တမာပိုးသတ်ဆေးကဆိုင်မှာဝယ်ရတာလားကိုယ့်ဘာသာလုပ်ကတာလားဗျကို့ဘာသာလုပ်ကတယ်ဆိုနည်းလမ်းလေးမစပါဆရာတို့

တမာပင်က ပိုးသတ်ဆေးလုပ်ဖို့ သင့်တေယ်တဲ့ အပင်တစ်မျိုးပါ။အစေ့ထဲက ထွက်တဲ့ အဆီ၊ အစေ့ခြောက်မှုန့်၊ အရွက်၊ အခေါက် အကုန်လုံး အသုံးပြုနိုင်ပါတယ်။ အလွယ်ကူဆုံး အရွက်မှ ပိုးသတ်ဆေးလုပ်နည်းလေး ဖော်ပြပါမယ်။ (၁) တမာရွက် ၂ ပိဿာခန့်ခူးပါ။ (၂) တမာရွက်တွေကို နုတ်နုတ်စင်းပါ။ (၃) တမာရွက်များကို ရေ ၄ ဂါလံဖြင့် အဖုံးပါ ပုံးတွင်စိမ်ပါ (၄) တမာရွက်စိမ်ရည်ကို ၃ ရက်ထားပါ။ (၅) တမာရွက်စိမ်ရည်ကို ပိတ်ပါးသို့မဟုတ် ရေစစ်ဖြင့်စစ်ယူပါ။ (၆) တမာရွက်စိ်မ်ရည် ထဲသို့ အိမ်သုံးစားဆီ ဘာဆီဖြစ်ဖြစ် ၆ ကျပ်သား၊ ပန်းကန်ဆေးဆပ်ပြာရည် ၆ ကျပ်သား ခန့်မှန်းပြီးထည့်ပါ။ (၇) တမာဆေးရွက်စိမ်ရည်အရောအနှောကို ရေ ၄ ဂါလံဖြင့် ရောပြီး ဆေးအဖြစ် ပက်ဖျန်း အသုံးပြုနိုင်ပါသည်။ သတိပြုရန်မှာ ဆေးဖျန်းသည်နှင့် ပိုးများ ချက်ခြင်းသေမည်မဟုတ်ပါ။ အစားပျက်၊ ပေါက်ဖွားမှု လျှော့ကျခြင်းဖြင့် သီးနှံခင်းများကို ကာကွယ်နိုင်မည်ဖြစ်ပါသည်။ ပိုးများ၏ ဘဝစက်ဝန်းမှာ ၁၅-၄၅ ရက်ဖြစ်သောကြောင့် တစ်ပတ်တစ်ကြိမ် ဆေးဖျန်းပေးခြင်းဖြင့် ထိရောက်စေပါမည်။ ကုန်ကျစရိတ်လည်းသက်သာပြီး အန္တရာယ်ကင်းရှင်းမှာပါ။