ဧရာပဒေသာစပါး ပါ အပင်က ဘေးရွက်တွေ နီပြီး ခြောက်နေပါတယ် ဘယ်လို ကုသရမလဲ

စပါးပင်ငယ်စဉ် ဘေးရွက်ဟောင်းများ နီခြောက်ရခြင်းမှာ နိုက်ထရိုဂျင်နှင့် ပိုတက်စီယမ် ချို့တဲ့ခြင်း၊ မြေချဉ်လွန်း၍ သံဓာတ်အဆိပ်သင့်ခြင်း (နီတိုဖြစ်ခြင်း) သို့မဟုတ် ဘက်တီးရီးယား ရွက်ခြောက်ရောဂါကြောင့် ဖြစ်နိုင်ပါတယ်။ တိကျသောရောဂါကို ခွဲခြားရန်အတွက် ပထမဆုံး အပင်၏ အမြစ်ကို နုတ်ယူစစ်ဆေးရပါမယ်။ အမြစ်များ မည်းပုပ်မနေဘဲ ဖြူနေပါက မှိုရောဂါထက် အာဟာရဓာတ်ချို့တဲ့မှု သို့မဟုတ် ရေဝပ်၍ မြေအဆိပ်သင့်မှုကြောင့် ဖြစ် သော နီတို (သံဓာတ်အဆိပ်သင့်ခြင်း) ဖြစ်နိုင်ပါတယ် ။ ရောဂါရှာဖွေပြီးပါက လယ်ကွက်အတွင်းရှိ ရေဟောင်းများကို ကုန်စင်အောင် ထုတ်ပစ်ပြီး မြေအနည်းငယ် အက်ကွဲသည်အထိ လေပေးရပါမယ်။ ထို့နောက် ရေအသစ်ပြန်သွင်းကာ ပိုတက်စီယမ်နှင့် ဂျစ်ဆမ်မြေသြဇာ ကျွေးခြင်း၊ အမိုင်နိုအက်ဆစ် ရွက်ဖျန်းအားဆေး ပက်ဖျန်းပေးခြင်းဖြင့် အပင်ကို အမြန်ဆုံး ပြန်လည်နာလန်ထူလာစေနိုင်ပါတယ်။ရေနစ်မြုပ်ခဲ့ခြင်းရောရှိသေးလား၊ ကျွန်တော်ကတော့ နီတိုဖြစ်တယ်လို့ယူဆမိပါတယ်ခင်ဗျာ။