ဘာပိုးလဲဗျ..?သံပုရာပင်မှာကျနေလို့ပါ...ဘာဆေးသုံးရမလဲဗျ....

ကြက်မောက် မာလကာ ရှောက် သံပုရာ ကျွဲ‌ေကာစတဲ့ အပင်တွေကို ဆိုးဝါးစွာကျရောက်တတ်ပြီး မိတ်လိုက်ချိန်ဆိုလျှင် နှစ်ကောင်ထပ်၍နေတတ်သော ထိုသတ္တဝါပိုးကောင်ကို ကျနော်ငယ်စဉ်က ကျနော်အဘိုးဖြစ်သူက ပိုးဝါလေး‌တွေဟုခေါ်သည်။အခွံမာရှိသောကြောင့် ပဲစေ့ကလေးလို မာကျစ်ကျစ်ရှိသော ထိုပိုးများကို ဖမ်းပေးခြင်းဖြင့် မုန့်ဖိုးပိုက်ဆံများရရှိခဲ့ဖူးပါသည်။ဗူးလွတ်တစ်လုံးဖြင့် အကောင်လေးတွေကိုဖမ်းထည့်ရသည်မှာ လွယ်ကူလှပါသည်။ပိုးကောင်တွေက အပင်တိုင်းကျနေခြင်းကြောင့် အရွက်များ ပိုးစားသောဒဏ်ရာဒဏ်ချက်တို့ဖြင့် ပြည့်နှက်နေသော သစ်ပင်တို့ကို ပိုးသတ်ဆေးများဖြင့်ဖြန်းသော်လည်းခဏသာပျောက်ပြီး နောက်တော့ ပြန်ကျမြဲပြန်ကျပြန်သည်။ထိုကြောင့် အဘိုးက တစ်ကောင်စီဖမ်းပြီးဗူးထဲထည့်ခြင်းကြောင့် တစ်နေ့ဖမ်းလျင် နို့ဆီတစ်ဗူးခန့်ရသည်။ထိုပိုးများကို ဖမ်းထည့်ထားသော ဗူးကို ရေထည်ပြီးသိမ်းထားတတ်သည်။ပိုးများမှာ အမျိုးစုံလှသည် ပလူကောင်များနှင့် ပိုးဟပ် တောင်ပဇော် ပရစ် ပျားသလစ် မြေတွင်ဥအိမ်ဖွဲ့နေသော ချဥအိပ်များကို သစ်မြစ်သစ်ခေါင်းတူးဖော်ကျဉ်းဘောင်ပြုလုပ်စဉ်တွေ့ရတတ်သော မြေတွင်း အင်းဆစ်မှန်သမျှပုံးတစ်လုံးထဲတွင် ရေထည့်ကာ စိမ်ရေပြုလုပ်ထားတတ်သည်။ ထိုပုံးကိုသေခြာစွာသိမ်းထားပြီး တချို့စိုက်ပျိုးသူတို့က အပင်အားဆေး အသီးအပွင့်အားဆေး အဘိုးဆီလာ၍တောင်းကြသည်။ထိုအခါ အဘိုးသည် ထိုသို့ အင်းဆစ်ကိုရေ၊ ထညှစ်စသည်ဖြင့်ဖောက်ထားပြီးသော အားဆေးရည်အဖြစ် နို့ဆီတစ်ခွက်ပေးတတ်သည်။နို့ဆီတစ်ခွက်ထက်ပိုမပေးပါ။ ''ပိုးကောင်စုရတာမလွယ်ဘူးကိုယ့်လူ‌ေရ့'' ''တစ်ခွက်ပဲရနိုင်မယ်''ဟုဆိုမြည်တတ်သည်။စိုက်ပျိုးရေးပညာရှင်တချို့ကတော့ ထိုပိုးကောင်လေးများဖြင့် ပြုလုပ်ထားသော အရည်ကို ဇီဝပျော်ရည် ဇီဝအားဆေးရည်ဟုဆိုကြသည်။တကယ်လည်းစွမ်းပါသည် မိုးကြီးပြင်းစွာထိမိခိုက်မိ‌ေသာသော မုန်လာပင်လေးများ သဲအလိမ့်လိမ့်ဖြင့် အခြေနေမကောင်တော့ပါ။ နေရောင်ပွင့်သည်နှင့် ထိုအရည်နို့စည်တစ်ဗူးကို ဖြန်းပုံးထဲထည့်ပြီး မုန်လာရွက်များ ကို သဲစင်အောင်ဖြန်းပေးလိုက်သည်နှင့် နောက်တစ်နေ့တွင် အစာချက်ပြီး လန်းလန်းစွင့်စွင့်နှင့်အ‌ေခြ‌ေန‌ေကာင်းလာသည်။တစ်နေ့က မိုးထဲတွင် အလဲလဲပြိုပြို‌မြေများလူးပေလျက်ရှိသော အပင်ကလေးများသည် သူတို့မဟုတ်တော့သလို လန်းလန်းစွင်စွင့်စိမ်းမြကြည်လင်လို့နေသည်။ အဘိုးကတော့ သူ့ရဲ့ဇီဝအားဆေးအကြောင်း အမွှန်းတင်လို့ မဆုံးနိုင်တော့ပြီ။ပိုးကောင်‌ေလးများသည် အားဆေးအဖော်ခံရမည်ကြောက်၍ပဲလားမသိ စိုက်ခင်းထဲသိပ်မကျရဲတော့ပါ ။