သီးနှံအကြွင်းထည့် မြေဆီဩဇာထက်

Green Way • Greenovator • 03/01/2020

မြန်မာနိုင်ငံတွင် ရာသီဥတုပြောင်းလဲမှုများ ရင်ဆိုင်ကြုံတွေ့နေရပါသည်။ မိုးရွာသွန်းမှု မမှန်ခြင်း၊ အပူချိန်မြင့်မားခြးင်းတို့ကြောင့် သီးနှံများ ဖြစ်ထွန်းမှုနှင့် အထွက်နှုန်းကို လျော့နည်းစေပါသည်။ အဓိကအားဖြင့် မိုးနှောင်းနှင့် ဆောင်းရာသီသီးနှံများ အပင်ကြီးထွားမှု နောက်ပိုင်းကာလနှင့် မိုးရာသီသီးနှံများ မိုးရွာသွန်းမှုမမှန်သည့် အခြေအနေတွင် မြေတွင်းအစိုဓါတ်လျော့နည်းလာပြီး သီးနှံဖြစ်ထွန်းမှုကို ထိခိုက်လာကြောင်း တွေ့ရှိရမည် ဖြစ်ပါသည်။

ထို့ကြောင့် သီးနှံအကြွင်းအကျန်များ ပြန်လည်ထည့်သွင်းပေးခြင်း (သို့မဟုတ်) သီးနှံအကြွင်းအကျန်များပေါ်တွင် မျိုးစေ့ချကိရိယာ အသုံးပြု စိုက်ပျိုးခြင်းဖြင့် မြေဆီလွှာမှ ရေဆုံးရှုံးမှုသက်သာစေပြီး သီးနှံပင်အတွက် လိုအပ်သော အစိုဓါတ်ကို ထောက်ပံ့ပေးနိုင်မည် ဖြစ်ပါသည်။ သီးနှံအကြွင်းအကျန်များ ဖုံးအုပ်ပေးခြင်းကို အစက်ချရေသွင်းနည်းစနစ် (သို့မဟုတ်) ရေဖျန်းစနစ်တို့နှင့် တွဲဖက်စိုက်ပျိုးပါက စိုက်ပျိုးရေ လေလွင့်ဆုံးရှုံးမှု သက်သာစေပြီး သီးနှံအတွက် တိုးတက်မြင့်မားစေပါသည်။

သီးနှံအကြွင်းအကျန်များ ဖုံးအုပ်စိုက်ပျိုးခြင်းကို ထုတ်လုပ်မှုကုန်ကျစရိတ် မြင့်မားပြီး ဝင်ငွေပိုမိုရရှိလာစေနိုင်သော ဟင်းသီးဟင်းရွက် သစ်သီးဝလံ သီးနှံပင်များတွင် အဓိက အသုံးပြုသင့်ပါသည်။

ယာသီးနှံများတွင် သီးနှံအကြွင်းအကျန်များ ပြန်လည်အသုံးပြုမည်ဆိုပါက မျိုးစေ့ချကိရိယာကို အသုံးပြု၍ ထယ်ရေးမဲ့စိုက်ပျိုးသင့်ပါသည်။ အဓိကအားဖြင့် ပြောင်းဖူးသီးနှံကို ပထမစိုက်ပျိုးပြီး ဒုတိယဆောင်းသီးနှံကို စိုက်ပျိုးပါက အပင်ဖြစ်ထွန်းစေပါသည်။ အဘယ်ကြောင့်ဆိုသော် ပြောင်းဖူးပင်သည် အဖူးခူးဆွတ်ပြီးပါက အပင်သေဆုံးသွားပြီဖြစ်၍ ဒုတိယသီးနှံအား အနှောင့်အယှက် မဖြစ်စေပါ။ သို့မဟုတ်ပါက ပထမသီးနှံပြန်လည်ရှင်သန်၍ အဆိုပါသီးနှံသည် အဓိကစိုက်ပျိုးသော ဒုတိယသီးနှံအတွက် ပေါင်းမြက်ဖြစ်စေပြီး ၎င်းကို ရှင်းလင်းရမည့် ကုန်ကျစရိတ် ရှိလာမည်ဖြစ်သည်။

သီးနှံအကြွင်းအကျန်များကို ရေရှည်ပြန်လည်အသုံးပြုပါက အပင်အာဟာရဓါတ် တိုးများစေခြင်း၊ မြေတွင်းရုပ်ဂုဏ်သတ္တိများ တိုးပွားစေခြင်း၊ မြေ၏ ချဥ်ငန်ဓါတ်ကို ထိန်းညှိပေးနိုင်ခြင်း၊ မြေ၏ ရေထိန်းစွမ်းအား ပိုမိုကောင်းမွန်စေခြင်း၊ မြေ၏သိပ်သည်းဆကို လျော့နည်းစေခြင်း၊ သီးနှံအကြွင်းအကျန်များ ဆက်တိုက်ရေရှည်အသုံးပြုပါက နောက်ပိုင်းတွင် ပေါင်းမြက်ပေါက်ရောက်မှု လျော့နည်းလာစေပြီး၊ ထယ်ထိုး ထွန်မွှေခြင်းမပြုဘဲ သီးနှံများ စိုက်ပျိုးနိုင်မည်ဖြစ်ပါသည်။ သီးနှံအကြွင်းအကျန်များ ဖုံးအုပ်ပေးမည် ဆိုပါက အထူ(၃-၅ လက်မ) ခန့် ဖုံးအုပ်ပေးရမည်ဖြစ်ပြီး တန်ချိန်အားဖြင့် (၃-၅)တန်ကြား ထည့်ပေးရမည်။

စိုက်ပျိုးရေ အကန့်အသတ်သာရရှိသော (မိုးရေသောက်) ဒေသများတွင် ရွာသွန်းသော မိုးရေကို မြေတွင် ရေရှည်ထိန်းသိမ်းနိုင်ရန်အတွက် သီးနှံရိုးပြတ်များ ဖုံးအုပ်ပေးခြင်းသည် သီးနှံပင်များ ဖြစ်ထွန်းအောင်မြင်စေနိုင်သော နည်းလမ်းဖြစ်ပါသည်။ ရေအကျိုးထိရောက်မှု မြင့်မားစေပြီး မြေဆီလွှာမှ ရေငွေ့ပျံမှု လျော့နည်းစေပါသည်။ သို့သော် သီးနှံရိုးပြတ်များတွင် ရောဂါပိုးမွှားများ ပါရှိနိုင်သောကြောင့် သဘာဝမတူသောသီးနှံများ အလှည့်ကျစိုက်ပျိုးပေးရမည်။ တစ်ဖန် သီးနှံများ အလှည့်ကျစိုက်ပျိုးခြင်းသည်လည်း မြေတွင်းအာဟာရဓါတ်အချိုးကို ညီမျှစေပါသည်။ သီးနှံအကြွင်းအကျန်များကို ဖုံးအုပ်ပေးခြင်းဖြင့် မိုးသည်းထန်စွာရွာသွန်းချိန်တွင် မြေဆီလွှာရေတိုက်စားခြင်ံးမှ ကာကွယ်ပေးနိုင်ပြီး အာဟာရဓါတ်ပြည့်ဝသော အပေါ်ယံမြေလွှာများ ဆုံးရှုံးမှု လျော့ပါးစေပါသည်။ ထို့ပြင် ပေါင်းမြက်ပေါက်ရောက်မှု (၇၀%)ခန့် သိသာစွာ လျော့နည်းစေပါသည်။

အကျိုးကျေးဇူးများ

- မြေတွင်းအစိုဓါတ်ကို ပိုမို ထိန်းသိမ်းနိုင်ပါသည်။

- ရေရှည်အသုံးပြုပါက အပင်အာဟာရဓါတ် တိုးပွားစေနိုင်ပါသည်။

- မြေဆီလွှာရုပ်ဂုဏ်သတ္တိကို မြင့်တင်ပေးနိုင်ပါသည်။

Source - တောင်သူအတွက်မှာနည်းပညာ (DAR) စာအုပ်မှ ကောက်နှုတ်ဖော််ပြပါသည်။

ဆက်စပ်ဆောင်းပါးများ

မြေဆီလွှာ

ကျန်းမာကောင်းမွန်သော မြေဆီလွှာရရှိရန်အတွက် ဒေသရင်း အဏုဇီဝသက်ရှိများ (IMO) ကို အသုံးချခြင်း (▶️ ဗွီဒီယို)

Green Way

မြေဆီလွှာ

မောင်နီတို့ ဆီမှာ ပျိုးဘောင်ပြင်တာလေးရှိတယ်ဟုတ် စနစ်ကျကျဆို ဘယ်လိုပြင်ရတာလဲ

Htunn Winn Kyaw

မြေဆီလွှာ

သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)

Green Way

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

ကြက်ချေးနွားချေး၄၀ရာခိုင်နှုန်း စပါးခွံ၄၀ရာခိုင်နှုန်း ပြာ၂၀ရာခိုင်နှုန်းemပွားရည်နဲ့ ဖွဲနု၁၀၀ပြည်နဲ့လုပ်ထားတယ် ၄ခါလှ်တယ် သူက၃၅ရာခိိုင်နှုန်းလျှော့တယ်မဲတယ် အပူကင်းပြီ မြေနံ့ရ မြေဆွေးဖြစ်ပြီးလား အပင်သိသာအောင်ဘယ်လိုသုံးရမလဲ လုပ်ရောင်းဖို့ကြိုးစားနေတာ

ဇေယျာဟိန်း • ဖြေကြားချက် 4 ခု

မြေချဉ်ငန်ကိန်း5.1မြေကို ပြင်ချင်လို့ ဒိုလိုမိုက်ဘာ်လောက်kgသုံးရမလဲ

phyo lay • ဖြေကြားချက် 2 ခု

ပြောင်စိုက်ဖို့ထယ်ကြောင်းဆွဲပြီး..သဘာဝမြေသြဇာရယ်..ဂျစ်ဆပ်ကျောက်မှုန့်ရယ်..ငါးအမိုင်နို.အာ့သုံးမျိုးရေပြီးမြေခံအဖြစ်ထည့်သုံးလို့ရလားဗျ..

kyaw min latt • ဖြေကြားချက် 2 ခု

မင်္ဂလာပါခင်ဗျာ ကျွန်တော် ဒီတခါ သိချင်တာက ကျနော့် ငရုတ်ခင်းက ပုလဲဓါတ် ပိုသုံးလိုက်လို့ အပင်ခြေက မြေမာလာပါတယ် အဲဒါ ကျောက်မှုန့်ကို အပင်ခြေကို ထည့်လို့ရသလား သိချင်လို့ပါ ဖြေပေးကျပါဦး ခဗျ

Aung Aung • ဖြေကြားချက် 1 ခု

ခြံကမြေကြီးမှာပုံထဲကပိုကောင်တွေရှိနေတာအပင်တွေရဲကောင်ကြိုဆိုကြိုသိခြင်ပါတယ်သိတဲဆရာများဖြေးပေကြပါ

ဇင်မင်းကို • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ