အပင်တွေက ရေတွေသန့်စင်ဖို့ ဘယ်လိုကူညီပေးလဲ

အပင်တွေက ရေကန်တွေကို ဘယ်လိုကူညီနိုင်သလဲ

ကြာပန်းတွေအများကြီးနဲ့ ရေကန်ကြီး၊ ရေတွေကလည်း စိမ်းနေတာပဲ လှလိုက်တာ!

ရေကန်တွေက ထိန်းသိမ်းရခက်တယ်နော်။ ရေကန်တွေက နေရောင်အောက်မှာ တိုက်ရိုက်တည်ရှိတယ်။ ပြီးတော့ လမ်းဘေး မြေကွက်ဘေးတွေမှာ လူတွေကြားထဲမှာ ရှိရင်လည်းရှိမယ် ဆိုတော့ သန့်နေအောင်လုပ်ဖို့က သဘာဝအတိုင်းဆိုရင် လုပ်ဖို့ ကိုင်ဖို့ အတွက် နည်းနည်းခက်တယ်။ အပင်တွေက ကူနိုင်တယ်ဆိုရင်ရော?

အပင်တွေက ရေတွေသန့်စင်နေဖို့ ဘယ်လိုကူညီပေးသလဲ?

အောက်စီဂျင်ထုတ်ပေးခြင်း

အပင်တွေက အလင်းမှီစုအစာချက်လုပ်တဲ့ဖြစ်စဉ်မှာ လေထဲက ကာဗွန်ဒိုင်အောင်ဆိုဒ်ကို စုပ်ယူပြီးတော့ အောက်စီဂျင်ကို ပြန်ထုတ်ပေးတာဖြစ်ပါတယ်။ အဲ့တော့ ရေအောက်ထဲကိုလည်း အောက်စီဂျင်တွေထုတ်လွှတ်ပေးပါတယ်။ အဲ့လို ထုတ်လွှတ်ပေးနိုင်တာကြောင့် ရေထဲက အောက်စီဂျင်ကို ရှုတဲ့ ရေထဲက သက်ရှိတွေအတွက် အကျိုးရှိပါတယ်။

ပြီးတော့ အောက်စီဂျင်က ရေထဲကနေ အပေါ်ကို တက်တယ်။ ပြီးတော့ လေထုထဲကို ပြန်တက်တယ်။ အဲ့လိုဖြစ်စဉ်ကြောင့် ရေထဲက မကြည်မလင်ဖြစ်စေတဲ့အရာမျိုး၊ အရောင်တွေပြောင်းစေနိုင်တဲ့အရာတွေကို ပင့်တင်ပြီး တစ်ချို့ကို ထုတ်ပစ်လိုက်နိုင်ပါတယ်။

ရေညှိတွေကို လျော့ချပေးနိုင်တယ်

ရေညှိတွေ က နေရောင်ခြည်၊ ရေထဲက အာဟာရတွေကို စားသုံးပြီးတော့ ကြီးထွားတာပါ။ အောက်စီဂျင်ကိုလည်း ရေထဲက သက်ရှိတွေနဲ့ အပြိုင် စုပ်ယူနိုင်ပါတယ်။ အဲ့လိုတွေမရှိစေချင်ဘူးဆိုရင် ရေထဲက အာဟာရနဲ့ အပြင်ဖက် က နေရောင်ခြည်တွေကို ရေညှိတွေနဲ့ အပြိုင် စားသုံးနိုင်တဲ့ ရေပေါ်ပင်လေးတွေကို ကန်ထဲမှာ ထည့်ထားလိုက်ရင် ရေညှိတွေကို လျော့ချပေးနိုင်မှာပါ။

ရေကို စစ်ပေးနိုင်ခြင်း

အပင်တွေဟာ ရေစစ်ပေးနိုင်တဲ့အစွမ်း ရှိကြပါတယ်။ အမိုးနီးယားလို ဓာတ်တွေ၊ နိုက်ထရိတ်လိုမျိုး နဲ့ နိုက်ထရိုက်တွေကို စစ်ထုတ်ပေးနိုင်ကြပါတယ်။ အဲ့ အရာတွေက ရေကိုရော ရေထဲက သက်ရှိတွေကိုရော အဆိပ်သင့်စေနိုင်ကြပါတယ်။ အဲ့လို အရာတွေရေကန်ထဲမှာ မရှိသင့်တာပါ။

အဲ့လို အရာတွေရှိနေရင် ရေက အရောင်ပျက်သွားပြီး အရောင်တွေရောလာမယ်။ မကောင်းတဲ့ အနံ့အသက်တွေနဲ့ ရေကန်က မသန့်ရှင်းနိုင်တော့ပါဘူး။ အဲ့လို ရေကန်မှာ သက်ရှိတွေ ဘယ်လိုရှင်သန်နိုင်ပါ့မလဲနော်။

အဲ့လို အရာတွေအတွက် အပင်တွေ ရှိပါတယ်။ အပင်တွေက အဲအရာတွေကို စုပ်ယူပေးလိုက်တာကြောင့်မို့ အနံ့ဆိုးတွေထွက်တာ သက်သာသွားမယ်။ အရောင်ပျက်တာ ရောတာတွေ သက်သာသွားမယ်။ ပြီးတော့ ရေထဲက ငါးတွေ သေဆုံးတာကို ရပ်တန့်ပေးနိုင်မယ်။ အဲ့ဒါ အပင်တွေကြောင့်ပါပဲ။

အခုလောက်ဆိုရင် အပင်တွေက ရေတွေကိုလည်း သန့်စင်ပေးနိုင်တယ်ဆိုတာကို သိသွားကြမယ်လို့ထင်ပါတယ်။ အကျိုးလိုရာ သုံးနိုင်ကြပါစေ။

ထွန်းဝင်းကျော်

https://www.aquascapeaddiction.com/articles/best-pond-plants-to-keep-water-clear