ပုံပါ အရွက်သီးသန့်ရိုက်ထားတဲ့ပုံမှာပိုးကောင်လေးတွေတော့ တွေ့တယ် အပင်တချို့မှာ အရွက်ပေါ် အဝိုင်းကွက်လေးတွေခြောက်နေသလိုမျိုးရယ် အပေါက်တချို့ရယ်ပဲ တွေ့ပါတယ် ဘာရောဂါကျတာလဲဗျ ဖျန်းရမယ့်ဆေးလည်း ညွှန်ပေးပါအုံး ပုံမှာလက်ရှိအပင်အရွယ်ပါ ရိုက်ပြထားပါတယ် ဆက်လက်ပိုမိုမြန်ဆန်ကြီးထွားလာအောင် ဘယ်လိုတွေလုပ်ဆောင်ရမလဲဗျ

ခရမ်းရွက်တွင် ဖြစ်ပွားနေသော ရောဂါသည် မိုးများပြီး စိုထိုင်းဆမြင့်မားချိန်တွင် ကျရောက်တတ်သည့် အော်တာနေးရီးယား ရွက်ခြောက်ရောဂါ (Alternaria Leaf Spot) ဖြစ်ပါသည်။ အရွက်ပေါ်တွင် အဝိုင်းရစ်ကွက်များ ဖြစ်ပေါ်ကာ ရွက်ဝါခြောက်ပြီး ကြွေကျပျက်စီးစေတတ်ပါသည်။ ၎င်းကို ကာကွယ်ရန် ရောဂါရအရွက်များကို ဆွတ်ခူးမီးရှို့ဖျက်ဆီးပါ၊ လေဝင်လေထွက်ကောင်းအောင် ရှင်းလင်းပေးပါ။ကာကွယ် ကုသရန်အတွက် မန်ကိုဇက် (Mancozeb) ကဲ့သို့ ထိသေဆေး သို့မဟုတ် ဒိုင်ဖီနိုကိုနာဇိုးလ် (Difenoconazole) ပါဝင်သော ပင်လုံးပြန့်မှိုသတ်ဆေးတစ်မျိုးမျိုးကို အညွှန်းအတိုင်း စနစ်တကျ ပက်ဖျန်းပေးရပါမည်။