သော်ဇင်

မတ်ပဲကြဲပက်ပြီးနောက် အပင်သက်တမ်းအလိုက် ရွက်ဖျန်းအားဆေးကို အဆင့် (၃) ဆင့် ခွဲခြား၍ စနစ်တကျ ပက်ဖြန်းပေးရပါမယ်။ ပဲပင်ငယ်စဉ် အရွက်နုချိန်တွင် ဆေးလောင်နိုင်သဖြင့် ကြဲပက်ပြီး သက်တမ်း ၁၅ ရက် မပြည့်မချင်း ရွက်ဖျန်းအားဆေး လုံးဝ (လုံးဝ) မဖျန်းရပါဘူး။ အပင်သန်မာစေရန် အပင်သက်တမ်း ၁၅ - ၂၅ ရက်တွင် နိုက်ထရိုဂျင်နှင့် ဖော့စ်ဖရပ်မြင့်မားသော NPK (ဥပမာ - ၂၀-၂၀-၂၀) ကို လည်းကောင်း၊ အပွင့်ဝေဆာစေရန် သက်တမ်း ၃၀ - ၃၅ ရက်တွင် ဖော့စ်ဖရပ်နှင့် ဘိုရွန်ဓာတ်ကို လည်းကောင်း၊ ပဲတောင့်အောင်ပြီး အစေ့အဆန်တည်စေရန် သက်တမ်း ၄၅ - ၅၀ ရက်တွင် ပိုတက်စီယမ်မြင့်မားသော အားဆေးကို လည်းကောင်း အချိန်ကိုက် ပက်ဖြန်းပေးရပါမယ်။ပိုးရေဂါကျမကျအမြဲစောင့်ကြည့်ပေးပါ

ပဲပတ်ပီး ဘယ်နှစ်ရက်လောက်ကြာရင် ဆေးဖြန်းရလည်းဗျ

ရေပြတ်ပြီး ညှိုးနေသော ခရမ်းချဉ်စိုက်ခင်းသည် မိုးရေဝဝလင်လင် ရရှိလိုက်သဖြင့် တောင်သူအတွက် အလွန်ဝမ်းသာစရာ သတင်းဖြစ်ပါတယ်။ သို့သော်လည်း စိုက်ပျိုးရေးပညာအရ ရေပြတ်လွတ်ပြီးမှ မိုးရုတ်တရက် သည်းထန်စွာရွာပါက အပင်က ရေကို အလွန်အမင်း စုပ်ယူသဖြင့် အသီးများ ကွဲထွက်ကုန်ခြင်းတို့ ဖြစ်ပွားတတ်ပါတယ်။ အသီးခွံခိုင်မာပြီး ရောဂါဒဏ်ခံနိုင်ရန် ကယ်လ်ဆီယမ်-ဘိုရွန် (Calcium-Boron) ဆေး ကြိုတင်ပက်ဖျန်းပေးရန် အရေးကြီးပါတယ်။ရောဂါကျမကျအမြဲစောင့်ကြည့်ပါ၊ အပင် ခြေရေဝပ်သည်အထိမိုးရွာခဲ့မယ်ဆိုရင်တော့ မြောင်းဖော်ပေးရန်လည်းလိုအပ်ပါတယ်။

ဆရာရေ မိုးအရမ်းရွာပီဗျို့ 6 နာရီကနေ 6:30 ထိအတော် သည်းတာဆရာ အခု 7:30 မှာ မိုးထပ်ရွာတယ် မိုးစွေလောက်တယ်ဆရာ မိုးမရွာလို့ ဂရမ်းဖျန်းပီးပစ်ထားတာ တစ်ပတ်လောက်ရှိနေပီဆျာ

နို့ရည်ခဲချိန်အထိအစိုဓာတ်လည်းအများကြီးလုံလောက်မယ်၊မနက်ပိုင်းနှင်းရည်သောက်ရမယ်ဆိုရင်တော့ အရမ်းကြီးမစိုးရိမ်ရပါဘူး၊ အခုကနေ့လည်ပိုင်းတွေကျ နေအရမ်းပူသလားလို့၊ အစိုဓာတ်ဆုတ်လွယ်မယ်ထင်လို့ပါခင်ဗျာ၊ ရေအခက်ခဲဖြစ်နေတယ်ဆိုရင်တော့ မိုးရွာရင်တော့ ပိုကောင်းပေါ့

စပါးက အနှံပြူနေပါပီ ရေမရှိတော့ဘူး မြေကစိုနေရင် အဆေ့အဆန် ပြည့်၀နိင်သလား အမှော်အဖျင်း များမလား ဆရာ

စပါးအနှံထွက်စပြုချိန်နှင့် ပန်းပွင့်ချိန်သည် စပါးပင်သက်တမ်းတစ်လျှောက် ရေဓာတ်ကို အလိုအပ်ဆုံးနှင့် အထိခိုက်မခံဆုံး အရေးကြီးဆုံးအချိန် ဖြစ်ပါတယ်။ ဤအချိန်တွင် မြေကြီးပက်ကြားအက်သည်အထိ ရေပြတ်လပ်သွားပါက စပါးပန်းပွင့်မှုနှင့် သန္ဓေအောင်မှုကို ဆိုးရွားစွာ ထိခိုက်စေသဖြင့် စပါးစေ့များ အဆန်မတည်တော့ဘဲ စပါးအဖျင်း ရာခိုင်နှုန်း အဆမတန် များပြားသွားပါလိမ့်မယ်။ ထို့ပြင် စပါးနှံများ အရွက်ဖုံးအတွင်းမှ ကောင်းစွာ မရုန်းထွက်နိုင်ခြင်းနှင့် ဆန်ကြိတ်လျှင် ဆန်ကွဲအထွက်များခြင်းတို့ ဖြစ်တတ်သောကြောင့် စိုက်ခင်းအတွင်းသို့ အမြန်ဆုံး ရေသွင်းပေးရန် နှင့် ရေငတ်ဒဏ်ကြောင့် အမြစ်မှ အာဟာရစုပ်ယူမှု လျော့နည်းသွားနိုင်သဖြင့် အပင်အစာချက်လုပ်မှုကို အမြန်ပြန်လည်ကောင်းမွန်စေရန် ပိုတက်စီယမ် (Potassium/K) ပါဝင်မှုမြင့်မားသော ရွက်ဖျန်းမြေသြဇာ သို့မဟုတ် အမိုင်နိုအက်ဆစ် (Amino Acid) တို့ကို ဖျန်းပေးခြင်းဖြင့် စပါးအဆန်ပြည့်အောင် ကူညီပေးနိုင်ပါတယ်။

စပါးက အနှံပြူနေပါပီ ရေမရှိတော့ဘူး မြေကစိုနေရင် အဆေ့အဆန် ပြည့်၀နိင်သလား အမှော်အဖျင်း များမလား ဆရာ

ငရုတ်သီးစိုက်ပျိုးရာတွင် ရေအစက်ချစနစ် နှင့် ရေပန်းစနစ် တို့သည် ရေပေးဝေပုံချင်း ကွာခြားသကဲ့သို့ အပင်အပေါ် အကျိုးသက်ရောက်မှုလည်း ကွဲပြားပါတယ်။ ရေအစက်ချစနစ်သည် အပင်ခြေရင်း အမြစ်နေရာသို့ ရေနှင့် မြေသြဇာကို တစ်စက်ချင်း တိုက်ရိုက်ပေးဝေသဖြင့် ရေကို ၅၀% ကျော်အထိ ချွေတာနိုင်ပြီး ပေါင်းမြက်နှင့် မှိုရောဂါကျရောက်မှုကို အများအပြား လျော့နည်းစေသော်လည်း အစဦး တပ်ဆင်ခ ကုန်ကျစရိတ် မြင့်မားကာ ပိုက်လိုင်းပိတ်ဆို့မှု ဖြစ်တတ်ပါတယ်။ ရေပန်းစနစ်မှာမူ မိုးရွာချသကဲ့သို့ အပေါ်မှ ကျယ်ပြန့်စွာ ဖြန့်ပက်ဖျန်းပေးသဖြင့် တပ်ဆင်ရလွယ်ကူပြီး မွှားပင့်ကူကဲ့သို့သော ဖျက်ပိုးများကို ဆေးကြောပေးနိုင်သော်လည်း အရွက်နှင့် အသီးများ အမြဲစိုစွတ်နေသဖြင့် ငရုတ်သီးတွင် အဖြစ်များသော အသီးပုပ် (Anthracnose) မှိုရောဂါကို အလွယ်တကူ စွဲကပ်ပြန့်ပွားစေပြီး ရေအလေအလွင့်လည်း များပြားပါတယ်။

ငရုပ်သီး စိုက်ရင်( ရေ အစက်ပေးတဲ့ စနစ်နဲ့ ။ ရေပန်း ပေးတဲ့ စနစ် )နှစ်ခုအားသာ ချက် အားနည်းချက်ပြောပြပေးလို့ရမလား

အသုံးမဝင်လောက်ပါဘူးဗျ

ခြံထဲ ဒီအပင်တွေချည်း ပေါက်နေကြလို့။ ပုံမှန်ကတော့ ခြံရှင်းရင်း မြေဆွေးလုပ်ပစ်တယ်။ ပုံထဲက အပင် 3 မျိုးရဲ့နာမည်နဲ့ အသုံးဝင်မဝင်လေး သိချင်လို့ပါ။ အသုံးမဝင်ရင် တခါတည်း ရှင်းပစ်ပြီး မြေဆွေးကန်ထဲထည့်လိုက်တော့မလို့ဗျာ။

အသားတိုးကြက်အရွယ်အစားအလိုက် အစာကျွေးမွေးနည်း

cpကြက်မွေးချင်ပါတယ်ဗျဘယ်လိုစရမလဲအကြံပေးပါအုံးဗျာ ဘယ်လိုစလုပရင်အဆင်ပြေနိုင်မလဲဗျcpကြက်ကိုလေ

အသားတိုးကြက်မွေးမြူရေး မိတ်ဆက် (၁)

cpကြက်မွေးချင်ပါတယ်ဗျဘယ်လိုစရမလဲအကြံပေးပါအုံးဗျာ ဘယ်လိုစလုပရင်အဆင်ပြေနိုင်မလဲဗျcpကြက်ကိုလေ

အသားတိုးကြက်မွေးမြူရေး မိတ်ဆက် (၂)

cpကြက်မွေးချင်ပါတယ်ဗျဘယ်လိုစရမလဲအကြံပေးပါအုံးဗျာ ဘယ်လိုစလုပရင်အဆင်ပြေနိုင်မလဲဗျcpကြက်ကိုလေ

ဝက်မတစ်ကောင် သားစပ်ပြီးနောက် ကိုယ်ဝန် (ဇီး) အောင်၊ မအောင် သိနိုင်မယ့် အဓိကနည်းလမ်း (၃) မျိုး ရှိပါတယ်။ ပထမနည်းလမ်းကတော့ ငွေကုန်ကြေးကျမရှိဘဲ သဘာဝအမူအရာကို စောင့်ကြည့်ခြင်း ဖြစ်ပြီး၊ သားစပ်ပြီး ၂၁ ရက်ဝန်းကျင်မှာ ဝက်မက အထီးနောက် ပြန်မလိုက်ဘဲ ငြိမ်နေရင် ဇီးတင်ဖို့ ရာခိုင်နှုန်း များနေပါပြီ။ ဒုတိယနည်းလမ်းကတော့ အသေချာဆုံးနှင့် အမြန်ဆုံးနည်းဖြစ်တဲ့ ဝက်ဇီးစမ်းစက် (Ultrasound) ကို သုံးပြီး သားစပ်ပြီး ၂၁ ရက်ကနေ ရက် ၃၀ အတွင်း သားအိမ်ထဲက သန္ဓေသားပုံရိပ် သို့မဟုတ် အသံလှိုင်းကို စမ်းသပ်ခြင်း ဖြစ်ပါတယ်။ တတိယနည်းလမ်းအနေနဲ့ သားစပ်ပြီး ၂၃ ရက်ကနေ ရက် ၃၀ အတွင်း ဝက်မရဲ့ ဆီးကို ခံယူပြီး ဝက်သီးသန့်သုံး ဇီးစစ်ဆီးစက္ကူ (Pregnancy Test Strip) နဲ့ စစ်ဆေးနိုင်ပါတယ်။ တောင်သူများအနေနဲ့ သားစပ်ပြီး ၁ လကျော်၊ ၂ လနီးပါးမှာ နို့သီးခေါင်းလေးတွေ ပန်းရောင်သန်းလာခြင်းနဲ့ ၂ လခွဲကျော်မှာ ဗိုက်လုံးဝန်း တွဲကျလာခြင်းတို့ကို ကြည့်ပြီးတော့လည်း ဇီးရှိကြောင်း အပြင်ပန်းအားဖြင့် အတည်ပြုနိုင်ပါတယ်ဗျာ။

၀က်မမှာ ကိုယ်၀န်ရှိ မရှိ သိနိင်မယ့် နည်းလမ်းလေး ပြောပြပါ