ရာသီဥတုမမှန်သောကြောင့် ကြက်ဟင်းခါးစိုက်ပျိုးသူများ စိုက်ပျိုးရေအခက်အခဲကြုံတွေ့ကြရ
ယခုနှစ်တွင် ရာသီဥတု မိုး၊ လေ မမှန်သောကြောင့် ပဲခူးတိုင်းဒေသကြီးရှိ ကြက်ဟင်းခါးသီးစိုက်ပျိုးသူများ စိုက်ပျိုးရေ အခက်အခဲကြုံတွေ့ကြရကြောင်း သိရသည်။
ဒီနှစ် ကြက်ဟင်းခါးသီးပင်တွေစိုက်ပျိုးရာမှာ မိုးတွင်းသာ ဆိုတယ်။ ရာသီဥတုမမှန်၊ မိုးရွာသင့်တဲ့အချိန်မှာ မရွာတဲ့အတွက် မနက်ပြန် ညပြန်ကို ထမ်းပုံးနဲ့ လောင်းလောင်းပေးနေရတယ်။အထွက်နှုန်းလည်း အခုနှစ်မှာ ရာသီဥတုဒဏ် နေပူဒဏ်နဲ့ဆိုတော့ အသီးတွေနည်းနည်းခြောက်ချင်တယ်။ ဇူလိုင်လမှာ အသီးတွေစဆွတ်ရတယ်။ ရာသီဥတုကောင်းတဲ့နှစ်ဆိုရင်တော့ အနည်းဆုံး အောက်တိုဘာလ၊ နိုဝင်ဘာလတွေအထိ ဆက်ခူးဆွတ်လို့ ရမှာ။ ခုကတော့ ရာသီဥတုက ဘာမှမပြောသာဘူး။
ဟု ပဲခူးတိုင်းဒေသကြီး၊ ပြည်မြို့နယ်၊ မှုတ်ရှည်ကျေးရွာအုပ်စု၊ ရှမ်းစုကျေးရွာမှ ကြက်ဟင်းခါးသီးပင်စိုက်ပျိုးသူ ဦးကျော်အုန်းက ပြောသည်။
ကြက်ဟင်းခါးသီးပင်များကို မေလဆန်းမှာ စတင်စိုက်ပျိုးကြပြီး၊ စိုက်ပျိုးပြီး ရက်(၂၀) ဝန်းကျင်တွင် အပင်မှအညွှန့်ထွက်ကာ၊ စိုက်ပျိုးပြီး (၂)လအကြာတွင် အသီးများ စတင်ခူးဆွတ်ရကြောင်း သိရသည်။
တောင်သူလုပ်ရိုးလုပ်စဉ်အရတော့ စတင်စိုက်ပျိုးချိန်မှာ အဲ့ဒီအကွက်ကို သမန်းကိုင်ပြီးတော့ ပေါက်ပြားနဲ့ မြောင်းဆွဲပါတယ်။ မြောင်းဆွဲပြီးတော့ တစ်စေ့နဲ့တစ်စေ့ကို တစ်တောင့်ထွာလောက်ခြားပြီး တန်းဆွဲလိုက်တာပါ။ မြေဩဇာကိုတော့ နိုက်ထရိုဂျင်ပါတဲ့မြေဩဇာနဲ့ နွားချေးဆွေးနဲ့ ထည့်ပါတယ်။ မျိုးစေ့တိုက်ရိုက်ချစနစ်နဲ့ စိုက်ပျိုးတာပါ။ ကြက်ဟင်းခါးပင်ကနေ အရွက်ကလေး လေးရွက်၊ ငါးရွက်ထွက်လာတဲ့ အရွယ်ရောက်မှ စင်ထိုးရတာပါ။ ဒါမှလည်း ကြက်ဟင်းခါးပင်အတွက် စင်ထိုးပြီးတာနဲ့ အပင်ကနေ အညွှန့်လေးတွေ ထွက်လာမှာနဲ့က အချိန်ကွက်တိလောက် သွားကျပါတယ်။ စိုက်ပျိုးပြီး ရက်(၂၀)လောက်ဆို အညွှန့်ထွက်ပါတယ်။
ဟု ဦးကျော်အုန်းက ဆက်လက်ပြောသည်။
မိုးတွင်းကာလ ကြက်ဟင်းခါးပင်မှအရွက်များ စင်ပေါ်ပြည့်သွားသည့်အခါ အရွက်ထပ်များကြားထဲတွင် ပိုးအစိမ်း/အဝါကောင်လေးများ ဝင်ရောက်ခိုအောင်းတတ်ပြီး၊ အရွက်အထပ်များမှာ ဇကာပေါက်လေးများဖြစ်ပေါ်တတ်သည်။ ထိုကာလများတွင် တောင်သူများအနေဖြင့် ဒေသအလိုက် သင့်လျော်ရာပိုးသတ်ဆေးကို ဆယ်ရက်တစ်ပတ် (၂)ကြိမ်ခန့် ပက်ဖျန်းပေးကြရကြောင်း သိရသည်။
ဆက်စပ်မေးခွန်းများ
ကြက်သွန် ဇွန်မွား ဥ မျိုး ရာ် ကြက်သွန်အစေ့မျိူးရယ် လိုချင်ပါတယ် မျိုးဥက ဆိုဒ်ဘယ်နှစ်မျိူးရှိမလဲ? တစ်ပိသာဈေးနှုန်းကဘယ်လောက်လဲ? မျိုးသန့်မျိုးဥ ကို ဘားအံမြို့အနီးနားမှာ စိုက်ပျိုးမျိုးထုပ်သူရှိက မှာယူချင်ပါတယ် ဈေးနှင့်တစ်ကွ လိပ်စာပေးပါ 09427601674ပါ
အိသူဇာချို • ဖြေကြားချက် 1 ခု
TbL9မတ်ပဲမျိုးကို၁၁လပိုင်းလောက်ကြဲမယ်ဆိုအတင်ပြေနိုင်လား
Sawsamson • ဖြေကြားချက် 1 ခု
မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်
Sawsamson • ဖြေကြားချက် 1 ခု
trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်
Khing Hein • ဖြေကြားချက် 1 ခု
ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ
kyaw zin • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
အသံ
ကြီးမားပြင်းထန်လှသော စူပါအယ်လ်နီညိုကြောင့် လာမည့် ဖေဖော်ဝါရီလအထိ လူပေါင်း ၄၅၀,၀၀၀ ကျော် သေဆုံးနိုင်ဖွယ်ရှိကြောင်း ခန့်မှန်း
25/09/2026
ကောက်ရိုးစွန့်ပစ်ပစ္စည်းများကို မီးမရှို့ဘဲ လျှပ်စစ်ဓာတ်အားအဖြစ် ပြောင်းလဲရန် ကြိုးပမ်းသူ အိန္ဒိယလူငယ်
25/09/2026
ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ
24/09/2026
ဝူလုံသဘာဝရှုခင်းများကြားက သစ်တစ်ပင်နှင့် ဂေဟစနစ်ထိန်းသိမ်းရေးသင်ခန်းစာ
23/09/2026
ကျန်းမာရေးနှင့်ညီညွတ်သော အစာစားနည်းများ (အပိုင်း-၄)
22/09/2026
More from ဒေါ်နန်းထက်ထက်ချစ်
အားလုံး
ဈေးကွက်ကောင်းစောင့်ဆိုင်းလိုသည့်ကြက်သွန်စိုက်ပျိုးသူများအနေဖြင့် သိုလှောင်ရုံကိုစနစ်တကျပြုလုပ်သင့်
25/01/2022
စက်သုံးဆီဈေးနှုန်းများမြင့်တက်နေခြင်းသည် ကြက်သွန်ဈေးကွက်အပေါ် ရိုက်ခတ်မှုရှိနေ
21/01/2022
ကွမ်းသီးအစိုအခြောက်အရောင်းအဝယ်များ အမြဲမပြတ်ရှိနေပြီး ဈေးကွက်ပွင့်လန်းနေ
19/01/2022
ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ
18/01/2022
ဈေးကွက်တွင်း ငရုတ်သီးစုပြုံဝင်ရောက်ခြင်းကိုထိန်းချုပ်ရန် တစ်ချို့ဒေသများတွင် ငရုတ်သီးခူးဆွတ်မှု ရပ်ဆိုင်း
17/01/2022
