အပင်တွေသေနေလို့ပါ

နှမ်းမှာအဖြစ်များတာက ဖျူစေရီယမ်ပင်ညှိုးရောဂါပါ။ ရောဂါကျရောက်ရင် အရွက်ရဲ့အပြင်ဖက်ကနေစဝါပြီးညှိုးကျလာတတ်ပါတယ်။ ရောဂါပြင်းထန်ရင် အရွက်တွေကြွေပြီး ခြောက်သွားတတ်ပါတယ်။ ရောဂါမပြင်းထန်သေးရင် တစ်ခြမ်းကညှိုးနေတာကိုတွေ့ရတတ်ပါတယ်။ အမြစ်ပုပ်တဲ့လက္ခဏာတွေလည်းဖြစ်ပါတယ်။ လူကြီးမင်းရဲ့အပင်အခြေအနေအရ အပေါ်ကအချက်တွေနဲ့ ကိုက်ကြည့်ပါ။ ညှိုးကျပြီးသေနေတဲ့အပင်တွေကို မီးရှို့ဖျက်ဆီးပစ်ဖို့လိုပါတယ်။ ကာကွယ်နှိမ်နင်းမှုအနေနဲ့ ဒီရောဂါခံနိုင်ရည်ရှိတဲ့ နှမ်းမျိုးကို စိုက်ပါ။ နှမ်းမျိုးစေကို ထရိုင်ဂိုဒါးမား ဒါမှမဟုတ် ကာဘင်ဒါဇင် ဒါမှမဟုတ် သိုင်ရမ် ကို ဆေးဘူး/အိတ်ပါ အညွှန်းစာအတိုင်း လူးနယ်စိုက်ပျိုးပါ။ အခြားသီးနှံတွေနဲ့ သီးလှည့်စိုက်ပါ။ နွေရာသီမှာ ထယ်ရေးနက်နက်ထိုးပါ။ တစ်ဧကလျှင် မြေဆွေး (၅) တန်နှုန်း ထည့်ပါ။ တစ်ဧကလျှင် မြေဆွေး (၂၀) ကီလိုဂရမ်ကို ထရိုင်ဂိုဒါးမား (၁၀) ကီလိဂရမ်နှုန်းရောစပ် ကြဲပက်ပါ။ ပင်ညှိုးရောဂါကျရောက်နေပြီဆိုရင် နောက်နှစ်တွေမှာ နှမ်းမဟုတ်တဲ့မျိုးရင်းမတူတဲ့အပင်တွေကိုစိုက်ပျိုးပေးဖို့လိုပါတယ်။