ပဲတီစိမ်းစျေးကွက်ကောင်းပြီး အရောင်းအဝယ်သွက်နေ (တစ်ပတ်စာဈေးကွက် သုံးသပ်ချက်)
နှမ်း
နှမ်းမျိုးစုံစျေးကွက်မှာ နှမ်းနက်ကစျေးတက်လာပြီး နှမ်းဖြူကစျေးကျကာ နှမ်းညိုကတော့ စျေးငြိမ်နေပါတယ်။
မန္တလေးကုန်စည်ဒိုင်ဈေးကွက်မှာနှမ်းဖြူက ဆောင်းနှမ်းအသစ်တွေဝင်ရောက်မှုရှိပြီး လုပ်ငန်းသမားအဝယ်သာပုံမှန်ရှိတာကြောင့် စျေးကျသွားပါတယ်။ နှမ်းညိုကတော့ အရောင်းအဝယ်အေးပေမယ့် အသစ်အဝင်နည်းတဲ့အတွက် စျေးငြိမ်နေတာပါ။ နှမ်းနက်စမုံက ဆောင်းနှမ်း အဝင်နည်းသလို လက်ကျန်နှမ်းလည်း နည်းတာကြောင့် စျေးတက်ရိပ်ပြလာပါတယ်။
မန္တလေးကုန်စည်ဒိုင်စျေးကွက်မှာ ၄၅ ပိဿာကို ၃၂၀၀၀၀ ကျပ်မှ ၃၃၅၀၀၀ ကျပ် ပေါက်ဈေးရှိပါတယ်။ နှမ်းညိုက ၃၀၀၀၀၀ ကျပ် ရှိပါတယ်။ နှမ်းနက်စမုံက အက်စစ်လွတ်နှမ်းမှာ ၇၃၀၀၀၀ မှ ၇၃၅၀၀၀ ကျပ် စျေးပေါက်ပါတယ်။
ပဲတီစိမ်း
ပဲတီစိမ်းကတော့ ဒီတစ်ပတ်မှာ ပဲတီးစိမ်းဝါးခယ်မတစ်မျိုးသာ စျေးတက်လာပြီး ကျန်တဲ့ ခရမ်း ရွှေဝါပဲတီစိမ်း၊ ပဲခူးရွှေဝါပဲတီစိမ်းနဲ့ ပဲတီစိမ်း(အညာ)ကစျေးငြိမ်နေပါတယ်။
ပဲတီစိမ်းကစျေးငြိမ်နေပေမယ့် တရုတ်ဝယ်လိုအားရှိတာကြောင့် စျေးကွက်ကောင်းပြီး အရောင်းအဝယ်လည်း သွက်နေပါတယ်။
ရန်ကုန်ဘုရင့်နောင်စျေးကွက်မှာ ပဲတီစိမ်းခရမ်းရွှေဝါနဲ့ ပဲတီစိမ်း ပဲခူးရွှေဝါက တစ်ပိဿာကို ၅၅၀၀ ကျပ်နဲ့စျေးငြိမ်နေပြီး ပဲတီစိမ်း အညာကလည်း အရင်အပတ်ကအတိုင်း ၅၁၆၅ ကျပ်မှ ၅၁၈၅ ကျပ်မှာ စျေးငြိမ်နေတာပါတယ်။ ပဲတီစိမ်း ဝါးခယ်မကတော့ ၅၂၅၀ မှ ၅၂၇၀ ကျပ်စျေးပေါက်ပြီး ၁၇၀ ကျပ်တက်လာပါတယ်။
မန္တလေးစျေးကွက်မှာ ပဲတီစိမ်းအညာက ၂၆၀၀၀၀ မှ ၂၆၅၀၀၀ ကျပ်ရှိပါတယ်။
ပဲပုပ်
ပဲပုပ်(မြန်မာ)ကစျေးကျသွားပြီး ပဲပုပ်(ရှမ်း)က စျေးငြိမ်နေပါတယ်။ ပဲပုပ်(မြန်မာ)က လက်ရှိမှာ ကုန်စည်ဒိုင်တွေကို ဆောင်းပဲအသစ်တွေ ဝင်ရောက်မှုရှိပြီး လုပ်ငန်းသမားသာ အဝယ်ပုံမှန်ရှိလို့ စျေးကျရိပ်ပြလာပါတယ်။
ပဲပုပ်(ရှမ်း)ကတော့ စျေးကွက်အတွင်းကို ပဲအသစ်မဝင်သေးခြင်း၊ ဆီစက်သမားအဝယ်နည်းခြင်း၊ လက်ကျန်နည်းခြင်းကြောင့် စျေးငြိမ်နေပါတယ်။
မန္တလေးကုန်စည်ဒိုင်စျေးကွက်မှာ ပဲပုပ် မြန်မာက ၂၈၈၀၀၀ ကျပ်ရှိပြီး ပဲပုပ်ရှမ်းက ၃၃၀၀၀၀ ကျပ် ရှိနေပါတယ်။
မတ်ပဲ
မတ်ပဲကတော့ ဒီတစ်ပတ်မှာ စျေးတန်းအနည်းငယ် တက်ရိပ်ပြလာပြီး အမြင့်ဆုံးတစ်တန်ကို ၂၉၇၈၀၀၀ ကျပ်အထိရှိလာပါတယ်။
မတ်ပဲကို အိန္ဒိယက အဝယ်အေးနေတဲ့အပြင် အခွန်ကင်းလွတ်ခွင့်နဲ့ တင်ပို့ခွင့်အပေါ်သက်တမ်း ထပ်မတိုးသေးတာကြောင့် စျေးကွက်မတက်ဘဲ အေးနေတာဖြစ်ပါတယ်။ စျေးအေးနေပေမယ့် ပဲအသစ်တွေ အရောင်းအဝယ်ကောင်းနေပြီး ပဲအသစ်တွေစျေးကွက်ထဲ ဝင်ရောက်မှုများနေပါတယ်။
ဒီတစ်ပတ် ရန်ကုန်ဘုရင့်နောင်စျေးကွက်မှာ တနင်္လာနေ့က မတ်ပဲ (FAQ )တစ်တန်ကို ၂၉၃၂၀၀၀ ကျပ်၊ အင်္ဂါနေ့မှာ ၂၉၃၃၀၀၀၊ ဗုဒ္ဓဟူးနေ့မှာ ၂၉၄၃၀၀၀ကျပ်၊ ကြာသပတေးနေ့မှာ ၂၉၆၅၀၀၀ ကျပ်၊ သောကြာနေ့မှာ ၂၉၇၈၀၀၀ ကျပ်ရှိပါတယ်။ ခုတပတ်မှာ ၄၀၀၀၀ ကျော်လောက် အတက်ပြလာပါတယ်။
မန္တလေးစျေးကွက်မှာ မတ်ပဲပိဿာ ၆၀ ကို ၂၆၅၀၀၀ မှ ၂၇၃၀၀၀ ကျပ်ရှိပါတယ်။
ပဲစဥ်းငုံ
ပဲစဥ်းငုံကတော့ ဒီတစ်ပတ်မှာ စျေးပြန်တက်လာပြီး တစ်တန်ကို ကျပ်သိန်း ၃၀ ကျော်အထိ မြင့်တက်လာပါတယ်။
အိန္ဒိယနိုင်ငံ နယူးဒေလီမြို့မှာ ပြုလုပ်ခဲ့တဲ့ ပဲမျိုးစုံဆွေးနွေးပွဲအပြီးမှာ ခုလိုပြည်တွင်း ပဲစင်းငုံဈေး တစ်တန်ကို ကျပ်သိန်း ၃၀ ကျော် အထိ ပြန်လည်မြင့်တက်လာတာဖြစ်ပါတယ်။
လက်ရှိမှာ ဆောင်းပဲစဥ်းငုံအသစ်တွေလည်း စျေးကွက်ထဲဝင်ရောက်မှုရှိပြီး သိုလှောင်မယ့်သူတွေနဲ့ ပဲခွဲစက်တွေက အဝယ်ရှိနေတယ်လို့သိရပါတယ်။
ဒီတစ်ပတ် ရန်ကုန်ဘုရင့်နောင်ကုန်စည်ဒိုင်မှာ တနင်္လာနေ့က ပဲစဥ်းငုံနီ တစ်တန် ကို ၂၉၇၀၀၀၀ ကျပ်၊ အင်္ဂါနေ့မှာ ၃၀၂၅၀၀၀ ကျပ်၊ ဗုဒ္ဓဟူးနေ့မှာ ၃၀၃၀၀၀၀ ကျပ်၊ ကြာသပတေးနေ့က ၃၀၅၅၀၀၀ ကျပ်၊ သောကြာနေ့မှာ ၃၀၆၈၀၀၀ ကျပ် ရှိတာကြောင့် တစ်ပတ်အတွင်းမှာ ၁ သိန်းကျပ် လောက်တက်လာပါတယ်။ အရင်အပတ်နဲ့ယှဥ်ရင်တော့ ၁၅၀၀၀၀ ကျပ် လောက်တက်လာပါတယ်။
မန္တလေးစျေးကွက်မှာတော့ ပဲစဥ်းငုံနီကပိဿာ ၆၀ တစ်အိတ်ကို ၂၈၇၀၀၀ မှ ၂၈၈၀၀၀ ကျပ်ရှိပါတယ်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
အကြောင်းအရာ 1
ပြည်တွင်းသီးနှံဈေးကွက်
အကြောင်းအရာ 2
သီးနှံဈေးကွက်
ဆက်စပ်မေးခွန်းများ
မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်
Sawsamson • ဖြေကြားချက် 0 ခု
trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်
Khing Hein • ဖြေကြားချက် 1 ခု
ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ
kyaw zin • ဖြေကြားချက် 1 ခု
မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ
လိူင်စိုး • ဖြေကြားချက် 1 ခု
ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။
U Win Zaw • ဖြေကြားချက် 5 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
အသံ
ကြီးမားပြင်းထန်လှသော စူပါအယ်လ်နီညိုကြောင့် လာမည့် ဖေဖော်ဝါရီလအထိ လူပေါင်း ၄၅၀,၀၀၀ ကျော် သေဆုံးနိုင်ဖွယ်ရှိကြောင်း ခန့်မှန်း
25/09/2026
ကောက်ရိုးစွန့်ပစ်ပစ္စည်းများကို မီးမရှို့ဘဲ လျှပ်စစ်ဓာတ်အားအဖြစ် ပြောင်းလဲရန် ကြိုးပမ်းသူ အိန္ဒိယလူငယ်
25/09/2026
ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ
24/09/2026
ဝူလုံသဘာဝရှုခင်းများကြားက သစ်တစ်ပင်နှင့် ဂေဟစနစ်ထိန်းသိမ်းရေးသင်ခန်းစာ
23/09/2026
ကျန်းမာရေးနှင့်ညီညွတ်သော အစာစားနည်းများ (အပိုင်း-၄)
22/09/2026
More from AMIA
အားလုံး
ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ
24/09/2026
တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)
21/09/2026
ရှမ်းတောင် ခရမ်းချဉ်ဈေးကွက် အောက်တိုဘာနှင့် နိုဝင်ဘာတွင် ဈေးမြင့်တက်လာနိုင်ကြောင်း ကုန်သည်များသုံးသပ်
17/09/2026
အသံ
အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ
16/09/2026
အိန္ဒိယဝယ်လိုအားကြောင့် ပို့ကုန်ပဲအချို့ဈေးလှုပ် (တစ်ပတ်စာဈေးကွက်သုံးသပ်ချက်)
14/09/2026
