ကွမ်းရွတ်အောက်မှာ ဒီပိုးကောင်းတွေကို တွေ့ရပါတယ် ဘာပိုးလို့ ခေါ်ပါသလဲ ဘယ်လိုနှိမ်...

173

လွန်ခဲ့သော ၁ နာရီ က · ပြင်ဦးလွင်

အနှံထွက်ပြိးနောက်ပိုင်းdifenoconazole+astrobinနှစ်ကြိမ်ဖြန်းထားတယ်ဗျထက်ဖြန်းဖို့လိုသေးလားဗျ

ပိုးမွှားရောဂါ ပြောင်း

3,677 လွန်ခဲ့သော ၄၂ မိနစ် က

ပြောင်း ရွက်ခြောက်ရောဂါ သတိပြုပါ

3,677 လွန်ခဲ့သော ၁ နာရီ က

ပြောင်းရွက်ခြောက်ရောဂါ">ပြောင်းရွက်ခြောက်ရောဂါ မကြာခင်ပဲရိတ်ရတော့မှာလားလို့ ‌ဖြန်းဦးမလို့လား?

326

လွန်ခဲ့သော ၂ နာရီ က · ယင်းမာပင်

ကွမ်းရွတ်အောက်မှာ ဒီပိုးကောင်းတွေကို တွေ့ရပါတယ် ဘာပိုးလို့ ခေါ်ပါသလဲ ဘယ်လိုနှိမ်နှင်းရမလဲ အမိုးက တမာရွတ်မိုးပါ

ပိုးမွှားရောဂါ ကွမ်း

323,639 လွန်ခဲ့သော ၁ နာရီ က

ကွမ်းပင်မှာ လှေးပိုးတွေ ကျရောက်နေတာပါ။ သူက အရွက်တွေကို စုပ်စားပြီး အရွက်တွေ တွန့်တာ လိပ်တာတွေ ဖြစ်ပေါ်နိုင်ပါတယ်။ အောက်ရွက်တွေ ရှင်းပေးပါ။ ပေါင်းတွေ နှိပ်နင်းပေးပါ။ တမာပိုးသတ်ဆေးနဲ့ ဆေးရွက်ကြီး စိမ်ရည်တိုကို ဖျန်းပေးနိုင်ပါတယ်။ ကွမ်းခြံထဲမှာ အဝါရောင်ကော်ကပ်စာရွက်များ ချိတ်ဆွဲထားပေးပါ။

ဖြေလည်သော အဖြေရရှိပြီး

1,512

လွန်ခဲ့သော ၄ နာရီ က · ငပုတော

ဆရာရေ ကျနော့်ကွမ်းပင်က စဖြစ်တာက ပင်ခြေကမဲပြီး အစိမ်းအတိုင်းညိုးပါတယ် နှုတ်လိုက်တဲ့အမြစ်ဆုံက ပုံပါအတိုင်းပါ နှုတ်လိုက်အပင်ရဲ့ဘေးတိုင်မှာစပြီး အရွက်ပုပ်ပါတယ် ကျနော့်ကွမ်းခြံနဲ့ ခန့်မှန်းခြေ ပေ50အကွာသူများခြံမှာ အဲ့လိုဖြစ်ပြီး တစ်ခြံလုံးသေကုန်ပါပြီ ကျနော့်ခြံက ခုမှစဖြစ်တာပါ လေကနေတဆင့် ကူးနိုင်တာလားကျနော့်ဆီမှာရှိတဲ့ဆေးတွေ ပုံပါအတိုင်းပါ ဘယ်ဆေးက ထိရောက်မှုရှိပြီး ဘယ်လိုဖျန်းရမလဲဆရာခင်ဗျ ကုသလို့ရနိုင်ပါသေးလားဗျ အိုဆိုလိုနစ်/ကော့ပါးအောက်ဆီကလိုရိုက်/ကာဆူကာမိုင်စင်/ဟိုင်မီဇာဇိုး/ဒိုင်ဖီနိုကိုနာဇိုး/အဇိုစီစထရိုဘင် စတဲ့ဆေးတွေဝယ်ထားတာရှိပါတယ်

ပိုးမွှားရောဂါ ကွမ်း

320,908 လွန်ခဲ့သော ၂ နာရီ က

ဤအဖြေဖြင့် ပြေလည်

ပုံပါလက္ခဏာများအရ ကွမ်းရွက်အနားသတ်များ ညိုမဲပုပ်ပြီး အပင်ခြေပိုင်း ညှိုးကျလာခြင်းမှာ စိုထိုင်းဆများလွန်းခြင်းနှင့် ရေဝပ်ခြင်းတို့ကြောင့်ဖြစ်သော မှိုကြောင့်ဖြစ်သည့် ပင်ခြေပုပ်ရောဂါ နှင့်ဒေါင်းမြီးကွက်ရောဂါ ကျရောက် နေတာပါ။ ဤရောဂါကို သက်သာစေရန်အတွက် ရောဂါရွက်များကို ချက်ချင်းဆွတ်ခူးပြီး ခြံနှင့်ဝေးရာတွင် မီးရှို့ဖျက်ဆီးရပါမယ်။ ထို့ပြင် အပင်ခြေပိုင်း လေဝင်လေထွက်ကောင်းအောင် အရွက်အိုများ ခူးပေးခြင်း၊ ရေမဝပ်စေရန် ရေနုတ်မြောင်းများ ဖောက်ပေးခြင်းတို့ကို ပြုလုပ်ရပါမယ်။ ဤရောဂါများသည် စိုက်ခင်းအတွင်း ရေဝပ်ခြင်း၊ အစိုဓာတ်လွန်ကဲခြင်းနှင့် နိုက်ထရိုဂျင်ဓာတ်လွန်ကဲသည့် ပုလဲမြေသြဇာ အသုံးပြုမှုများခြင်းတို့ကြောင့် အဓိက ဖြစ်ပွားတတ်ပါတယ်။ထို့နောက် ရောဂါကျရောက်နေသော အပင်ခြေရင်းများနှင့် စိုက်ဘောင်များသို့ Hymexazol သို့မဟုတ် Foestyl Al သို့မဟုတ်Metalaxyl တစ်မျိုးမျိုးဖျန်း ပေးသင့်ပြီးAzoxystrobin + Difenoconazole သို့မဟုတ် Dimethomorph သို့မဟုတ် Metalaxyl+Mancozeb ကဲ့သို့သော မှိုသတ်ဆေးများကို အညွှန်းပါအတိုင်း (၇) ရက်မှ (၁၀) ရက်ခြားတစ်ကြိမ်ဖြင့် (၂) ကြိမ်ခန့် အပင် အပေါ်ပိုင်းစနစ်တကျ ပက်ဖျန်းပေးရပါမယ်။ ရေရှည်ကာကွယ်မှုအတွက် ရေနုတ်မြောင်းများ စနစ်တကျ ဖော်ပေးခြင်း၊ ပိုတက်ရှ်မြေသြဇာ ဖြည့်တင်းပေးခြင်းနှင့် မြေဆီလွှာအတွင်း ထရိုင်ခိုဒါးမား (Trichoderma) အကျိုးပြုမှို ထည့်သွင်းပေးခြင်းတို့ကို ဆောင်ရွက်ရပါမယ်။ ဆေးတခါဖျန်းပြီးတိုင်းရောဂါကျအရွက်များ ဆက်လက်ပျံ့ပွားခြင်းရှိမရှိ အမြဲကွင်းဆင်းစစ်ဆေးပေးပါ၊

1,512 လွန်ခဲ့သော ၄၉ မိနစ် က

ကျေးဇူးအထူးတင်ပါတယ်ဆရာ

ဖြေလည်သော အဖြေရရှိပြီး

728

လွန်ခဲ့သော ၄ နာရီ က · မြိတ်

တိုင်ထောင်ပဲစိုက်ခင်းမှာကြွက်တွေဆိုးဆိုးရွားရွားကျနေလို့ခင်ဗျ ဆရာတို့အလင်းပြပေးပါခင်ဗျ

ပိုးမွှားရောဂါ ပဲတောင့်ရှည်

320,908 လွန်ခဲ့သော ၄ နာရီ က

ဤအဖြေဖြင့် ပြေလည်

တိုင်ထောင်ပဲစိုက်ခင်းတွင် ကြွက်များ ဆိုးဆိုးရွားရွား ဖျက်ဆီးမှုကို ထိရောက်စွာ နှိမ်နင်းရန်အတွက် ပေါင်းစပ်ကာကွယ်ရေးစနစ် (IPM) ကို အသုံးပြုရပါမယ်။စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ပထမဦးစွာ စိုက်ခင်းအတွင်းနှင့် ကန်သင်းရိုးများရှိ ကြွက်အသိုက်ပြုလုပ်နိုင်သော ပေါင်းမြက်များကို စင်ကြယ်အောင် ရှင်းလင်းပြီး ကြွက်တွင်းများကို လိုက်လံတူးဆွဖျက်ဆီးသည့်နည်းလမ်းသုံးစွဲလေ့ရှိတယ် ။ အကောင်းဆုံးရလဒ်ရရှိရန် စိုက်ခင်းတစ်ခုတည်း မဟုတ်ဘဲ ပတ်ဝန်းကျင်ရှိ တောင်သူများအားလုံး တစ်ချိန်တည်း စုပေါင်းလုပ်ဆောင်ကြလေ့ရှိတယ်။

9,833

လွန်ခဲ့သော ၄ နာရီ က · မအူပင်

မဂ်လာပါဗျကျွန်တော်ရဲ့ခရမ်းမျိုးပင်လေးတွေကပင်ခြေရိပီးသေတာတွေ့နေရတာဘာကြောင့်လဲ ပျိုးဘောင်ကိုအမိုးမိုးထားပါတယ်🌱

ပိုးမွှားရောဂါ ခရမ်းသီး

320,908 လွန်ခဲ့သော ၄ နာရီ က

ပုံပါ ခရမ်းသီးပျိုးပင်ငယ်လေးများ အပင်ခြေရည်စိုပြီး ပုပ်ကာ လဲကျသေဆုံးရခြင်းသည် ပျိုးခင်းများတွင် အဖြစ်များဆုံးဖြစ်သည့် ပျိုးပင်ခါးရိရောဂါ (Damping-off Disease) ကြောင့် ဖြစ်ပါတယ်။ ဤရောဂါသည် မြေကြီးထဲတွင် ခိုအောင်းနေတတ်သော မှိုပိုးများကြောင့် ဖြစ်ပွားပြီး၊ အမိုးအကာအောက်တွင် စိုထိုင်းဆ လွန်ကဲခြင်း၊ ရေဝပ်ခြင်းနှင့် အပင်ထူထပ်လွန်းခြင်းတို့က ရောဂါကို ပိုမိုဆိုးရွားစေပါတယ်။ ကာကွယ်ရန်အတွက် ရေလောင်းမှုကို လျှော့ချပြီး လေဝင်လေထွက်ကောင်းအောင် အမိုးအကာများကို နေ့ခင်းဘက်တွင် ဖွင့်ပေးရပါမယ်။ ရောဂါထပ်မံမပြန့်ပွားစေရန် ကျန်းမာသော ပျိုးပင်များနှင့် မြေဆီလွှာကို မက်တယ်လက်ဆီး (Metalaxyl) သို့မဟုတ် Foestyl Al, Hymexazol မှိုသတ်ဆေးတစ်မျိုးမျိုး ဖျန်းပေးခြင်းဖြင့် ထိန်းချုပ်နိုင်ပါတယ်။နောက်တစ်ကြိမ် ပျိုးထောင်ပါက ပျိုးမြေတွင် ထရိုင်ကိုဒါးမား (Trichoderma) အကျိုးပြုမှိုကို ကြိုတင်ထည့်သွင်း ပေးခြင်းဖြင့် မြေဆောင်မှိုရောဂါများကို အထိရောက်ဆုံး ကာကွယ်နိုင်ပါလိမ့်မယ်။

344

လွန်ခဲ့သော ၅ နာရီ က · ပြင်ဦးလွင်

ဘယ်လမှာစိုက်ရလဲဗျာ

စိုက်ပျိုးနည်း ဂန္ဓမာ

320,908 လွန်ခဲ့သော ၄ နာရီ က

ပြင်ဦးလွင်မြို့နယ်သည် ရာသီဥတု အေးမြသဖြင့် ဂန္ဓမာပန်းကို တစ်နှစ်ပတ်လုံး စိုက်ပျိုးနိုင်သော်လည်း ဈေးကွက်အကောင်းဆုံး ဆောင်းတွင်းပွဲတော်ရက်များ (ဒီဇင်ဘာ/ဇန်နဝါရီ) တွင် အချိန်ကိုက် ပန်းပွင့်ရန်အတွက် ဩဂုတ်လနှင့် စက်တင်ဘာလ တို့သည် အကောင်းဆုံး စိုက်ပျိုးရမည့် လများ ဖြစ်ပါတယ်။ ဝါဆို၊ ဝါခေါင် ဘာသာရေးပွဲတော်ရက်များအတွက်မူ မတ်လမှ မေလအတွင်း မိုးကြိုကာလတွင် စိုက်ပျိုးသင့်ပြီး၊ မိုးတွင်း (ဇွန်/ဇူလိုင်) စိုက်ပျိုးပါက မှိုရောဂါကာကွယ်ရန် မိုးကာအမိုးအကာ အသုံးပြုပေးရပါမယ်။

9,833 လွန်ခဲ့သော ၄ နာရီ က

ကျွန်တော်တို့ဒေသက မိုးတွင်း နွေ စိုက်ကြပါတယ် အများစိုက်ကြတာ ကျောက်စိမ်း နှင့် မြနှင်းပုလဲ ပါ ခုလမှာလဲစိုက်နေကြပါပြီး

လွန်ခဲ့သော ၅ နာရီ က · မော်လမြိုင်ကျွန်း

စပါးနီမတုပ်ကြလျှင်ဘာဆေးသုံးရမလဲခင်ဗျာပညာရှင်များဖြေပေးကြပါ

ပိုးမွှားရောဂါ စပါး

320,908 လွန်ခဲ့သော ၅ နာရီ က

စပါးပင်များတွင် နီမတုတ် (Nematode) ရောဂါကြောင့် အပင်ပုခြင်းနှင့် အရွက်များ နီတိုဖြစ်ခြင်း ကြုံတွေ့ရပါက မြေကြီးထဲသို့ တိုက်ရိုက်ကုသနိုင်သော ပင်လုံးပြန့် အလုံးအခဲပိုးသတ်ဆေးများဖြစ်သည့် ကာဘိုဖျူရန် ၃ ဂျီ (Carbofuran 3G) သို့မဟုတ် ဖစ်ပရိုနေးလ် ၃ ဂျီအာ (Fipronil 3 GR) ကို မြေတွင်းကြဲပက်၍ အဓိက နှိမ်နင်းရပါမယ်။ အရွက်ဖျန်းဆေးများသည် ထိရောက်မှုနည်းပါးသဖြင့် အသုံးမပြုသင့်ပါဘူး။ ယင်းအပြင် အမြစ်သစ်များပြန်လည်ထွက်ရှိပြီး အပင်လန်းဆန်းလာစေရန် ဇင့်ဓာတ်နှင့် ပိုတက်ဆီယမ်မြေသြဇာများကို ဖြည့်တင်းကျွေးပေးရပါမယ်။ ရောဂါသက်သာစေရန် စပါးခင်းကို ရေအမြဲလှောင်မထားဘဲ ရေသွင်းရေထုတ် ပြုလုပ်ပေးခြင်း၊ စိုက်ပျိုးခါနီးတွင် မြေကို သေချာစွာထွန်ယက်နေလှန်းပေးခြင်း စသည့် စိုက်ပျိုးရေးနည်းစနစ်များကိုပါ ပူးတွဲလုပ်ဆောင်ရပါမယ်။

လွန်ခဲ့သော ၆ နာရီ က · ပဲခူး

ဒီကန်စွန်းမှာ ဖြစ်နေတဲ့ ရောဂါရယ် ဘာဆေးဖြန်းရမလဲ ပြောပြပေးပါ

ပိုးမွှားရောဂါ ကန်စွန်းရွက်

320,908 လွန်ခဲ့သော ၅ နာရီ က

ပုံပါ ကန်စွန်းရွက်တွင် ဖြစ်ပွားနေသော ရောဂါမှာ Albugo ipomoeae-aquaticae မှိုကြောင့်ဖြစ်သည့် ကန်စွန်းရွက်သံချေးဖြူ (White Rust) ဖြစ်ပါတယ်။ အရွက်အောက်မျက်နှာပြင်တွင် အဖြူရောင်/ဝါကြောင်ကြောင် အဖုအပိမ့်များ တွေ့ရတတ်ပြီး အပင်ကြီးထွားမှုကို တားဆီးတတ်ပါတယ်။ ၎င်းကို ကုသရန်အတွက် မက်တာလဇီး (Metalaxyl)၊ မန်ကိုဇက် (Mancozeb) သို့မဟုတ် အဇိုဆီစထရိုဘင် (Azoxystrobin) စသည့် မှိုသတ်ဆေးတစ်မျိုးမျိုးကို ပက်ဖျန်းပေးနိုင်ပါတယ်။ စိုက်ပျိုးရေးနည်းစနစ်အရ ရောဂါရအရွက်များကို ခူးဆွတ်ဖျက်ဆီးခြင်း၊ စိုက်ခင်းလေဝင်လေထွက်ကောင်းအောင် အပင်ထူထပ်မှု လျှော့ချခြင်းနှင့် အပင်ခြေကိုသာ ရေလောင်းပေးခြင်းဖြင့် စိုထိုင်းဆကို ထိန်းညှိကာ ရောဂါကူးစက်မှုကို ကာကွယ်နိုင်ပါတယ်။ စားသုံးသီးနှံဖြစ်၍ ဆေးဖျန်းပြီးပါက သတ်မှတ်ထားသည့် ဆေးသက်တမ်းပြယ်ရက် ပြီးမှသာ ခူးဆွတ်ရပါမယ်။

ဖြေလည်သော အဖြေရရှိပြီး

8,972

လွန်ခဲ့သော ၆ နာရီ က · ချောက်

ဆရာ မိုးအရမ်းရွာနေပါတယ်ခင်ဗျ ခရမ်းချဥ်ခင်းအတွက်စိတ်ပူရပါတယ်😌 အရမ်းချဥ်က သီးလွန်းတော့ ကြိုးတွေလဲမနိုင်တော့ဘူး တစ်ခိုင်ကို ၆ လုံး ၇ လုံးထိသီးတယ် အတာအလုံးလေးတွေသေး သွားမှာ စိုးလို့ ကွန်ပေါင်းပဲထပ်ကျွေးရမလား ဒါမှမဟုတ် နောက်ဆူံးအဖျားသီးနှစ်လုံးလောက်ခြွေပစ်ရမလား 15 ပတ်လည်ကျွေးထားတာ တစ်ကြိမ်ပဲရှိပါသေးတယ်ဆရာ 15 ပတ်လည်ထပ်ကျွေးရမလား ဆရာပြောတဲ့ပိုတက်သီးသန့်တော့မရှိဘူး ရွက်ဖျန်းအားဆေး 3.39.50 ရွက်ဖျန်းဆေးတော့ရှိပါတယ်ဆရာ မိုးနည်းရပ်ဝန်းမှာ မိုးအရမ်းရွာနေတာကြီးက အဆင်ပြေမနေဘူးဆရာ😌

ပိုးမွှားရောဂါ ခရမ်းချဉ်

320,908 လွန်ခဲ့သော ၆ နာရီ က

ဤအဖြေဖြင့် ပြေလည်

လက်ရှိ ခရမ်းချဉ်ပင်များသည် အသီးအလွန်တင်နေပြီး မိုးသည်းထန်စွာ ရွာသွန်းနေသောကြောင့် ပင်ပိုင်းကြီးထွားမှုကို အားပေးသည့် ၁၅ ပတ်လည် မြေသြဇာကို ထပ်မကျွေးသင့်တော့ပါဘူး။ ၁၅ ပတ်လည်မြေသြဇာကို ထပ်မကျွေးဘဲ ပိုတက်စီယမ်ဓာတ် မြင့်မားသော လက်ရှိရှိနေသည့် 3-39-50 ရွက်ဖျန်းဆေးကို ဆေးစွဲကပ်စေးနှင့်ရော၍ မိုးစဲချိန်တွင် ဖျန်းပေးပါ။တောင်သူကြီးလက်ဝယ်ရှိသော 3-39-50 ရွက်ဖျန်းအားဆေးသည် အသီးကြီးရန် အလွန်သင့်တော်သော်လည်း မိုးရွာနေချိန်တွင် ဖျန်းပါက ဆေးမျောပါသွားနိုင်သဖြင့် မိုးစဲချိန်တွင် ဆေးစွဲကပ်စေးရောစပ်၍ ဖျန်းပေးသင့်ပါတယ်။ ထို့ပြင် အပေါ်ကအသီးများ သေးမသွားစေရန်ပုံသဏ္ဌာန်မမှန်သော အသီးငယ်လေးများအချို့ ဖယ်ထုတ်ပေးသင့်ပါတယ်။ ကိုင်းကျိုးခြင်းမှ ကာကွယ်ရန် တိုင်ထောင်ခြင်းတို့ကို လုပ်ဆောင်ပေးနိုင်ရင်ပိုကောင်းပါမယ်။မိုးသည်းထန်စွာ ရွာသွန်းချိန်တွင် အပင်က ကယ်လ်စီယမ် စုပ်ယူမှု အားနည်းသွားပြီး ခရမ်းချဉ်သီးအောက်ခြေပုပ်ခြင်း (Blossom End Rot) အလွန်ဖြစ်ပွားတတ်ပါတယ်။ ထို့ကြောင့် ပိုတက်စီယမ်အပြင် ကယ်လ်စီယမ်-ဘိုရွန် (Ca-B) ပါဝင်သော ရွက်ဖျန်းဆေး သို့မဟုတ် ဂျစ်ဆမ် မြေဩဇာ ကိုပါ မိုးစဲချိန်မှာအပင်ခြေ၌ဖြည့်စွက်ကျွေး ပေးရင် ပိုမိုစိတ်ချရပါလိမ့်မယ်ခင်ဗျာ။ ၁၅ပတ်လည်ကျွေးသင့်မကျွေးသင့်ကတော့ အပင်လိုအပ်ချက်ကို ကြည့်ပြီးမှကျွေးသင့်ပါတယ်။ အခုလိုအသီးပွင့်များနေချိန်မှာတော့ မကျွေးသင့်သေးပါဘူးခင်ဗျာ

8,972 လွန်ခဲ့သော ၆ နာရီ က

ဟုတ်ဆရာကျေးဇူးအထူးပါဆရာ

ဖြေလည်သော အဖြေရရှိပြီး

2,047

လွန်ခဲ့သော ၁၅ နာရီ က · ပွင့်ဖြူ

ဘက်တီးရီးယားဆေးကော့ပါးပတ်ပြီးဘယ်နှစ်ရက်နေရင်အောက်ဆေးပုလဲပိုတက်ကျွေးရလဲခဗျ

ပိုးမွှားရောဂါ စပါး

323,639 လွန်ခဲ့သော ၁၅ နာရီ က

ဤအဖြေဖြင့် ပြေလည်

ပိုတက်ကတော့ ဘက်တီးရီးယာဆေးဖျန်းပြီး ၃ ရက်ကနေ ၅ ရက်အတွင်း ကျွေးလို့ရပါတယ်။ သူက အပင်ကို ကျန်းမာစေတဲ့ ကိုယ်ခံအားကောင်းစေတဲ့ ဓာတ်စာလည်း ဖြစ်ပါတယ်။ ပုလဲကိုတော့ ရောဂါလုံးဝသက်သာသွားမှ ကျွေးပါဗျ။ ပုလဲက အပင်ကို နုနယ်သွားစေတဲ့အတွက် ရောဂါမသက်သေးဘဲ ကျွေးလိုက်ရင် ရောဂါက ပြန်ထနိုင်ပါတယ်။

2,047 လွန်ခဲ့သော ၆ နာရီ က

ကျေးဇူးပါဆရာ

ဖြေလည်သော အဖြေရရှိပြီး

326

လွန်ခဲ့သော ၁၆ နာရီ က · ယင်းမာပင်

ဂျီဗာမရုသမ်ဆေးရည်ပြုလုပ်ရာမှာ ၁ဧကစာ ၂၀၀ လီတာဖော်စပ်ရမယ်လို့ သိရပါတယ် အဲဒါက ရေမရောပဲ ဖြန်းရတာလား ကြက်သွန်နီအတွက် လီတာ ၃၀၀ လုပ်ထားပါတယ် မြေခံအတွက် ဖြန်းချင်ပါတယ် ရေရောရမှာလား မရောရဘူးလား သိပါရစေဆရာတို့

အပင်အာဟာရ ကြက်သွန်နီ

323,639 လွန်ခဲ့သော ၁၅ နာရီ က

ဤအဖြေဖြင့် ပြေလည်

မြေခံအတွက် မြေပေါ်ကို တိုက်ရိုက်ဖြန်းမယ်ဆိုရင် ရေရောစရာမလိုတော့ပါဘူးဗျ။ ရလာဒ်လေးကို အစိမ်းရောင်လမ်းမှာ ပြန်မျှဝေပေးပါဦးဗျ။ အခြားတောင်သူတွေလည်း လိုက်လုပ်မယ်ဆို ဒီဆောင်းပါးလေးကို ဖတ်နိုင်ပါတယ်။ ဓာတ်မြေသြဇာစရိတ် သက်သာစေမည့် အိန္ဒိယနိုင်ငံကျော် "ဂျီဗာမရုသမ်" (Jeevamrutham) ပြုလုပ်အသုံးပြုနည်း

3,578 လွန်ခဲ့သော ၁၅ နာရီ က

စမ်းကြည့်ချင်နေတာဗျာ။ ရလာဒ်လေး ပြောပြပေးပါဦး

226

လွန်ခဲ့သော ၁၇ နာရီ က · ရေတာရှည်

စပါးပင်က အမြစ်ပုတ်တာလားရွက်ခြောက်လားခွဲမရလို့ သိရင် ပြောပြကြပါအုံးဗျ

အပင်အာဟာရ စပါး

3,677 လွန်ခဲ့သော ၂ နာရီ က

320,908 လွန်ခဲ့သော ၆ နာရီ က

ပုံပါ စပါးပင်ပြဿနာသည် ရွက်ခြောက်ရောဂါ စစ်စစ်မဟုတ်ဘဲ "စပါးရွက်ဖုံးခြောက်ရောဂါ (Sheath Blight)" ဖြစ်နိုင်ခြေ ပိုများပြီး အပင်ခြေ ရွက်ဖုံးများတွင် မီးခိုးရောင် ရေစိုနာကွက်များ ဖြစ်ပေါ်ကာ အရွက်များကိုပါ ခြောက်သွေ့စေခြင်းဖြစ်တာပါ။ ထို့ပြင် မြေကြီးထဲတွင် ရေဝပ်လွန်းခြင်း သို့မဟုတ် မှိုကြောင့် ဖြစ်တတ်သော "အမြစ်ပုပ်ခြင်း ပြဿနာ" လည်း ပူးတွဲပါဝင်နေနိုင်သဖြင့် အာဟာရမစုပ်ယူနိုင်ဘဲ အရွက်များ ဝါခြောက်လာရခြင်းပါ။ ၎င်းကို ကုသရန်အတွက် စိုက်ခင်းထဲမှ ရေကို ကုန်အောင်ထုတ်၍ (၂-၃) ရက်ခန့် မြေကြီးပတ်ကြားအက်ရုံ ထားပေးခြင်း၊ အပင်အရွက်နူးညံ့စေသော ပုလဲမြေသြဇာ ကျွေးခြင်းကို ရပ်ဆိုင်းပြီး ပိုတက်ရှ် မြေသြဇာနှင့်ဂျစ်ဆမ်ရောပြီး ကျွေးခြင်းတို့ ပြုလုပ်ပေးရပါမယ်။ ရောဂါထိန်းချုပ်ရန်အတွက်မူ Azoxystrobin + Difenoconazole သို့မဟုတ် Hexaconazole ပါဝင်သော မှိုသတ်ဆေးတစ်မျိုးမျိုးကို အပင်ခြေအထိ ရောက်အောင် သေချာပက်ဖျန်းပေးရန် လိုအပ်ပါတယ်။

လွန်ခဲ့သော ၁၈ နာရီ က · မင်းဘူး

နှမ်းစျေး သိချင်ပါတရ်

စိုက်ပျိုး ဗဟုသုတ နှမ်း

3,578 လွန်ခဲ့သော ၁၇ နာရီ က

18.9.2026(Thursday)မန္တလေးသီးနှံစျေးနှုံးများ နှမ်းနက် - ( 45 ပိဿာ ) - 460000 / 520000 နှမ်းဖြူ - (45 ပိဿာ ) - နှမ်းဖြူ(jp)- ( 45 ပိဿာ ) - 480000 ဆောင်းနှမ်း - ( 45 ပိဿာ ) - နှမ်းညို- ( 45 ပိဿာ ) - 460000 ပန်းနှမ်း - (45 ပိဿာ ) - 345000

ဖြေလည်သော အဖြေရရှိပြီး

လွန်ခဲ့သော ၂၂ နာရီ က · ကျောင်းကုန်း

ခရမ်းချဉ်ကနေရောင်ခြည်အနည်းငယ်ရတဲ့ အရိပ်အောက်မှာ စိုက်လို့ရပါသလား ?

စိုက်ပျိုးနည်း ခရမ်းချဉ်

323,639 လွန်ခဲ့သော ၂၁ နာရီ က

ဤအဖြေဖြင့် ပြေလည်

မရပါဘူးဗျ။ ခရမ်းချဉ်က နေရောင်ခြည် ၆နာရီကနေ ၈ နာရီထိ ရရှိဖို့ လိုအပ်ပါတယ်။ နေရာခြည်အားနည်းတဲ့နေရာမျိုးမှာစိုက်ရင် အပင်က ခါးရှည်တာ အသီးပွင့်အားနည်းတာမျိုး ဖြစ်နိုင်ပါတယ်။ နေရောင်ခြည်လည်း ရဖို့လိုသလို လေဝင်လေထွက်လည်း ကောင်းဖို့လိုအပ်ပါတယ်။ ဒါမှသာ ပိုးမွှားရောဂါကျရောက်မှု သက်သာမှာဖြစ်ပါတယ်။

73 လွန်ခဲ့သော ၁၇ နာရီ က

@Thein Soe Min ကျေးဇူးပါ

လွန်ခဲ့သော ၂၃ နာရီ က · ရေဦး

စပါးအပင်တွင်းရှိတဲ့ဆစ်ပိုးကိုသေစေဖို့ဘာဆေးသုံးသင်လည်းဗျဆစ်ပိုးသေပီတော့အပင်ပြန်ပြည့်ဖို့အတွက်ဆစ်ပိုးကျတဲ့နေရာကိုပုလဲသုံးပီပက်ရင်ဆင်ပြေလား

ခေတ်သစ်စိုက်ပျိုးရေး စပါး

320,908 လွန်ခဲ့သော ၂၀ နာရီ က

စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့စပါးဆစ်ပိုးကို ထိရောက်စွာ နှိမ်နင်းရန်အတွက် အပင်ရိုးတံအတွင်းထိ စိမ့်ဝင်နိုင်သော ဖစ်ပရိုနေး (Fipronil) သို့မဟုတ် ကာတပ် (Cartap) ကဲ့သို့ ပင်လုံးပြန့်အာနိသင်ရှိသည့် ပိုးသတ်ဆေးများကို သုံးစွဲလေ့ရှိတယ်။ ဆစ်ပိုးကြောင့် ပျက်စီးသွားသော အပင်များ ပြန်လည်လန်းဆန်း အပင်ပွားထွက်လာစေရန် ယူရီးယား (ပုလဲ) မြေသြဇာ အနည်းငယ်ကို ပိုတက်ရှ်မြေသြဇာ၊ အမိုင်နိုအက်ဆစ် ရွက်ဖျန်းအားဆေးတို့နှင့် တွဲဖက်ကျွေးရပါမယ်။ ပုလဲမြေသြဇာတစ်မျိုးတည်းကို အလွန်အကျွံ ပက်ကြဲခြင်းသည် စပါးပင်ကို ပိုမိုနုဖတ်စေပြီး ဆစ်ပိုးနှင့် အခြားပိုးမွှားများကို ပိုမိုဆွဲဆောင်ကာ အပင်ကို ပိုမိုပျက်စီးစေနိုင်သဖြင့် လုံးဝ မပြုလုပ်သင့်ပါဘူး။

323,639 လွန်ခဲ့သော ၂၁ နာရီ က

ဆစ်ပိုးတွေ ကင်းသွားပြီး အပင်တွေ ပြန်တက်လာဖို့အတွက် စပါးခင်းကို ပုလဲပက်လို့ရပါတယ်ဗျ။ တစ်ခုသတိထားရမှာက ပုလဲတစ်မျိုးပဲ ပက်မယ်ဆိုရင် အရွက်သစ်တွေက နုညံ့ပြီး အရည်ရွှမ်းတဲ့အတွက် နောက်ထပ်ပိုးတွေကို ဖိတ်ခေါ်သလိုဖြစ်တတ်ပါတယ်။ ပုလဲနဲ့ ပိုတက်ကို သဘာဝမြေသြဇာနဲ့ ရောနှပ်ပြီးမှ ပက်စေချင်ပါတယ်ဗျ။

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ