ငါးမွေးမြူရေးကန်အတွင်း ရေခမ်းခြောက်သောအခါ စပါး သို့မဟုတ် ဆောင်းသီးနှံ စိုက်ပျိုးလို့ရပါသလား

ငါးမွေးမြူရေးကန်အတွင်း ဖြစ်နိုင်ပါကမည်သည့်စိုက်ပျိုးရေးထွက်ကုန် (စပါး သို့မဟုတ် ဆောင်းသီးနှံ)မှ မစိုက်ပျိုးရန်အကြံပြုလိုပါသည်၊ စိုက်ပျိုးရေးသုံးပိုးသတ်ဆေးများမှယင်းတို့၏ဓါတ်ကြွင်း (Pesticide` Residues များသည် ငါးကန်အောက်ခြေတွင်ကျန်ရှိနေနိုင်သည်၊ စိုက်ပျိုးရေးအတွက်သုံးစွဲခွင့်ပြုထားသည့် Organophosphate (OP) ပိုးသတ်ဆေးသည် အသုံးပြုသည့်အမျိုးအစားအလိုက် ယင်းတို့၏ ဓါတ်ကြွင်းသက်တမ်းဝက် (Half Life) သည် ၁ ရက်မှ ရက် ၆၀ အတွင်းကျန်ရှိနေနိုင်သည်၊ ပိုးသတ်ဆေးဓါတ်ကြွင်းကျန်ရှိမှုပြင်းအားများပါက မွေးမြူထားသောငါးများသေဆုံးနိုင်ပြီး အဆိုပါငါးကိုစားမိသူကိုလည်း ကျန်းမာ ရေး ထိခိုက်စေနိုင်သောကြောင့်ဖြစ်ပါသည်။