အမေးအဖြေ

@လက်တွေ့တောင်သူ အခု ၂၀၂၆ ခုနှစ် ဆောင်းပဲရာသီမှာ ပဲတီစိမ်းဈေးကောင်းရနိုင်ခြေ ရှိနေပါတယ်။ မြန်မာ့ပဲတီစိမ်းကို အဓိကဝယ်ယူတဲ့ တရုတ်ဈေးကွက်မှာ ဝယ်လိုအား ပုံမှန်ရှိနေသလို၊ မိုးနှောင်းပိုင်း ရာသီဥတုဖောက်ပြန်မှုတွေကြောင့် ပဲအထွက်နှုန်း လျော့ကျနိုင်ခြေရှိတာက ဈေးကွက်အတွက် အခွင့်အလမ်းကောင်း ဖြစ်နေပါတယ်။ ဒါပေမဲ့ တရုတ်ဝယ်လက်တွေဘက်က ပိုးသတ်ဆေးဓာတ်ကြွင်း စစ်ဆေးမှုကို အထူးတင်းကျပ်ထားပါတယ်။ ဒါကြောင့် အခု အပင်သက်တမ်း ၁၅ ရက်သားကစပြီး ဓာတုဆေးဝါးတွေကို လိုအပ်တာထက် ပိုမသုံးဘဲ အရည်အသွေးကောင်းအောင် ဂရုစိုက်စိုက်ပျိုးနိုင်မယ်ဆိုရင် ထိပ်စဈေးကောင်း ရရှိမှာ သေချာပါတယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

hymexazol သို့မဟုတ် fosetyl -al ပါတာ ဘယ်လိုဆေးတေလဲဗျ ကူညီပါ

@Khing Hein ထုံးကန့်ဆေးရည် သည် ထိသေမှိုသတ်ဆေး ဖြစ်သောကြောင့် ဒေါင်းနီးနှင့် တောက်တဲ့မြီးရောဂါတို့ကို ကြိုတင်ကာကွယ်ရန်နှင့် ရောဂါအစပျိုးချိန်တွင်သာ ထိန်းချုပ်နိုင်ပြီး ရောဂါပြင်းထန်နေပါက တစ်မျိုးတည်းဖြင့် အပြည့်အဝ မနိုင်ပါဘူး။ သို့သော် မှိုဆဲလ်များကို နေရာစုံမှ တိုက်ခိုက်နိုင်သဖြင့် ဆေးယဉ်ပါးမှု ဖြစ်ပေါ်ခြင်း မရှိသလောက် နည်းပါးပါတယ်။စိုက်ခင်းစီမံခန့်ခွဲမှုအနေဖြင့် ဂျီဗာမရူသမ်နှင့် ဓာတ်မြေဩဇာ တွဲသုံးခြင်းမှာ အလွန်ကောင်းမွန်သော်လည်း ပုလဲမြေဩဇာကို လျှော့ကျွေးပြီး ပိုတက်ရှ်နှင့် ကန့်ဓာတ်ကို ဦးစားပေးရပါမယ်။ လှေးပိုးအတွက် နွားသေးနှင့် မီးခိုးပေါင်းခံရည် ဖျန်းရာတွင် ထုံးကန့်ဆေးနှင့် လုံးဝ ရောမဖျန်းရဘဲ အနည်းဆုံး ၅ ရက်မှ ၇ ရက် ခြားရပါမယ်။ ထို့အတူ မြေဆောင်မှိုအတွက် ထရိုင်ကိုဒါးမားကိုလည်း ထုံးကန့်ဆေးနှင့် ရက်ခြား၍ အသုံးပြုရမည်ဖြစ်ပြီး ပေါင်းသတ်ဆေး ဖျန်းပြီးခါစတွင် အပင်အားဆေး သို့မဟုတ် ဂျီဗာမရူသမ် ဖျန်းပေးခြင်းဖြင့် အပင်စိတ်ဖိစီးမှုကို လျှော့ချနိုင်ပါလိမ့်မယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@Htet Linn Oo မနက်ပိုင်းပဲကြဲပြီး ညနေပိုင်း မိုးမိထားတဲ့ ၁၀ ရက်သား ပဲတီစိမ်းခင်းအတွက် အရေးအကြီးဆုံးကတော့ ရေမဝပ်အောင် ရေထုတ်မြောင်းလေးတွေ ဖောက်ပေးဖို့ပဲ ဖြစ်ပါတယ်။ မိုးရေကြောင့် မြေမျက်နှာပြင် ကျစ်ခဲသွားနိုင်တာမို့ အစိုဓာတ် အနည်းငယ်လျော့သွားချိန်မှာ အပင်ခြေရင်းကို ခပ်ဖွဖွ မြေဆွပေးရပါမယ်။ ဒါ့အပြင် အစိုဓာတ်များလွန်းလို့ အမြစ်ပုပ်၊ ခါးရိရောဂါတွေ မဝင်ရအောင် ကာဘန်ဒါဇင် (Carbendazim) သို့မဟုတ် Hymexazol သို့မဟုတ် Foestyl Al သို့မဟုတ် Thiophanate methyl လို မှိုသတ်ဆေးတစ်မျိုးမျိုးကို အပင်ခြေစိုရွှဲအောင် ဖျန်းပေးသင့်ပါတယ်။ အပင်လေးတွေ မိုးဒဏ်ကြောင့် စိတ်ဖိစီးမှု ပြေပျောက်ပြီး အမြစ်ထွက်အားကောင်းစေဖို့အတွက် ဟူးမစ်အက်ဆစ် (Humic Acid) သို့မဟုတ် ပင်လယ်ရေမှော် (Seaweed extract)ပါတဲ့ ရွက်ဖျန်းအားဆေးကို (ဥပမာ- နိုက်ထရိုဂျင်၊ ဖော့စဖရပ်၊ ပိုတက်စီယမ် မျှတစွာပါဝင်သော NPK ရွက်ဖျန်း အားဆေးဖြင့်တွဲဖျန်းပေးနိုင်ပြီး၊ ယူရီးယားလို မြေဩဇာတွေ တိုက်ရိုက်ကျွေးတာကိုတော့ ခဏဆိုင်းထားရပါမယ်။ နေပြန်ပွင့်လာချိန်မှာ ကျရောက်တတ်တဲ့ ပင်စည်ထိုးယင်နဲ့ ယင်ဖြူလို စုပ်စားပိုးတွေကိုလည်း စစ်ဆေးပြီး လိုအပ်ရင် ပိုးသတ်ဆေး သုံးနိုင်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@Saw Samson Fipronil + Acetamiprid အရောဆေးသည် ပွင့်ထွေးပိုး (ခူကောင်) အတွက် အဓိကဆေးမဟုတ်သောကြောင့် အကိုင်းထဲနှင့် အထွေးထဲဝင်နေသော ပွင့်ထွေးပိုးများကို ထိရောက်စွာ မသေစေနိုင်ပါဘူး။ ထိုဆေးအရောသည် ပျပိုး၊ ယင်ဖြူ၊ လှေးပိုးနှင့် ဖြုတ်ပိုးကဲ့သို့သော စုပ်စားပိုးများအတွက်သာ အဓိကထိရောက်ပါတယ်။ ပွင့်ထွေးပိုး အနည်းငယ်မျှသာ သေနိုင်ပြီး အကိုင်းထဲရှိ ပိုးကောင်ကြီးများ ဆက်လက်ကျန်ရှိနေနိုင်ပါတယ်။ ထို့ကြောင့် ဆေးဖျန်းပြီး ၃ ရက်မှ ၅ ရက်ခန့် စောင့်ကြည့်ပြီးနောက် ပိုးမသေဘဲ အညွန့်များ ဆက်လက်အထွေးခံနေရပါက ကိုက်ဖြတ်ပိုးသတ်ဆေး စစ်စစ်ဖြစ်သော Chlorantraniliprole၊ Emamectin Benzoate သို့မဟုတ် Flubendiamide ပါဝင်သည့် ဆေးတစ်မျိုးမျိုးကို ပြောင်းလဲဖျန်းပေးရပါမယ်။

@Mg Aung ko min ကြက်သွန်ပျိုးပင်ငယ်လေးတွေ မိုးမိထားတဲ့အခါ မြေအစိုဓာတ် များသွားတာကြောင့် အပင်အရင်းပုပ်ပြီး ကျိုးကျတဲ့ ခါးရိရောဂါ (Damping-off) ကျရောက်နိုင်ခြေ အရမ်းများပါတယ်။ ဒါ့အပြင် မိုးရေရိုက်ထားလို့ မြေသားကျစ်သွားပြီး အမြစ်တွေ အောက်ဆီဂျင်ပြတ်ကာ အပင်ယိုင်လဲတာ၊ ကြီးထွားမှု နှေးကွေးတာတွေ ဖြစ်လာနိုင်ပါတယ်။ ဒါကြောင့် မိုးတိတ်တာနဲ့ Foestyl Al သို့မဟုတ် Hymexazol သို့မဟုတ် Thiophanate methyl သို့မဟုတ် ကာဘန်ဒါဇင် (Carbendazim) လို မှိုသတ်ဆေး တစ်မျိုးမျိုးကို ကြိုတင်ကာကွယ်တဲ့အနေနဲ့ အပင် ခြေချက်ချင်း ဖျန်းပေးသင့်ပါတယ်။ တစ်ဆက်တည်းမှာပဲ ပျိုးဘောင်ဘေးမှာ ရေမဝပ်အောင် ရေထုတ်မြောင်း ဖောက်ပေးတာ၊ မိုးထပ်ရွာရင် ပလတ်စတစ်အကြည်နဲ့ ယာယီမိုးပေးတာတွေ လုပ်ဆောင်ရပါမယ်။ အပင်လေးတွေ နုနယ်နေသေးတဲ့ ဒီလိုအချိန်မှာ ယူရီးယား (ပုလဲ) မြေဩဇာကို လုံးဝ မကျွေးဘဲ ရှောင်ထားဖို့ အထူးသတိပြုရပါမယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@သော်ဇင် ပုံပါကဘာရောဂါလည်းဗျ