EMနဲ့ထရိုင်ကိုဓါးမား သုံးစွဲတဲ့အညွန်းတိတိကျကျရှိပါသလားခင်ဗျ ဥပမာ EM ကိုမျိုးစေ့စိမ်တဲ့နေရာမှာနံပါတ်ဘယ်လောက်သုံးပြီးရေဘယ်နှဆရောရတာမျိုး ထရိုင်ကိုဓါးမားကိုလည်းဘယ်လိုပွားပြီးပွားပြီးသားကိုရေဘယ်နှဆရောပြီးဖျန်းရတာမျိုးပေါ့EMကို မွေးမြူရေးခြံတွေမှာဖြည့်စွက်စာ အနံ့အသက်ပျောက်အောင် သုံးလို့ရသလို ပေါင်းပင်ပါးအောင်ထည်မထိုးခင်ဖျန်းလို့ရသလို မြေပြင်ရာမှာလည်းသုံးလို့ရတယ် ကြားဖူးသလို ဘိုကာချီမြေ​ဆွေးပြုလုပ်တဲ့နေရာမှာလည်းသုံးလို့ရတယ်လို့ကြားဖူးတယ်ဗျ

ဟုတ်ကဲ့ကျေးဇူးပါ

အီးအမ်ပြင်းဆိုတာက EM 2 ကိုဆိုလိုတာပါ။ အသင့်သုံး EM က EM 3 ပါ။

အသင့်သုံး အီးအမ်ဆိုတာက EM အီးအမ်ပြင်း (EM Concentrate) ၁ ဆ တင်လဲရည် ၄ ဆ ရေ ၉၅ ဆကို ပုလင်း (သို့မဟုတ်) ပုံးထဲထည့် လေလုံအောင်ပိတ်ပြီး အေးမြခြောက်သွေ့တဲ့နေရာမှာ ထားရတာပါ။ ၁ ရက်ကို ၁ ကြိမ် သမအောင်လှုပ်ပေးရပါတယ်။ ဓာတ်ငွေ့ထွက်လာရင် အဖုံး ခဏဖွင့်ပြီး လေလုံအောင်ပြန်ပိတ်ရပါတယ်။ ၃ - ၄ ရက်ကြာရင် ဝါညိုရောင်ပြောင်းပြီး အသုံးပြုလို့ရပါပြီ။ အသင့်သုံးအီးအမ်က အာနိသင်ထိရောက်ဖို့အတွက် ပြုလုပ်ပြီး ၇ ရက်အတွင်း အသုံးပြုရပါတယ်။

အသင့်သုံး EMဆိုတာ EM1လား2လားဗျ

EM ကို မျိုးစေ့စိမ်ရာမှာ အသုံးပြုမယ်ဆိုရင် အသင့်သုံး EM ဖျော်ရည် ၁ ဆကို ရေ အဆ ၁၀၀ နဲ့ ရောပြီး ၂၄ နာရီ ရေစိမ်ပြီး အပင်ဖောက်နိုင်ပါတယ်။ အခွံပါးတဲ့ မျိုးစေ့တွေဆိုရင်တော့ အချိန်လျော့ပြီး စိမ်န်ိုင်ပါတယ်။ အပင်တွေကိုလည်း ပက်ဖျန်းပြီးတော့ အသုံးပြုနိုင်ပါတယ်။ ရေ ရှိနေတဲ့ စိုက်ခင်းတွေဆိုရင်တော့ အသင့်သုံး EM ၁ ဆကို ရေ (၂၀-၅၀) ဆ ရောစပ်ပြီး ပက်ဖျန်းနိုင်ပါတယ်။ ရေမရှိတဲ့ စိုက်ခင်တွေဆိုရင်တော့ အသင့်သုံး EM ၁ ဆကို ရေ (၅၀၀-၁၀၀၀) ဆ ရောစပ်ပြီးဖျန်းနိုင်ပါတယ်။ မွေးမြူရေးလုပ်ငန်းတွေမှာဆိုရင်တော့ EM ၁ ဆ ရေ အဆ ၁၀၀၀ ရောစပ်ပြီး မွေးမြူရေးခြံပတ်ဝန်းကျင်နဲ့ ကြမ်းပြင်တွေကို ၇ ရက် လျှင် ၁ ကြိမ် ဖျန်းပေးနိုင်ပါတယ်။