နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 160 အပင်အာဟာရ 294 စိုက်ပျိုးနည်း 395 ပိုးမွှားရောဂါ 442 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 838

ဘီယာကို ရွက်ဖျန်းဆေးလုပ်ဖျန်းတာ အကျိုးရှိလား?

Thein Soe Min • 18/12/2023

အစိမ်းရောင်လမ်းမှာ ဒီလိုမေးခွန်းမျိုးလေးတွေ တက်လာလေ့ရှိတယ်။ နည်းလမ်းအသစ်လေးတွေကို အပင်နည်းနည်းမှာ စမ်းသပ်တာက ကောင်းပေမယ့် ကြားဖူးနားဝနဲ့ ပိုက်ဆံအကုန်ခံပြီး အများကြီးလိုက်လုပ်ရင်တော့ အကျိုးမရှိဘဲ ငွေကုန်ရုံသပ်သပ် ဖြစ်သွားတာ ဒါမှမဟုတ် ပိုဆိုးသွားတာမျိုး ဖြစ်မှာစိုးလို့ သေချာရှင်းပြချင်ပါတယ်။ ဘီယာကို ရွက်ဖျန်းဆေးအနေနဲ့ ဖျန်းဖို့စိတ်ကူးရှိရင် ဒီဆောင်းပါးကို ပြီးတဲ့အထိ ဖတ်ပေးပါ။

ကုန်တဲ့ပိုက်ဆံနဲ့ ထိရောက်မှုရှိလားဆိုရင် မရှိဘူးလို့ပဲ ပြောရမှာပါ။ ဘီယာမှာ သကြား (ကာဗွန်ဟိုက်ဒရိတ်)၊ အသားဓာတ် (နိုက်ထရိုဂျင်)၊ ကာဗွန်ဒိုင်အောက်ဆိုဒ်၊ အရက် နဲ့အခြားအနည်းလိုအဟာရဓာတ် (မပြောပလောက်) တဲ့ပမာဏပဲ ပါပါတယ်။ နောက် ဘီယာမှာ ၉၀ ရာခိုင်နှုန်း (၁၀ ပုံပုံရင် ၉ပုံ)က ရေပါပါတယ်။ ကဲ တစ်ခုချင်းစီ ကြည့်ရအောင်။

သကြား (ကာဗွန်ဟိုက်ဒရိတ်) - ဘီယာမှာပါဝင်တဲ့ သကြားဓာတ်ကို အပင်ကတော့ ယူလို့မရပါဘူး။ မြေကြီးထဲက အဏုဇီဝပိုးလေးတွေအတွက်တော့ စားလို့ရချင်ရနိုင်ပါတယ်။ ဒါကလည်း အချိုးအရမ်းနည်းသလို ရွက်ဖျန်းဖြစ်တဲ့အတွက် ထိရောက်မှုက သိသာမှာမဟုတ်ပါဘူး။
အသားဓာတ် (နိုက်ထရိုဂျင်) - ဘီယာမှာ အသားဓာတ်(နိုက်ထရိုဂျင်) အနည်းငယ် ပါဝင်ပါတယ်။ USDA (အမေရိကန် စိုက်ပျိုးရေးဦးစီးဌာန) ကပြောတာတော့ ၁၂ ပေါင် (၃၄၀ ဂရမ်) မှာ အသားဓာတ်က (၀.၇) ဂ၇မ်ပဲ ရှိပါတယ်။ သဘောက အစတစ်ထောင်ပုံမှ ၂ ပုံလောက်ပဲ ပါတဲ့သဘောမျိုးပါ။ ဒါတောင် ဘီယာသီးသန့်ပဲ ပြောတာပါ။ တကယ်ဖျန်းမယ်ဆိုရင် ရေရောဦးမှာဆိုတော့ ဆင့်ပါးစပ် နှမ်းပက်ရုံပဲရှိပါတယ်။
ကာဗွန်ဒိုင်အောက်ဆိုဒ် - ကာဗွန်ဒိုင်အောက်ဆိုဒ်ကို အပင်က လေထဲကနေ အသက်ရှုလိုက်တိုင်းကို ရနေတာကြောင့် ဘီယာကနေ အောက်ကျခံပြီး အပင်တွေက မယူပါဘူး။ ဒါကြောင့် ဒီအာဟာရအတွက် ဖျန်းရတာပါဆို အပင်တွေ စကားပြောတတ်ရင် အပင်ပန်းမခံပါနဲ့ ပြန်ပြောကြပါလိမ့်မယ်။
အရက် - အပင်တွေအတွက် အရက် မလိုအပ်ပါဘူး။ အရက်ကိုတော့ အချို့ သဘာဝပိုးသတ်ဆေးတွေမှာ သုံးတာ တွေ့မိပါလိမ့်မယ်။ ဒါကလည်း ပိုးနှိမ်နှင်းဖို့အတွက်ထည့်တာပါ။
ရေ - ရေအတွက်နဲ့တော့ ဘီယာမသုံးပါနဲ့တော့။
အခြားအနည်းလိုအာဟာရဓာတ် - အရက်မှာ သံဓာတ်၊ ဇင့်ဓာတ်၊ ကောပါးဓာတ်တို့လိုမျိုး မမြင်သာလောက်တဲ့ ပမာဏနည်းနည်းလေးပါတယ်ဆိုပေမယ့် အကျိုးမထူးပါဘူး။

အစိမ်းရောင်လမ်းပေါ်မှာ ဘီယာအကြောင်းဖတ်ဖူးကြတာမျိုးရှိမှာပါ။ ဒါက ခရုတို့ ပက်ကျိတို့ထောင်ချောက်ဆင်ဖမ်းဖို့အတွက် ပြောထားတာပါ။ ဒီအတွက်ဆောင်းပါးက ဒီမှာ ဖတ်ပါ။ ခရုနဲ့ ပက်ကျိတွေကို ကာကွယ်နှိမ်နင်းနိုင်တဲ့ သဘာဝနည်း ၆ မျိုး

အဲဒီတော့ ပြန်အကျဉ်းချုံးရရင် ဘီယာကိုရွက်ဖျန်းအနေနဲ့သုံးတာ နားထောင်ကောင်းသလိုလိုရှိနေပေမယ့် ပိုက်ဆံကုန် လူပန်းပြီး ဘာတစ်ခုမှ အကျိုးမရှိတာမို့လို့ လိုက်မလုပ်ပါနဲ့လို့ အကြံပြုချင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

Topic 1

ကိုယ်တိုင်လုပ် အပင်အားဆေးများ

win ko thu

လွန်ခဲ့သော ၁ နှစ် က

အရက်ကဘယ်လိုပိုးမျိုတွေကိုနှိမ်နှင်းနိုင်ပါလည်ခင်ဗျာသိပရစေ

ဆက်စပ်ဆောင်းပါးများ

အပင်အာဟာရ

ကြက်သွန်နီဥကို အလေးချိန်စီးပြီး အထွက်နှုန်းများစေမယ့် အာဟာရဓာတ်များ

သော်ဇင်

အပင်အာဟာရ

စပါးအထွက်နှုန်း ၃၀ % အထိ တိုးစေမယ့် လျှို့ဝှက်ချက်

Thein Soe Min

အပင်အာဟာရ

ခိုချေးကို အပင်တွေမှာ အသုံးပြုလို့ရနိုင်ပါသလား..?

ဇင်ထူးနိုင်

ဆက်စပ်မေးခွန်းများ

ဘာမြေသြဇာ ကျွေးရမလည်းဗျ

ZawHtwe • ဖြေကြားချက် 0 ခု

ကော်ဖီပင်ကို ဆားခါးထည့်လို့ရလား ဘယ်လိုထည့်ရမလဲ ဆရာတို့လမ်းညွှန်ပေးပါအုံး

Lu Lu • ဖြေကြားချက် 2 ခု

ကွမ်းခြံက 2 လရှိပြီး အညွန့်ချိုးခြံပါ အောက်ခြံဆိုတော့စိမ့်ကိုင်နေလို စိမ့်မြောင်းတော့တူးထားတယ် အဲ့ဒါဘယ်လိုဆေးကျွေးပြီး ဘယ်လိုပြုပြင်ရမလဲဆိုတာ အကြံပေးပါအုန်းဗျား ""လေးစာစွာတင်ပြပါတယ်""

Kyaw Aye • ဖြေကြားချက် 2 ခု

အီးအန်ဆေးပြုလုပ်ပုံအဆင့်ဆင့်ပြောပြပေးပါအုံး အီးအန်ကဘာတေကောင်းလဲဘယ်လိုအသုံးပြုရလဲရှင်းပြပေးပါအုံး

Ko Gyi Aung • ဖြေကြားချက် 1 ခု

ငါးအမိုင်နိုထဲကို EMအရည်ထည့်ထားပါတယ် ကြာကြာထားလို့ရနိုင်မလာ နွေမှ အသုံးပြုမှာ မို့လိုပါ ဖြေကြားပေးပါ

bominthu • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ