နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 162 အပင်အာဟာရ 295 စိုက်ပျိုးနည်း 396 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 846

သြဇာသီးစိုက်ပျိုးနည်း

Green Way • Greenovator • 12/08/2020

အင်္ဂလိပ်အမည်- Sugar Apple, Sweetsop, Custard Apple

အရသာကောင်းမွန်တဲ့သြဇာသီးကို ကမ္ဘာတစ်ဝန်းလုံးတွင် ကျယ်ကျယ်ပြန့်ပြန့်စိုက်ပျိုးကြပါသည်။ အပူပိုင်းဒေသကို ပို၍နှစ်သက်သည်။ ရေစီးကောင်းပြီး ပူနွေးစိုစွတ်သောမြေမျိုးတွင် ကောင်းစွာဖြစ်ထွန်းသည်။ ရေဝပ်ခြင်းဒဏ်ကို မခံနိုင်ပေ။ မိုးရေချိန်လက်မ (၄၀) ခန့်ရသောဒေသများတွင် ဖြစ်ထွန်းပြီး မိုးရေချိန်လက်မ (၈၀) ထက်ကျော်သော အရပ်ဒေသများတွင် စိုက်ပျိုးရန် မသင့်ပေ။

ပျိုးထောင်ခြင်း- အစေ့မှပျိုးထောင်ခြင်းနှင့် ကိုင်းဖြတ်ပင်များမှ ပျိုးထောင်ခြင်းဟူ၍ နှစ်နည်းရှိပါသည်။ အစေ့မှပျိုးထောင်ပြီးစိုက်ပျိုးလျှင် အပင်(၆)နှစ်သားတွင် စတင်သီးပြီး (၁၅) နှစ်သားတွင် သီးအားလျော့သွားတတ်သည်။ ကိုင်းဖြတ်၍သော်လည်းကောင်း မြေထုပ်စည်း၍သော်လည်းကောင်း စိုက်ပျိုးပါက (၂-၃) နှစ်သားတွင် အသီးစသီးပါသည်။ အစေ့မှပျိုးထောင်ပါက ပျိုးခင်းတွင် (၁) နှစ်သားအထိထားပြီး ကိုင်းဖြတ်များမှ စိုက်ပျိုးလျှင် ပျိုးခင်းတွင် (၃-၄) လမျှသာထားရှိပြီး စိုက်ခင်းသို့ မိုးဦးရာသီတွင် ပြောင်းရွေ့စိုက်ပျိုးနိုင်ပါသည်။

စိုက်ပျိုးခြင်း

စိုက်ကျင်းတစ်ကျင်းနှင့် တစ်ကျင်း ၈ ပေခြား စိုက်ကျင်းအကျယ် တစ်ပေနှင့် ၇ လက်မ၊ အနက် တစ်ပေထားပြီး စိုက်ပျိုးနိုင်ပါသည်။ သက်ကြီးပင်ဖြစ်ပြီး အမြစ်နက်နက်ဆင်းသောကြောင့် မြေအမျိုးအစားပေါ်မူတည်ပြီး ကျင်းကို ကျယ်ကျယ်တူးသင့်ပါသည်။ ကြက်ချေး ၁ ဆ၊ နွားချေး ၁ ဆ၊ စပါးခွံ ၂ ဆ၊ ဖွဲကြမ်း၂ ဆ၊ သစ်ရွက်ခြောက် ၁ ဆတို့ကို မြေဆွေးနှင့် ရေစပ်ထည့်ပြီး စိုက်ကျင်းတွင် သိပ်ထားပါ။ တစ်လလောက်သိပ်ပြီးလျှင် ပျိုးပင်ထည့်စိုက်ရန် အကောင်းဆုံးစိုက်ကျင်းကို ရရှိမှာဖြစ်ပါတယ်။ ပျိုးပင်စိုက်တဲ့နေရာတွင် ပင်ရင်းကို ရေမဝပ်အောင် ခပ်မို့မို့လေးမြေဖုံးပေးပါ။ စောင့်ရှောက်ထိန်းသိမ်းမှု လွယ်ကူစေရန် သြဇာပင်များကို တန်းစီ၍စိုက်ပျိုးသင့်သည်။

မြေသြဇာကျွေးခြင်း

မြေသြဇာကျွေးမည်ဆိုပါက ပင်ခြေမှ (၂) ပေခွာ၍ အပင်ပတ်လည် မြောင်းဝိုင်းလေးဖော်ပြီး ထည့်သွင်းပေးပါ။ ပန်းများစတင်ပွင့်သည့်နှစ်မှစ၍ နှစ်စဉ် တစ်နှစ်ထက်တစ်နှစ် ပင်ခြေမှ (၆) လက်မခန့်စီပို၍ ကွာဝေးသော မြောင်းဝိုင်းများအတွင်းသို့ မြေသြဇာများထည့်သွင်းကာ ရေလုံလောက်အောင်လောင်းပေးရမည်။

သြဇာသီးက သဘာဝမြေသြဇာများထည့်ပေးနိုင်လျှင် သီးနှုန်းကောင်းပြီး အသီးအရသာပိုကောင်းမွန်ပါသည်။ နွားချေး၊ ကြက်ချေး တစ်ပင်လျှင် ၃ ပိဿာနှုန်းဖြင့် အနည်းဆုံး ၆ လတစ်ကြိမ်ကျွေးပေးပါ။ အဏုဇီဝမြေသြဇာအရည်ကို ပုံမှန်လောင်းပေးရပါမည်။ မြေသြဇာကျွေးရာတွင်လည်း နည်းနည်းနှင့် မကြာမကြာပေးခြင်းသည် အပင်အတွက် ပိုကောင်းမွန်ပါသည်။

ရေပေးခြင်း

အစေ့မှစိုက်သောအပင်များကို နွေရာသီတွင် ရေလောင်းပေးရန် မလိုအပ်သော်လည်း ရံဖန်ရံခါလောင်းပေးရပါမည်။ ရေကို ပုံမှန်လောင်းပေးနေတာမျိုးမဟုတ်ပဲ မြေကြီးအစိုဓာတ်အရ ရေကိုဂရုတစိုက်လောင်းပေးရန် လိုအပ်ပါသည်။

အပင်ပြုစုခြင်း

အပင်အတက်မြန်စေရန် တစ်နှစ်တစ်ကြိမ်ဖြစ်စေ၊ နှစ်ကြိမ်ဖြစ်စေ မြေဆွပေးပါ။ အမြစ်သစ်များထွက်မည့်အချိန်တွင် မိုးရေချိန်နည်းပါက ရေလောင်းပေးရပါမည်။ ကိုင်းပြတ်များ၊ စိုက်၍ကြီးပြင်းလာသော အပင်ကြီးများကို လိုအပ်သလိုပြုပြင်နိုင်ပါသည်။ ကိုင်းဆက် စိုက်ပျိုးထားသောအပင်များတွင် ၂ နှစ်နှင့်သီးလာသော အသီးများကို မယူဘဲ ခြွေချပစ်ပြီး ၃ နှစ်မှ စတင်ယူပါ။ ၅ နှစ်အရွယ်လောက်ဆိုရင်တော့ အသီးလည်းကြီးပြီး ဈေးကောင်းရတဲ့အသီးများ ဖြစ်လာမှာပါ။

မလိုအပ်တဲ့ကိုင်းခြောက် အမှိုက်သရိုက်များကိုဖယ်ရှားပြီး သြဇာပင်ကို လေဝင်လေထွက်ကောင်းအောင် ပြုလုပ်ပေးရပါမည်။ မကောင်းသောအသီး၊ အသီးအသေးများကိုခူးပြီး ကောင်းသောအသီးများကိုသာ ချန်ထားပါ။ အသီးများ ပိုးမထိုးအောင် အသီးရင့်ပြီး မမှည့်ခင်တစ်လလောက်အလိုတွင် အိတ်ဖြင့် လိုက်စွပ်ပေးသင့်ပါသည်။

ပိုးမွှားရောဂါ

ဒဏ်ပိုးများသည် ပင်စည်ပေါ်၌ကျရောက်တတ်သည်။ ပိုးကျရောက်လျှင် အသီးအရောင်မှာ ပျက်သွားတတ်သည်။ ပိုးကျရောက်သည့်လက္ခဏာများ တွေ့ပါက ပိုးသတ်ဆေးများဖျန်းပေးနိုင်ပါသည်။

ကိုးကား- သီးပင်စိုက်ပျိုးဝင်ငွေတိုး အောင်ဝင်းထွဋ် စာအုပ်မှ ကောက်နုတ်ဖော်ပြပါသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မေဇင်ထွန်း

လွန်ခဲ့သော ၅ နှစ် က

ရပါတယ်။ စာထဲမှာလည်း ပါပါတယ်ရှင်။ ကိုင်းဖြတ်စစိုက်လိုလည်းရ မြေထုပ်စည်းပြီးစိုက်လည်းရပါတယ်တဲ့။

ငွေသိန်းထိုက်

လွန်ခဲ့သော ၅ နှစ် က

သဲမြေမှာဖြစ်လွန်းလား

ဦးမင်းထင်

လွန်ခဲ့သော ၅ နှစ် က

ကိုင်းဘယ်လိုကူးရသလဲ

ရဲမာန်

လွန်ခဲ့သော ၅ နှစ် က

အောင်လွင်စိုး

လွန်ခဲ့သော ၅ နှစ် က

သြောဇာပင်ကို သံပရာပင်လို ကိုင်းကူးလို့ရပါသလား

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

ခရမ်းပင်စိုက်ပျိုးနည်းလမ်းညွန်ပေးကြပါဗျာ ဆောင်းအမှီစိုက်ချင်လို့ဗျာ

စောလှထွန်း • ဖြေကြားချက် 1 ခု

မတ်ပဲခုတ်ဖုံးစနစ်နဲ့ထယ်ရေး ဘယ်ဟာကအစိုဓာတ်ပိုထိန်းလဲ သဲဆန်တဲ့မြေပါ သဘာဝမြေသြဇာလဲမထည့်ရဘူး

Sawsamson • ဖြေကြားချက် 2 ခု

နွေရာသ်ိစိုက်ပျိုးနည်း။

ေဌးလင်းဦး • ဖြေကြားချက် 1 ခု

မတ်ပဲပက်ထားတာစိတ်နေသလားလို့ဗျဘာလုပ်သင့်သလည်းဖြေပေးကြပါအုံး

ဦးဇာနည် • ဖြေကြားချက် 1 ခု

ရေဆင်းပေါ်ဆန်း(၂)ကြဲခင်းမှာ၇၀ရက်မှာအလံရွက်ထွက်နေပါတယ်

U Kyaw Win Htike • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ