ကျနော့်ဖရုံပင်လေးတွေမှာ အစွန်ဆုံးအပင်ကအကြီးဆုံးကနေ ယခု ဆက်မတက်တော့ပါ။ သူ့နောက်ကအပင်တွေကကျော်တက်သွားကြပါပြီ။ အညွန့်လေးတွေက အရောင်ဖျော့တော့တော့ဖြစ်နေပါတယ်။ အပင်အလယ်လောက်ကအရွက်ကြီးကိုသေချာကြည့်တော့ အဝါကွက်လေးတွေတွေ့ရပါတယ်။ အပင်ဆက်ကြီးထွားအောင် ဘယ်လိုလုပ်ပေးရမလဲ? ရောဂါကျတာဆိုရင်ရော ဘယ်လိုဖြေရှင်းရမလဲ ဆွေးနွေးပေးကြပါခင်ဗျ။ စီးပွားဖြစ် စိုက်ပျိုးခြင်းတော့မဟုတ်ပါဘူး

ဟုတ်ကဲ့ အပင်ပုံပြထားပါတယ်။ ပိုသေးနေတဲ့ အပင်ပါခင်ဗျ

အပင်ပုံကို ဓာတ်ပုံရိုက်ပြရင်ပိုပြီးသိနိုင်ပါလိမ့်မယ် ဘောင်တင်ပြီးစိုက်တာဆိုရင် အစွန်ဆုံး အပင်ရဲ့အမြစ်က ရှေ့ဆက်သွားစရာမရှိဘူး အစာလည်းသိပ်မရဘူး ဒါကြောင့်သိပ်ပြီး မကြီးထွားနိုင်ဘူး အခုအရွက်ပုံမှာ အနည်းငယ်ဝါနေတယ် မြေသြဇာအရည်လောင်းပေးလည်းရင်အပင်သန်လာပါလိမ့်မယ် အဝါအပျောက်လေးတွေက မှိုရောဂါကျတော့မယ်လို့ယူဆရပါတယ် ၁ ရက် ၂ ရက် စောင့်ကြည့်ပြီး ပိုဝါလာတယ်ဆိုရင် အခြားအပင်တွေမကူးအောင် မှိုသတ်ဆေးတစ်မျိုးမျိုးတော့ဖျန်းပေးရပါမယ် စီးပွားဖြစ်မဟုတ်ဘဲ အိမ်စားဖို့အတွက်ဆိုရင် ဆေးမဖျန်းဘဲ အဝါရွက်တွေကို ကတ်ကြေးနဲ့ညှပ်ပြီးဖယ်ရှားလိုက်ပါ (အဆင်ပြေပါစေ)