အော်ဂဲနစ်မည်ရာတွင် မြေဆီလွှာ၏သက်ရောက်မှု

၁။ အော်ဂဲနစ်စိုက်ပျိုးထုတ်လုပ်တော့မည်ဆိုလျှင် ယခင်နှစ်က ဓာတုသွင်းအားစုများ အသုံးပြုစိုက်ပျိုးထားသော စိုက်ခင်းများတွင် စိုက်ပျိုးနိုင်ပါသလား?

၂။ အနီးအနားစိုက်ခင်းများ၏ အခြေအနေများမှ အကျိုးသက်ရောက်မှုရှိပါသလား?

အထက်ပါမေးခွန်းတွေက စိုက်ပျိုးထုတ်လုပ်နေသူတွေ အမေးများလေ့ရှိတဲ့မေးခွန်းတွေပါပဲ။ အဖြေအရဆိုရင် အော်ဂဲနစ်၏အဓိက စံနှုန်းများကို ပြန်လည်ကြည့်ကြရအောင်..

အော်ဂဲနစ်စိုက်ပျိုးရေးစနစ်တွင် မြေအောင်းပိုးသတ်ဆေးများ အသုံးပြုမထားလျှင် စတင်စိုက်ပျိုးသည့်နှစ်မှ စတင်၍အော်ဂဲနစ်စိုက်ပျိုးထားနိုင်သော မြေဆီလွှာအဖြစ် လက်ခံပေးသင့်ပေသည်။ ဓာတုမြေသြဇာများသာသုံးကာမျှဖြင့် မြေဆီလွှာတွင် ပမာဏများစွာ ကျန်ရှိခြင်း၊ မရှိခြင်း၊ မြေအောင်းပိုးသတ်ဆေးများကဲ့သို့ လူနှင့်တိရစ္ဆာန်များအတွက် ဆိုးကျိုးပမာဏပြင်းထန်မှုမရှိခြင်းတို့ကြောင့်ပဲဖြစ်ပါသည်။ သို့သော် သဘာဝပတ်ဝန်းကျင်နှင့် မြေအောက်ရေများညစ်ညမ်းမှုဖြစ်စေနိုင်သဖြင့် ရေရှည်တည်တံ့မှုမရှိသောကြောင့် အော်ဂဲနစ်စိုက်ပျိုးရေးတွင် မည်သည့်ဓာတုမြေသြဇာမျှ အသုံးပြုခွင့်မရှိပါ။ 

ပတ်ဝန်းကျင်စိုက်ခင်းများ၏ အကျိုးသက်ရောက်မှုအနေဖြင့် အနီးအနားစိုက်ခင်းများမှ ဓာတုမြေသြဇာနှင့် ပိုးသတ်ဆေးများအသုံးပြုခြင်းသည် အော်ဂဲနစ်စိုက်ပျိုးသောမြေနှင့် သီးနှံများအပေါ် အကျိုးသက်ရောက်မှုရှိသော်လည်း မြေအမျိုးအစားနှင့် တည်နေရာအပေါ်မူတည်၍ ပမာဏအနည်းအများကွာခြားပါသည်။ သီးနှံများအပေါ်တိုက်ရိုက်ဆေးဖျန်းခြင်းနှင့် လေနှင့် မြေအောက်မှ သွယ်ဝိုက်၍အနည်းငယ်ကျရောက်မှုရှိခြင်းသည် မည်သည်ကပို၍ အန္တရာယ်ကင်းသည်ကို စဉ်းစားရပါမည်။ 

နည်းပညာများကို အောင်မိုးဟိန်း(တောင်တွင်းသား)၏ ဘာသာပြန်စာအုပ် “စက်မှုစိုက်ပျိုးရေး၊ နိုင်ငံတကာဈေးကွက်အတွက်စိုက်ပျိုးခြင်းနှင့် ဟန်ချက်ပျက်သောဖွံ့ဖြိုးမှု” စာအုပ်မှ ကောက်နုတ်ဖော်ပြပါသည်။