စပါးသီးနှံကို ပျိုးထောင်ကောက်စိုက်စနစ်နဲ့စိုက်မှာပါ။အနှံပါ ပင်ပွားရရှိမှုကောင်းမွန်စေဖို့ Urea ကို မြေခံမှာထည့်သွင်းရမလား?ရွေ့ပြောင်းစိုက်ပြီး ၅ရက်သားမှာကျွေးရမလား?

အဲ့လိုကျွေးတာက လက်တွေ့မှာ အတော်အရည်အသွေးကွာနေလို့ပါ။

စပါးစိုက်ပျိုးရာတွင် ယူရီးယား (ပုလဲ) မြေဩဇာကို မြေခံအဖြစ် လုံးဝ (လုံးဝ) ထည့်သွင်းရန်မလိုပါဘူး။ ယူရီးယားသည် အရည်ပျော်လွယ်ပြီး လေလွင့်ဆုံးရှုံးမှု အလွန်များသောကြောင့် စပါးရွှေ့ပြောင်းစိုက်စ အမြစ်မစွဲသေးသည့်အချိန်တွင် ကျွေးပါက ဓာတ်မြေဩဇာ၏ (၇၀%) ခန့်သည် လေထဲသို့ အငွေ့ပျံခြင်းနှင့် ရေထဲသို့ စိမ့်ဝင်ခြင်းတို့ကြောင့် အလဟဿ ဆုံးရှုံးသွားပါလိမ့်မယ်။ ထို့အတူ ရွှေ့ပြောင်းစိုက်ပြီး (၅) ရက်သားအရွယ်သည်လည်း အပင်တမန်းဒဏ် ဖြစ်နေဆဲမို့ ကျွေးရန် စောလွန်းပါသေးတယ်။ စပါးပင်ပွားနှုန်း ကောင်းမွန်စေရန်အတွက် အထိရောက်ဆုံးအချိန်မှာ ရွှေ့ပြောင်းစိုက်ပြီး (၁၄) ရက်မှ (၂၁) ရက်သား (၂ ပတ် သို့မဟုတ် ၃ ပတ်သား) အတွင်းဖြစ်ပြီး၊ ထိုအချိန်မှသာ ပထမအကြိမ်အဖြစ် စတင်ပက်ကျွေးသင့်ပါတယ်ခင်ဗျာ။