နွားမများ မျိုး ရှိမရှိမည့်သို့သိနိုင်သလဲဗျ

မျိုးနွားမ ကိုယ်ဝန်ရှိမရှိ မည်သို့ဆုံးဖြတ်နိုင်မည်နည်း ============================================= မျိုးနွားမ၏ မွေးဖွားမှုကာလပတ်သည် အနည်းငယ်ရှည်လျားသည်။ ကိုယ်ဝန်ဆောင်ကာလပင် ရက်ပေါင်း(၂၈၂) ရက်ခန့်ရှိပါသည်။ ဤကာလအတွင်း ပြဿနာတစ်ခုခုဖြစ်ပွားလျှင် မွေးမြူရေးလုပ်ကိုင်သူများသည် တစ်နှစ်ပတ်လုံး ကြိုးစားမှုမှာ အလဟတ ဖြစ်သွားနိုင်သည်။ ထို့ကြောင့် မျိုးနွားမကိုယ်ဝန်ဆောင်ကာလ၏ အစာကျွေးမွေးမှုဆိုင်ရာ စီမံခန့်ခွဲမှုသည် အလွန်အရေးကြီးသည်။ မျိုးနွားမကိုယ်ဝန်ရှိမရှိကို မည်သို့ ဆုံးဖြတ်နိုင်မည်နည်း။ ၁။ မျိုးနွားမ၏ မြိုင်လာသောကာလပတ်မှာ(၂၁)ရက်ဖြစ်သည်။ မျိုးစပ်ပြီး(၂၁)ရက်နောက်ပိုင်းတွင် ပြန်လည်မြိုင် လာခြင်း မရှိပါက မျိုးနွားမကိုယ်ဝန်ရှိကြောင်း ကနဦး ဆုံးဖြတ်နိုင်ပါသည်။ ၂။ မျိုးနွားမကိုယ်ဝန်ဆောင်ပြီးနောက်လက္ခဏာများမှာ ငြိမ်သပ်၍ လဲလျောင်းသော အနေအထားကို နှစ်သက် သည်။ အစာစားလိုစိတ် မြင့်လာပြီး အဆီတိုးများလာမည်ဖြစ်သည်။ ၃။ မျိုးနွားမ မျိုးစပ်ပြီး (၃၀-၄၀)ရက်ခန့်တွင် အကယ်၍ ကိုယ်ဝန်ဆောင်ပါက မျက်ဆန်၏ အပေါ်တည့်တည့်တွင် သိသာထင်ရှားသော ဒေါင်လိုက်သွေးကြောင်းသုံးကြောင်းရှိမည်ဖြစ်သည်။ မျက်နက်ဝန်းထက် ဖောင်းနေပြီး ခရမ်းနီ ရောင်ဖြစ်နေမည်။ ကိုယ်ဝန်မရှိသော မျိုးနွားမ၏မျက်ဆန်အပေါ်တည့်တည့်ရှိ သွေးကြောမှာ သေးငယ်၍ အရောင် ဖျော့မှိန်ကာ မသိသာချေ။ ဤနည်းများ သုံးသပ်၍ ဆုံးဖြတ်ခြင်းသည် တိကျမှန်ကန်နှုန်းမြင့်မားစေမည်ဖြစ်သည်။ ၄။ မျိုးနွားမ မျိုးစပ်ပြီး ရက်ပေါင်း(၄၀-၆၀)တွင် အူမကြီးမှတစ်ဆင့် ကိုယ်ဝန်ရှိမရှိ စစ်ဆေးနိုင်မည်ဖြစ်သည်။ အူမ ကြီး စစ်ဆေးမှုမှတစ်ဆင့်နွားမ၏ သားပွားဥအိမ်ပြောင်းလဲခြင်းနှင့် နွားသားပေါက်ကြီးထွားမှုအခြေအနေကို သိရှိနိုင်ပါ သည်။ ၅။ တိရစ္ဆာန်သုံးB-mode ultrasound ရှိသောနွားမွေးမြူရေးခြံများတွင် B-mode ultrasound စစ်ဆေးခြင်းဖြင့် မျိုးနွားမ ကိုယ်ဝန်ရှိမရှိကို ဆုံးဖြတ်နိုင်ပါမည်။ ထို့အပြင် နွားမကိုယ်ဝန်ရှိမရှိစစ်ဆေးနိုင်သော စမ်းသပ်စက္ကူကို ဝယ်ယူ၍ လည်း စစ်ဆေးနိုင်မည်ဖြစ်သည်။ Kuai le yang zhi မှကောက်နုတ်ဖော်ပြသည်။