ဆင်းသုခစပါးအကြောင်းရှင်းပြပေးပါရှင့်

ဒါဆိုရင်ဒီဆင်းသုခက မနောသုခနှင့်အသက်ရက်တူပြီး မနောသုခထက်ဘက်တီးရီးယားရွက်ခြောက်ရောဂါဒဏ်ကိုခံနိုင်ရည်ရှိသွားတာ​ေပေါ့နော် နောက်ပြီး ဆင်းသုခရဲ့မှိုကပ်ချိန်လေးလဲပြောပြပေးပါအူးဗျာ

ဆင်းသုခ မျိုးစပါး၏ အရည်အသွေး လက္ခဏာများ • ထုတ်ဝေသည့် ခုနှစ် - ၂၀၀၉ • မူရင်းမျိုးအမည် - IRYn-1068-7-1 • မူရင်းဒေသ - မြန်မာနိုင်ငံ • စပါးမျိုးအုပ်စု - ဧည့်မထ • အသက်ရက် - ၁၃၈ - ၁၄၀ • အပင်အမြင့် (စင်တီမီတာ) - ၁၀၇ • အနှံပါ ပင်ပွား - ၁၀ မှ ၁၂ • တစ်နှံပါ သီးလုံး - ၁၇၈ မှ ၂၂၀ • အောင်စေ့ရာခိုင်နှုန်း - ၈၀.၀ • အစေ့ (၁၀၀၀) အလေးချိန် (ဂရမ်) - ၂၀.၆ • စပါးစေ့ အတိုင်းအတာ  အလျား (မီလီမီတာ) - ၈.၅၃  အနံ (မီလီမီတာ) - ၂.၁၀  အလျား/အနံ အချိုး - ၄.၀၆ • အမိုင်းလို့စ် ပါဝင်မှု ရာခိုင်နှုန်း - ၂၃.၇ • ဆန်ရည် ဆန်သား - ကြည်လင် • ဆန်ထွက် ရာခိုင်နှုန်း - ၆၀.၀ • ဆန်ရှည်ထွက်မှု အချိုး - ၁.၃ • စားသုံးမှု အဆင့်အတန်း - ကောင်း • တစ်ဧက ပျမ်းမျှအထွက် (တင်း) - ၉၀ မှ ၁၃၅ • သင့်တော်သည့် ဒေသ - ဆည်ရေသောက်၊ မိုးရေသောက် ဒေသအားလုံးတွင် စိုက်ပျိုးနိုင်ပါသည်။ • ထူးခြားမှု - ဘက်တီးရီးယား ရွက်ခြောက်ရောဂါဒဏ် ခံနိုင်ရည်ရှိသည်။ မနောသုခနှင့် တစ်ဧကအထွက်၊ ဆန် အရည်အသွေး တူညီပြီး၊ စာသုံးမှု အရသာမှာ မနောသုခထက် ပိုမိုကောင်းမွန် နူးညံ့သော စပါးမျိုး ဖြစ်သည်။ • ရာဇဝင် - စိုက်ပျိုးရေးသုတေသန ဦးစီးဌာန၊ ရေဆင်းတွင် (၁၉၉၇) ခုနှစ်မှ စတင်၍ မျိုးကူးစပ်ပြီး၊ ဆက်လက်၍ မွေးမြူရွေးချယ်ခြင်း အဆင့်ဆင့် ဆောင်ရွက်ကာ ရရှိလာသော မျိုးဖြစ်သည်။ • မနောသုခ စပါးမျိုးအား ဘက်တီးရီးယား ရွက်ခြောက်ရောဂါဒဏ် ခံနိုင်သည့် ဗီဇပါဝင်သော IRBB-21 စပါးမျိုးနှင့် မျိုးစပ်ကူးပြီး (၂၀၀၂) ခုနှစ်မှ (၂၀၀၆) ခုနှစ် အထိ နယ်စမ်းသပ်မှုများ အပါအဝင် အဆင့်ဆင့် ဆောင်ရွက်ရရှိလာသော မျိုးဖြစ်သည်။ • နိုင်ငံတော် သီးနှံမျိုးစေ့ကော်မတီ (National Seed Committee – NSC) က အတည်ပြုကာ (၂၀၀၉) ခုနှစ်တွင် ထုတ်ဝေခဲ့သည့်မျိုး ဖြစ်သည်။