ဒီနှစ် ကြက်သွန်နီစိုက်ခင်းကို အပင်အဟာရအတွက် ဂျီဗာမရူသမ်နဲ့ ဓာတ်မြေဩဇာတွဲ လှေးပိုးအတွက် သဘာဝပိုးသတ်ဆေးများ အထူးသဖြင့် နွားသေး+မီးခိုးပေါင်းခံရည် မှိုရောဂါအတွက် ထရိုင်ကိုဒါးမားနဲ့ ထုံးကန့်ဆေးရည်(ထုံးကန့်ဆေးက ဒေါင်းနီးနဲ့ တောက်တဲ့မြှီးကို ကောင်းကောင်းနိုင်လား ဒီမှိုရောဂါကို မနိုင်မှာ စိုးလို့ပါ ဒါကို အဓိက သိပါရစေဆရာ ပြီးတော့ ထုံးကန့်ဆေးက ဆေးယဥ်ပါးမှုဖြစ်တက်ပါသလား) ပေါင်းပင်အတွက်တော့ ပေါင်းသတ်ဆေး သုံးဖြစ်မယ်ထငိပါတယ်

@Khing Hein ထုံးကန့်ဆေးရည် သည် ထိသေမှိုသတ်ဆေး ဖြစ်သောကြောင့် ဒေါင်းနီးနှင့် တောက်တဲ့မြီးရောဂါတို့ကို ကြိုတင်ကာကွယ်ရန်နှင့် ရောဂါအစပျိုးချိန်တွင်သာ ထိန်းချုပ်နိုင်ပြီး ရောဂါပြင်းထန်နေပါက တစ်မျိုးတည်းဖြင့် အပြည့်အဝ မနိုင်ပါဘူး။ သို့သော် မှိုဆဲလ်များကို နေရာစုံမှ တိုက်ခိုက်နိုင်သဖြင့် ဆေးယဉ်ပါးမှု ဖြစ်ပေါ်ခြင်း မရှိသလောက် နည်းပါးပါတယ်။စိုက်ခင်းစီမံခန့်ခွဲမှုအနေဖြင့် ဂျီဗာမရူသမ်နှင့် ဓာတ်မြေဩဇာ တွဲသုံးခြင်းမှာ အလွန်ကောင်းမွန်သော်လည်း ပုလဲမြေဩဇာကို လျှော့ကျွေးပြီး ပိုတက်ရှ်နှင့် ကန့်ဓာတ်ကို ဦးစားပေးရပါမယ်။ လှေးပိုးအတွက် နွားသေးနှင့် မီးခိုးပေါင်းခံရည် ဖျန်းရာတွင် ထုံးကန့်ဆေးနှင့် လုံးဝ ရောမဖျန်းရဘဲ အနည်းဆုံး ၅ ရက်မှ ၇ ရက် ခြားရပါမယ်။ ထို့အတူ မြေဆောင်မှိုအတွက် ထရိုင်ကိုဒါးမားကိုလည်း ထုံးကန့်ဆေးနှင့် ရက်ခြား၍ အသုံးပြုရမည်ဖြစ်ပြီး ပေါင်းသတ်ဆေး ဖျန်းပြီးခါစတွင် အပင်အားဆေး သို့မဟုတ် ဂျီဗာမရူသမ် ဖျန်းပေးခြင်းဖြင့် အပင်စိတ်ဖိစီးမှုကို လျှော့ချနိုင်ပါလိမ့်မယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ