ဆရာခင်ဗျ ခရမ်းနဲ့ ခရမ်းချဥ်အတွက် ရွှေ့စိုက်ပီး 15 ရက်လောက်နေရင် ကြိုတင်ကာကွယ်လို့ရမဲ့ မှိုဆေးလေးညွှန်ပေးပါအူးခင်ဗျ

သက်တမ်း ၁၅ ရက်သား ခရမ်းနှင့် ခရမ်းချဉ်စိုက်ခင်းများတွင် မြေဆီလွှာအစိုဓာတ်ကြောင့် ဖြစ်တတ်သော ပင်ခြေပုပ်၊ အမြစ်ပုပ်နှင့် ခါးရိမှိုရောဂါများ စောစီးစွာ ကာကွယ်ရန် အရေးကြီးပါတယ်။ ထိုရောဂါများကို ကြိုတင်တားဆီးနိုင်ရန်အတွက် အရွက်ပေါ်တွင် အကာအကွယ်ပေးမည့် ထိသေမှိုသတ်ဆေး မန်ကိုဇက် (Mancozeb) သို့မဟုတ် ကော့ပါး (Copper Oxychloride) ကို ဖျန်းပါ။အပင်အတွင်းပိုင်းအထိ စိမ့်ဝင်ကာကွယ်ပေးမည့် ပင်လုံးပျံ့မှိုသတ်ဆေး သိုင်အိုဖနိတ်မီသိုင်း (Thiophanate-methyl) သို့မဟုတ် ကာဘင်ဒါဇင် (Carbendazim) တစ်မျိုးမျိုးကို အပင်အပေါ်ပိုင်း နှင့်အပင်ခြေမြေကြီးထဲအထိ စိမ့်ဝင်အောင် သေချာပက်ဖျန်း ပေးရပါမယ်။ အပင်နုစဉ်ဖြစ်၍ ဆေးလောင်ခြင်းမရှိစေရန် ဆေးဗူးပါ အညွှန်းအတိုင်း အပင်ငယ်အတွက် အနိမ့်ဆုံးနှုန်းထားကို တိကျစွာ ချင့်ချိန်စပ်ရပါမယ်ခင်ဗျာ။