သော်ဇင်

မြေပဲရွက်များတွင် အဝါရောင်အနားရစ်ဝန်းရံထားသည့် အညိုရောင်စက်ဝိုင်းကွက်များ တွေ့ရခြင်းသည် ရေဝပ်စမ်းကိုင်မှုကြောင့် အာဟာရဓာတ် (N, K) ချို့တဲ့ခြင်းအပြင် မြေပဲ ရွက်ပြောက်ရောဂါ (Tikka Leaf Spot) မှိုပိုးစတင်စွဲကပ်နေခြင်း ဖြစ်ပါတယ်။ ထို့ကြောင့် အမြစ်မှ အာဟာရစုပ်ယူမှုကောင်းစေရန် ရေနုတ်မြောင်းများ အမြန်ဖောက်ထုတ်ပေးရပါမယ်။ ရောဂါထိန်းချုပ်ရန် ဟက်ဆာကိုနာဇိုး (Hexaconazole) သို့မဟုတ် မန်ကိုဇက် (Mancozeb) ကဲ့သို့သော မှိုသတ်ဆေးတစ်မျိုးမျိုးကို ပက်ဖျန်းပေးရမည်ဖြစ်ပြီး၊ ထိခိုက်သွားသော အာဟာရဓာတ်များ ပြန်လည်ရရှိစေရန် ယူရီးယား (N) နှင့် ပိုတက်ဆီယမ် (K) ပါဝင်သော ရွက်ဖျန်းအားဆေးကိုပါ မှိုသတ်ဆေးနှင့် တွဲဖက်ပက်ဖျန်းပေးရန် လိုအပ်ပါတယ်။

မြေပဲ ရက်၂၀ ရှိပါပီ နွားသေး တခါဖြန်းဖူးပါတယ် ရောဂါဖြစ်နေတာလား မိုးများလို့ စမ်းကိုင်နေတာလား ဆရာကြီး

ပုံပါ ဂန္ဓမာပင်၏ အညွန့်သစ်နှင့် အရွက်နုများ စိမ်းဝါရောင် ဖြစ်နေခြင်းမှာ အပင်အောက်ခြေရွက်ဟောင်းများ စိမ်းနေပြီး အပေါ်ပိုင်းသာ ဝါနေသည့်အတွက် ပိုးမွှားကြောင့်မဟုတ်ဘဲ သံဓာတ် (Iron) ချို့တဲ့ခြင်း သို့မဟုတ် မြေ pH မြင့်မား၍ အာဟာရမစုပ်ယူနိုင်ခြင်း (Chlorosis) ကြောင့် ဖြစ်နိုင်ခြေ အရှိဆုံး ဖြစ်ပါတယ်။ ဤပြဿနာကို ဖြေရှင်းရန်အတွက် သံဓာတ်ပါဝင်သော အနည်းလိုအာဟာရစုံလင်စွာပါသည့်ရွက်ဖျန်းဆေး ကို အရွက်ဖျန်းအားဆေးအဖြစ် ပက်ဖျန်းပေးခြင်း၊ NPK မျှတသော မြေဩဇာ ကျွေးခြင်းနှင့် ရေဝပ်မှုမရှိစေရန် ရေသွင်းရေနုတ်ကို စနစ်တကျ ထိန်းညှိပေးခြင်းဖြင့် အရွက်များကို ပြန်လည်စိမ်းလန်းလာစေနိုင်ပါတယ်

ပန်းပင်အရွက်များအခြားအပင်နဲ့မတူအရောင်ဖျော့နေတာဘာဖြစ်နေလဲမသိလို့ ဆရာတို့ လမ်းညွှန်ကြပါအုံးဗျို့

ပုံပါ ခရမ်းချဉ်ရွက်များ ကြေးညိုရောင်ပြောင်းကာ ကြွပ်ဆတ်ခြောက်သွေ့နေခြင်းသည် ဖော့စဖရပ် (တီစူပါ) ဓာတ်ချို့တဲ့ခြင်းထက် သာမန်မျက်စိဖြင့် မမြင်နိုင်သော ခရမ်းချဉ် မွှားပင့်ကူ (Tomato Russet Mite) သို့မဟုတ် စုပ်စားပိုးများ ကျရောက်သည့် လက္ခဏာနှင့် ပိုမိုကိုက်ညီနေပါတယ်။ ဖော့စဖရပ်ချို့တဲ့ပါက အရွက်အောက်မျက်နှာပြင်တွင် ခရမ်းရောင် သန်းလေ့ရှိသော်လည်း ယခုအခြေအနေမှာ မွှားဖျက်ဆီးမှုကြောင့် အရွက်များ အရောင်ပြောင်းကာ လိပ်ခေါက်ခြောက်သွေ့သွားခြင်း ဖြစ်နိုင်ပါတယ်။ ထို့ကြောင့် တိကျသေချာစေရန် အရွက်အောက်မျက်နှာပြင်နှင့် ပင်စည်များကို အနည်းဆုံး အဆ ၄၀ ချဲ့နိုင်သော မှန်ဘီလူးဖြင့် စုပ်စားပိုးနှင့် ပင့်ကူမွှားများ ရှိ၊ မရှိ မဖြစ်မနေ အရင်ဆုံး စစ်ဆေးကြည့်ပါ။ မွှားရှိပါက Abamectin အသုံးပြုလေ့ရှိပါတယ်။ စုပ်စားပိုးနှင့် မွှားပင့်ကူမရှိပါက Phosphorus (P)ပါသောရွက်ဖျန်းအားဆေးဖျန်းပေးပါခင်ဗျာ။

အရွက်တေဒီလို အရောင်ဖြစ်တာ ဘာကြောင့်လဲဗျ အရွက်တေကုတ်သလိုလဲ ဖြစ်တယ်

ခရမ်းချဉ်ပင်တွင် ကျရောက်တတ်သော နှောင်းပင်နာကျ (လောင်မဲ) ရောဂါသည် Phytophthora infestans ကြောင့် ဖြစ်ပွားပြီး စိုက်ခင်းကို အချိန်တိုအတွင်း ပျက်စီးစေနိုင်သော ဆိုးရွားသည့် ရောဂါ ဖြစ်ပါတယ်။ ရောဂါ ကာကွယ်ကုသရန်အတွက် အပင်ကြား လေဝင်လေထွက် ကောင်းမွန်အောင် အရွက်ဟောင်းများ ရှင်းလင်းခြင်း၊ အပင်ခြေမှသာ ရေသွင်းခြင်းနှင့် ရောဂါရအပင်အစိတ်အပိုင်းများကို စိုက်ခင်းပြင်ပသို့ ဖယ်ရှားဖျက်ဆီးခြင်းတို့ကို ပြုလုပ်ရပါမယ်။ ဓာတုဆေးဝါးဖြင့် နှိမ်နင်းရာတွင် ရောဂါအစပျိုးချိန်၌ မန်ကိုဇက် (Mancozeb) သို့မဟုတ် ကော့ပါးအခြေခံဆေးများကို ပက်ဖြန်းနိုင်ပြီး၊ ရောဂါကူးစက်နေပါက မက်တယ်လက်ဆီး(Metalaxyl)၊ ဒီုင်မီသိုမော့ဖ် (Dimethomorph) သို့မဟုတ် ဆိုင်မောက်ဆနေး (Cymoxanil) ကဲ့သို့သော ပင်လုံးပျံ့မှိုသတ်ဆေးများကို ၇ ရက်မှ ၁၀ ရက်တစ်ကြိမ် အလှည့်ကျ ပြောင်းလဲပက်ဖြန်းပေးရပါမယ်။

လောင်မဲနိုင်တဲ့ဆေးလေးသိပါရစေဗျာ

မွေးစနှင့် မိခင်မဲ့ဆိတ်ငယ်ကလေးများအား ပြုစုစောင့်ရှောက်နည်း

ပူပြင်းခြောက်သွေ့သောရာသီဥတုတွင် ဆိတ်များကိုဘယ်လိုမွေးမြူသင့်လဲ

ဆိတ်မွေးမြူနည်းစနစ်အမျိုးမျိုးနှင့် အကောင်းအဆိုးများ

ပူပြင်းခြောက်သွေ့သောရာသီဥတုတွင် ဆိတ်များကိုဘယ်လိုမွေးမြူသင့်လဲ

နွေသီးနှံအဖြစ် မတ်ပဲစိုက်ပျိုးမည်ဆိုလျှင် (အပိုင်း ၂)

မတ်ပဲစိုက်ပျိုးစရိတ်နှင့် နည်းလမ်းများ

နွေသီးနှံအဖြစ် မတ်ပဲစိုက်ပျိုးမည်ဆိုလျှင် (အပိုင်း ၁)

မတ်ပဲစိုက်ပျိုးစရိတ်နှင့် နည်းလမ်းများ

ပဲတီစိမ်း မစိုက်ပျိုးမီ ကောက်ရိုးများကို မီးမရှို့သင့်ပါဘူး။ မီးရှို့ခြင်းက ရေတိုတွင် မြေပြင်ရလွယ်ကူသော်လည်း ပဲတီစိမ်းအတွက် လိုအပ်သော နိုက်ထရိုဂျင်နှင့် ဆာလဖာကဲ့သို့ အရေးကြီးအာဟာရဓာတ်များကို လေထဲသို့ ဆုံးရှုံးသွားစေသည့်အပြင် မြေဆီလွှာအတွင်းရှိ အကျိုးပြုအဏုဇီဝပိုးမွှားများကို သေဆုံးစေပြီး မြေဆီလွှာကို မာကျောသွားစေပါတယ်။ ယင်းအစား ကောက်ရိုးများကို ခုတ်ဖုံးစနစ်မြေဖုံးအဖြစ်အသုံးပြုခြင်း သို့မဟုတ် ထွန်ယက်မြေမြှုပ်၍ မြေဆွေးပြုလုပ်ခြင်းက မြေဆီလွှာအစိုဓာတ်ကို ထိန်းပေးပြီး ပဲတီစိမ်းအထွက်နှုန်းကို ပိုမိုတိုးတက်ကောင်းမွန်စေပါလိမ့်မယ်။

ပဲတီစိမ်းစိုက်ခါနီး ကောက်ရိုးကို မီးရှို့သင့်လား မသင့်ဘူးလား

ပုံပါမြေပဲခင်းတွင် ဖြစ်ပွားနေသည်မှာ မြေပဲရွက်နက်ပြောက်ရောဂါ (Late Leaf Spot) ဖြစ်ပြီး မှိုကြောင့်ဖြစ်သော ရောဂါဖြစ်ပါတယ်။ ၎င်းကို ထိရောက်စွာ ကုသရန်အတွက် ရောဂါလက္ခဏာ စတင်တွေ့ရှိရုံနှင့်ဆောင်းပါးထဲကဆေးများရှာမရပါက ဟက်ဆာကိုနာဇိုးလ်(Hexaconazole) သို့မဟုတ် ပရိုပီကိုနာဇိုးလ်(Propiconazole) သို့မဟုတ် Epoxiconazole သို့မဟုတ် Pyraclostrobin ကဲ့သို့သော ထိရောက်မှုမြင့်မားသည့် မှိုသတ်ဆေးများကို ဆေးညွှန်းပါအတိုင်း (၇) ရက်မှ (၁၀) ရက်ခြားကာ စနစ်တကျ ပက်ဖျန်းပေးရပါမယ်။ ၎င်းအပြင် စိုက်ခင်းအတွင်း လေဝင်လေထွက်ကောင်းစေရန် ပေါင်းမြက်များနှင့် ရောဂါရနေသော အပင်ကြွင်းအကျန်များကို ဖယ်ရှားမီးရှို့ပစ်ခြင်း၊ နောင်ရာသီတွင် သီးလှည့်စိုက်ပျိုးခြင်းနှင့် မျိုးစေ့လူးနယ်စိုက်ပျိုးခြင်းတို့ကို တွဲဖက်လုပ်ဆောင်ခြင်းဖြင့် ရောဂါပြန့်ပွားမှုကို အမြစ်ပြတ် တားဆီးနိုင်ပါလိမ့်မယ်။

ဘာရောဂါကြတာလဲဗျ