ရွှေဘိုဒေသဘက်က ပေါ်ဆန်းဘေးကြားစိုက်တောင်သူတစ်ယောက်ပါ 15ပတ်လည်ကို 50/55ရက်သားပတ်ချာလည်နဲ့မှို့ကပ်ချိန်မှ ထည့်ရင် နောက်ကျသလား? ဘယ်အချိန်တွေမှာ ထည့်သွင်းရင် ပိုအကျိုးရှိ မှန်ကန်ပါသလဲ?

ပေါ်ဆန်းဘေးကြား စပါးမျိုးသည် အလင်းရောင်တုံ့ပြန်မှုရှိသော ရာသီစပါး ဖြစ်ပြီး နိုဝင်ဘာလလယ်မှသာ ပန်းပွင့်လေ့ရှိသဖြင့် သက်တမ်း ၅၀/၅၅ ရက်သား (စက်တင်ဘာလအစ) တွင် ၁၅ ပတ်လည် ကွန်ပေါင်းမြေသြဇာ ကျွေးခြင်းသည် နောက်ကျခြင်းမရှိဘဲ အပင်ပွားအားကောင်းစေရန် အချိန်ကိုက်ဖြစ်ပါတယ်။ ပေါ်ဆန်းဘေးကြားအတွက် မြေသြဇာကို မြေခံမြေပြင်ချိန်၊ ပင်ပွားအထွက်များဆုံးအချိန် (၄၀-၅၀ ရက်သား) နှင့် အနှံမထွက်မီ ရက် ၂၀ အလို မှို့ကပ်သန္ဓေတည်ချိန် (စက်တင်ဘာလကုန်/အောက်တိုဘာလဆန်း) ဟူ၍ အဓိက (၃) ကြိမ် ခွဲကျွေးပါက အကောင်းဆုံးဖြစ်ပါတယ်။ သို့သော် ဤမျိုးသည် အပင်အရပ်မြင့်ပြီး လဲလွယ်သဖြင့် နိုက်ထရိုဂျင် (ယူရီးယား) ဓာတ်လွန်ကဲပါက အပင်ဟုန်ပြီး လဲကျတတ်၍ ချင့်ချိန်ကျွေးရန်နှင့် မြေသြဇာမကျွေးမီ ပေါင်းမြက်များကို အရင်ရှင်းလင်းထားရန် အထူးလိုအပ်ပါတယ်ခင်ဗျာ။