တိုင်ထောင်ပဲ အမြစ်ရင်းမှာ မြေတောင်ပေးရင်းတွေ့တာပါ ဖြူဖြူလးတွေက မှိုတွေလားရှင့်

ဟုတ်ပါတယ်၊မှိုမျှင်စုလေးတွေပါ။အမြစ်ကိုတိုက်ခိုက်ပြီး ၊တပတ်ပြည့ရင် အပင်သေတတ်ပါတယ်။

ပုံပါ မေးခွန်းအရ တိုင်ထောင်ပဲ အမြစ်နားမှာ တွေ့ရတဲ့ အဖြူရောင် အဖတ်လေးတွေဟာ မှိုမျှင်စု (Mycelium)တွေ ဖြစ်ပါတယ်။ ဒါဟာ ပဲပင်တွေမှာ အဖြစ်များတဲ့ ပင်ခြေပုပ်ရောဂါ (Sclerotium rolfsii)ဖြစ်ပါတယ်။ရောဂါဖြစ်ရသည့် အကြောင်းရင်းကမြေကြီးထဲမှာ စိုထိုင်းဆများလွန်းတာ ဒါမှမဟုတ် အရင်နှစ်က ရောဂါကျန်ရှိနေတဲ့ အကြွင်းအကျန်တွေကြောင့် ဒီမှိုတွေ ပွားလာတာ ဖြစ်ပါတယ်။ ဒီအတိုင်း ထားလိုက်ရင် အပင်ရဲ့ ပင်စည်ခြေကို ပတ်ပြီး ပုပ်သွားစေကာ အပင်တစ်ပင်လုံး နွမ်းခြောက်သေဆုံးသွားနိုင်ပါတယ်။ဒီမှိုတွေကို တွေ့ပြီဆိုတာနဲ့ အမြန်ဆုံး ရောဂါလက္ခဏာ ပြင်းထန်တဲ့ အပင်ရှိရင် အမြစ်ကပါ မြေကြီးနဲ့တကွ တူးထုတ်ပြီး စိုက်ခင်းအပြင်မှာ မီးရှို့ဖျက်ဆီးပါ။အပင်ခြေမှာ ရေမဝပ်အောင် ဂရုစိုက်ပါ။ မြေကြီးကို လေဝင်လေထွက် ကောင်းအောင် ထွန်ခြစ်လေးနဲ့ အနည်းငယ် ဆွပေးပါ။ စီးပွားဖြစ်စိုက်ပျိုးသူမဟုတ်ပါက ဓာတုဆေးမဖျန်းပဲ စိုက်ခင်းစီမံခန့်ခွဲခြင်းနည်းလမ်းများဖြင့် ပြုလုပ်နိုင်ပါသည်။ Trichoderma(ထရိုင်ကိုဒါးမား) ကဲ့သို့သော အကျိုးပြုမှိုကို နွားချေးဆွေးနဲ့ ရောပြီး အပင်ခြေမှာ ကျွေးပေးခြင်းဖြင့် ရောဂါဖြစ်စေတဲ့မှိုကို နှိမ်နင်းနိုင်ပါတယ်။ရောဂါပျံ့နှံ့မှု များနေပါက အောက်ပါ ဆေးတစ်မျိုးမျိုးကို အပင်ခြေကိုစိုရွှဲအောင် ဖျန်းပေးပါ။ Azoxystrobin သို့မဟုတ် Hymexazol စီးပွားဖြစ်စိုက်ပျိုးသူဆိုပါက Azoxystrobin ကိုအပင်အပေါ်ပိုင်းဖျန်းပြီး အပင်ခြေကို Hymexazol ဖျန်းပေးခြင်းကပိုထိရောက်ပါသည်။ အပင်ခြေကို မြေတောင်ဆွပေးတဲ့အခါမှာ မြေကြီးကို အရမ်းတင်းကျပ်အောင် မလုပ်မိဖို့နဲ့ ဒဏ်ရာမရအောင် သတိထားပါ။ ဒဏ်ရာရတဲ့နေရာကနေ မှိုတွေ ပိုမိုဝင်ရောက်နိုင်လို့ ဖြစ်ပါတယ်။ အခုတွေ့ရတဲ့ အဖြူရောင် မှိုမျှင်တွေဟာ မုန်ညင်းစေ့လို အညိုရောင် အလုံးလေးတွေ (Sclerotia) အဖြစ် မပြောင်းလဲခင် အမြန်ဆုံး ကုသပေးဖို့ လိုအပ်ပါတယ်။