ကိုဘော့(Co)၊မိုလစ်ဒီနန်(Mo )၊ကာဗွန်(C)၊ဟိုက်ဒရိုဂျင်(H)၊အောက်ဆီဂျင်(O)တို့ရဲ့အကျိုးအာနိသက်ကိုလည်းသိချင်ပါတယ်။

☑ကာဗွန်(C)၊အောက်စီဂျင်(O)၊ဟိုက်ဒရိုဂျင်(H)☑ ကာဗွန်၊အောက်စီဂျင်နှင့် ဟိုက်ဒရိုဂျင်တို့သည့် အာဟာရများထဲတွင် အများဆုံးလိုအပ်သည့် အာဟာရများဖြစ်သည်။လေထဲရှိ ကာဗွန်ဒိုင်ဆိုက်ကို အပင်အရွက်အောက်မျက်နှာပြင်ရှိ လေရှူပေါက်ကလေးများဖြင့် စုပ်ယူပြီး အမြစ်က စုပ်ယူရရှိသည့် ရေ(ဟိုက်ဒရိုဂျင်နှင့် အောက်စီဂျင်တို့ဖြင့် ပေါင်းစပ်ထားသော)နှင့် ပေါင်းစပ်ကာ နေရောင်ခြည်စွမ်အင်ကို အသုံးပြု၍ အစာချက်ခြင်းဖြစ်စဉ်ကို ဆောင်ရွက်ကြရသည်။ဤဖြစ်စဉ်ကို အလင်းမှီအစာချက်ခြင်းဖြစ်စဉ်(Photosynthesis) ဟု ခေါ်ဆိုပေသည်။ဤတွင် အပင်အတွက် သကြားဓာတ်၊ကဆီဓာတ်တို့ဖြစ်သော ကာဗွန်ဟိုက်ဒရိတ်ကို ရရှိပြီး ၎င်းသည် အပင်ဆဲလ်သစ်များကို ဖြစ်ပေါ်စေခြင်း၊ဆဲလ်ကွဲပွားမှုကို ဖြစ်ပေါ်စေခြင်းတို့ဖြင့် အပင်၏ အရွက်သစ်၊အကိုင်းသစ်၊အမြစ်သစ်များကို ဖြစ်ပေါ်စေကာ အပင်ကြီးထွားစေပါတော့သည်။ထို့ကြောင့် ထိုဓာတ်စဉ် (၃)များသည် အပင်ခန္ဓာဖွဲ့စည်းတည်ဆောက်ရာတွင် အလွန်အရေးပါပြီး များစွာလိုအပ်သည့် အတွက် ဖွဲ့စည်းပုံအရလိုအပ်သော ဓာတ်စင်များ(Structural Elelents)ဟုလည်း ခေါ်ဆိုကြပေသည်။အပင်တစ်ပင်ကို ကာဗွန်-၄၅ရာခိုင်နှုန်း၊‌အောက်စီဂျင်-၄၅ရာခိုင်နှုန်း၊ဟိုက်ထရိုဂျင်-၆ရာခိုင်နှုန်းခန့်ဖြင့် ပါဝင်ဖွဲ့စည်းထားပြီး ကျန်အာဟာရများမှာ ၄လောက်ပင်ရှိပေသည်။