များကို မှိုသတ်ဆေးတွင် တို့ပြီးမှ စိုက်ပါက မှိုရောဂါ ကာကွယ်ရာ ရောက်ပါသည်။ ထို့အပြင် ကိုင်းဖြတ ်များကို အေး၍ ခြောက်သွေ့သော နေရာများတွင် (၅)ရက်မှ (၇)ရက်ခန့် ထားပြီးမှ စိုက်လေ့ ရှိပါသည်။ ကိုင်းဖြတ် များကို စိုက်ကွင်း ထဲတွင် တိုက်ရိုက် စိုက်နိုင် သော်လည်း အရိပ်တွင် ပျိုးအိတ် သို့မဟုတ် အိုးနှင့် မြေဆွေးထည့်၍ အမြစ် ထွက်လာရန် ပျိုးပြီးမှသာ စိုက်လေ့ ရှိပါသည်။ အကိုင်းဖြတ်များမှ အမြစ်ထွက် မြန်စေရန် အမြစ်ပွားသေး သို့မဟုတ် အမြစ်ထွက် စေသော ဟော်မုန်းဆေးတွင် နှစ်ပြီးမှ စိုက်ပါက အမြစ်ထွက် မြန်ပါသည်။ ရက် ၄၀-၅၀ ခန့်ကြာမှ အမြစ်ထွက် သော နဂါးမောက် အကိုင်းဖြတ်သည် ၁၀-၁၅ရက် အကြာတွင် အမြစ် ထွက်လာနိုင် ပါသည်။ အမြစ်ထွက် စေသော ဟော်မုန်းဆေး နဂါးမောက်ပင် အကိုင်းဖြတ်ကို စိုစွတ်စေပြီး အမြစ်ထွက် စေသော ဟော်မုန်း အမှုန့်တွင် (၁၀) စက္ကန့်ခန့် နှပ်ပြီးမှ စိုက်လျှင် အတက်ထွက်ခြင်း မြန်ပြီး သန်စွမ်းသော အမြစ်ပွားများ (၄)လမှ(၆)လ အတွင်း ထွက်ရှိပါမည်။ အတက်များ သည်လည်း တရက် လျှင် တစ်လက္မခန့် ရှည်ထွက် ပါမည်။ ကိုင်းဖြတ်များကို ခရီးဝေးသို့ တင်ပို့လျှင် ရေစိုသော စက္ကူ သို့မဟုတ် အဝတ်စ နှင့် ရစ်ပတ်၍ ပို့သင့်ပါသည်။ မလိုအပ်သော ရေခြောက်သွေ့ခြင်းမှ ကာကွယ်ရန် ဖြစ်သည်။ ကိုင်းဖြတ် စိုက်ပျိုး ထားသော ပျိုးပင်ပေါက် အိုးများကို ရေအနည်းငယ် လောင်းပေး နိုင်သော်လည်း ရေဝပ်၍ အပင်ပုပ်ခြင်း မဖြစ်စေရန် ဂရုစိုက်ရ ပါမည်။ နဂါးမောက် ပျိုးပင်များ၏ အမြစ်များသည် ပျိုးအိတ် သို့မဟုတ် အိုး၏ အောက်ခြေမှ ဖောက်ထွက်၍ မြေသို့ စိုက်ဝင်ပြန့်ပွား လာနိုင် ပါသဖြင့် ပျိုးပင်များ မြေချရန် အချိန်မှာလည်း အရေးကြီးပါသည်။ ပျိုးပင်များကို အမြင့်ခုံတွင် တင်ထားခြင်း၊ အမာခံ မျက်နှာပြင် ပေါ်တွင် တင်၍ စိုက်ပျိုးသင့် ပါသည်။ နဂါးမောက်ပင်ကို ကိုင်းကူး ကိုင်းဆက်ခြင်း နည်းဖြင့် မျိုးပွား နိုင်သော်လည်း အများအားဖြင့် လွယ်ကူ ရိုးရှင်းသော ကိုင်းဖြတ် စိုက်ပျိုးခြင်း နည်းကိုသာ သုံးပါသည်။ ကိုင်းကူးခြင်းဖြင့် မျိုးရင်းတူသော အရိုင်းပင်ကို နဂါးမောက်ပင်ဖြင့် မျိုးပွားနိုင်သည်ကို စာတွေ့အနေဖြင့် လေ့လာနိုင် သော်လည်း လက်တွေ့တွင် စမ်းသပ် စိုက်ပျိုးခြင်း မရှိသေးပါ။ ပျိုးပင်များစိုက်ပျိုးခြင်း ပျိုးပင်များ၊ နဂါးမောက် ကိုင်းဖြတ်များကို တစ်နေရာတွင် စုစည်း၍ ပျိုးခင်း အဖြစ် ပြုလုပ်ခြင်းဖြင့် မြေသားကို လွယ်ကူစွာ ပြုပြင်နိုင်ခြင်း၊ လွယ်ကူစွာ ရေလောင်းနိုင်ခြင်း၊ အလင်းရောင်ကို လွယ်ကူစွာ ပေးနိုင်ခြင်း စသည့် အကျိုးကျေးဇူး များ ရပါသည်။ ကိုင်းဖြတ် စိုက်ပျိုးခြင်းကို မိုးရာသီ မရောက်မီ သုံးလခန့် ကြိုတင်၍ ပျိုးသင့်သလို အမှန်တကယ် စိုက်ပျိုးမည့် နေရာနှင့် မလှမ်းမကမ်း အနီးတွင် ပြုလုပ်ခြင်း အားဖြင့် သယ်ယူ ပို့ဆောင်ခ သက်သာစေသည်။ အပျက်အစီး သက်သာစေ ပါသည်။ ပျိုးပင်များကို သက်တမ်း နုစဉ်တွင် သင့်တော်သော အရိပ် ပြုလုပ်ပေး ရပါမည်။ အပင်ကိုင်းဖြတ် ရွေးချယ်ရာတွင် သန်စွမ်း၍ အစိမ်းရင့်ရောင် ရှိသော အတက် ကိုင်းဖြတ်များ ကိုသာ သုံးရပါမည်။ တစ်ဆယ်မီတာ ( ၃၂ ပေခန့် ) ပတ်လည် မြေကွက်လပ် ရှိသော ပျိုးဥယျာဉ် တစ်ခုတွင် ပျိုးပင် တစ်ထောင့် တစ်ရာခန့် ဆံ့ပါမည်။ ပျိုးပင် ကိုင်းဖြတ် အချို့သည် အမြစ်မပွား၊ အတက်မပေါက် ဖြစ်နိုင် ပါသဖြင့် လိုအပ်သည့် ပမာဏထက် ပို၍ ပျိုးရမည် ဖြစ်ပါသည်။ မိမိ လိုအပ်မည့် အပင်ပေါက် ပမာဏ နှင့် ပျိုးရမည့် အကိုင်းဖြတ် ပမာဏသည် အရေးကြီး ပါသည်။ မြေချစိုက်ပျိုးခြင်း။ ။ နဂါးမောက်ပင်သည် နေရောင်ခြည်ကို နှစ်သက် သဖြင့် ကွင်းပြင်ကျယ်တွင် စိုက်ပျိုးသင့် ပါသည်။ အရိပ်ကျသော နေရာတွင် မစိုက်ပျိုး သင့်ပါ။ သံနန်းကြိုး သို့မဟုတ် ဝိုင်ယာကြိုး သုံး၍ နဂါးမောက်ပင်ကို မချည်တုတ် သင့်ပါ။ သံနန်းကြိုးသည် နဂါးမောက်ပင်ကို ထိခိုက် ပြတ်ကျစေ သလို သံချေး တက်၍ ပျက်စီးသွား သဖြင့် ကြာရှည် မခံပါ။ အုတ်နံရံ၊ သစ်ပင် စသည်တို့ကို တွယ်တက်၍ ဥယျာဉ်ခြံမြေတွင် နဂါးမောက်ပင် စိုက်ပျိုးခြင်းသည် အပင် အနည်းငယ်သာ စိုက်ပျိုးနိုင် ပါမည်။ စီးပွားဖြစ် စိုက်ပျိုးရာတွင် ကွန်ကရစ်တိုင်၊ အုတ်တိုင်၊ သစ်မာ သစ်သားတိုင်များ တန်းများကို သုံး၍ စိုက်ပျိုး ရပါမည်။ နဂါးမောက်တိုင် များသည် အပင်၏ အလေးချိန်ကို ခံနိုင်ရန် တောင့်တင်း ရမည် ဖြစ်သလို လူဖြင့် ဝတ်မှုန်ကူးခြင်း၊ အသီးခူးခြင်း ပြုလုပ်နိုင်ရန် လုံလောက်သော ဝင်လမ်း၊ ထွက်လမ်း ရှိရပါမည်။ စာရေးသူ၏ ခြံမှ နဂါးမောက်အဖူး၊ အပွင့်ငုံ၊ အပွင့် စသည် တို့နှင့် အတူ နဂါးမောက် အပင် တို့ကို ပြသထား ပါသည်။သံကူ ကြန္ကရစ္တိုင္ျဖင့္ စိုုက္ပ်ိဳးျခင္း ဓာတ္ပံုု - ေက်ာ္ႏိုုင္ သံကူ ကွန်ကရစ်တိုင်ဖြင့် စိုက်ပျိုးခြင်း ဓာတ်ပုံ - ကျော်နိုင် နဂါးမောက်ပင်များကို မြေခြ စိုက်ပျိုးရာတွင် တိုင်စိုက်၍ တိုင်ဘေး ပတ်လည်တွင် စိုက်ပျိုး သောနည်းကို စာရေးသူ အနေနှင့် နှစ်သက် ပါသည်။ စာရေးသူ၏ ခြံ တစ်တိုင်နှင့် တစ်တိုင် တစ်ဆယ်ပေ ပတ်လည်ခြား၍ စိုက်ပြီး တိုင်ကို မြေတွင် တစ်ပေမှ တစ်ပေခွဲ အထိ စိုက်ပါသည်။ သံကူ ကွန်ကရစ်တိုင် များကို သုံးကြသလို အုတ်တိုင်များ ကိုလည်း သုံးကြပါသည်။ ကွန်ကရစ်တိုင်ကို ခုနှစ်ပေခန့် လောင်းလေ့ ရှိပါသည်။အုုတ္တိုုင္ျဖင့္ စိုု္က္ပ်ိဳးျခင္း ဓာတ္ပံုု - ေက်ာ္ႏိုုင္ အုတ်တိုင်ဖြင့် စို်က်ပျိုးခြင်း ဓာတ်ပုံ - ကျော်နိုင် ကွန်ကရစ်တိုင် တစ်လုံးလျှင် နဂါးမောက်ပင် တစ်ပင်မှ လေးပင် အထိ စိုက်လေ့ ရှိပါသည်။ မိုးဦးကျ ရာသီတွင် စိုက်လေ့ ရှိသော်လည်း ရေလောင်း နိုင်လျှင် တစ်နှစ်ပတ်လုံး စိုက်ပျိုးနိုင် ပါသည်။ ရေကို မနက်ခင်း ဖြစ်စေ၊ ညနေခင်း ဖြစ်စေ ပေးလောင်း သင့်သည်။ စာရေးသူ၏ နဂါးမောက်ခြံတွင် အပင်၏ အမြစ် အနီးသို့ ရေပိုက်ငယ် သွယ်၍ ရေတိုက်ရိုက် လောင်းသော စနစ်ကို သုံးပါသည်။

မြေအမျိုးအစား နဂါးမောက်ပင်ကို မြေအမျိုးအစား များစွာတွင် ကောင်းမွန်စွာ စိုက်ပျိုးနိုင် ပါသည်။ အရေးကြီး သည်မှာ ရေမဝပ်ရန် ရေစီးကောင်း စေသော သဲနုန်းမြေပွ တွင်ဖြစ်ရန် လိုသည်။ မြေဆွေးများစွာ ပါဝင်သော သဲနုန်းမြေကို နှစ်သက်ပါသည်။ အနည်းငယ် အချဉ်ဓါတ် ပေါက်သော မြေတွင် နဂါးမောက်ပင် စိုက်ပျိုးထား သည်ကိုလည်း တွေ့နိုင် ပါသည်။ စိုက်ပျိုးသူ၏ ဂရုစိုက်မှု၊ ကျွမ်းကျင်မှုကို တည်၍ အနည်းငယ် ဆားဓါတ်ပါသော မြေတွင်လည်း အောင်မြင်စွာ စိုက်ပျိုးနိုင် ပါသည်။ နဂါးမောက်ပင်ပျိုးခြင်း နဂါးမောက်ပင်ကို (၁) အစေ့မှ ပျိုးခြင်း၊ (၂) ကိုင်းဖြတ် စိုက်ပျိုးခြင်း ဟူ၍ အဓိက နည်းနှစ်မျိုးဖြင့် စီးပွားဖြစ် စိုက်နိုင်ပါသည်။ အစေ့မှပျိုးခြင်း အစေ့မှ ပျိုးရာတွင် နဂါးမောက် မိခင်ပင်မှ ရွေးချယ် ထားသော ရင့်မှည့်သည့် အသီးမှ အစေ့ကို ယူရပါမည်။ အစေ့များကို ရေဆေးပြီး သဲနုံးမြေ သို့မဟုတ် သဲနုံး နှင့် မြေဆွေး ရောထားသော မြေတွင် အညှောင့် ပေါက်စေပါ။ မြေကို ရေစွတ်စို နေပါစေ။ အစေ့များသည် (၃-၄)ရက် တွင် အညှောင့်များ စပေါက် လာပါ မည်။ အစေ့များ အညှောင့် ပေါက်ပြီး (၄-၅)ရက် သတ္တပတ် အကြာတွင် အိုးတွင် ထည့်၍ ပျိုးရပါမည်။ အိုးများနှင့် ပျိုးထားသော နဂါးမောက်ပင်ကို (၉)လ (၁၀)လအကြာတွင် မြေချ စိုက်နိုင် ပါသည်။ ဤစနစ်သည် ရိုးရှင်း၍ လွယ်ကူသော်လည်း မူရင်းအပင်၏ အရည်အသွေး မှီအောင် ရရှိနေမှု မသေချာပါ။ ဝတ်မှုန်ကူးခြင်း သဘော သဘာဝ အရ အခြား မျိုးကွဲများနှင့် ရောတတ်ပါသည်။ ထို့အပြင် အစေ့မှ စိုက်ပျိုးခြင်း သည် အချိန်ကြာမှသာ သီးပွင့် ပါသည်။ ငါးနှစ် ခြောက်နှစ် ကြာအောင် အချိန်ယူတတ် ပါသည်။ ကိုင်းဖြတ် စိုက်ပျိုးခြင်း ထက် အချိန်များစွာ ကြာမြင့် ပါသည်။ စီးပွားဖြစ် စိုက်ပျိုးရန် သင့်တော် သောနည်း မဟုတ်ပါ။

နဂါးမောက်စိုက်ပျိုးနည်း လင့်ကို နှိပ်ပြီးလေ့လာကြည့်ပါရှင့်