ကျနော့်မိတ်ဆွေနဲ့ ဆရာ့ဆရာများ ကျနော့် စပါးခင်းထဲ က ဒီပေါင်းလေး မနိုင်လို့ပါ ဘယ်လို နိုင်နင်းရမလဲဘယ်ဆေး သုံးရမ...

ပုံပါအတိုင်း စပါးခင်းထဲတွင် အမြစ်စွဲအားကောင်းပြီး ပြိုင်ဆိုင်ပေါက်ရောက်နေသော အပင်မှာ "ရေကညွတ်"ပေါင်း" ဖြစ်ပြီး ၎င်းသည် ရွက်ပြန့်ပေါင်း အမျိုးအစား ဖြစ်ပါတယ်။ တောင်သူဦးကြီး အသုံးပြုခဲ့သော ဆေးများမှာ မြက်မျိုးရင်းဝင် ရွက်ချွန်ပေါင်းများအတွက်သာ အဓိကဖြစ်၍ ယခုပေါင်းကို နှိမ်နင်းနိုင်ခြင်း မရှိဘဲ ဆေးယဉ်ပါးမှု ဖြစ်နေခြင်း ဖြစ်ပါတယ်။ ၎င်းကို အမြစ်ပြတ်ရန်အတွက် 2,4-D Dimethyl Amine ကဲ့သို့သော ရွက် ပြန့်ရွေးချယ်ပေါင်းသတ်ဆေးများကို ပြောင်းလဲအသုံးပြုရပါမယ်။ ဆေးမဖျန်းမီ စိုက်ခင်းထဲမှ ရေကို ကုန်စင်အောင် ထုတ်ပစ်ရန် လိုအပ်ပြီး၊ ဆေးဖျန်းပြီး (၂-၃) ရက်အကြာတွင် ရေကို (၂ လက်မခန့်) ပြန်သွင်း၍ (၅-၇) ရက်ခန့် အိုင်နေအောင် ထိန်းထားပေးခြင်းဖြင့် ပေါင်းပင်များကို ထိရောက်စွာ အမြစ်ပြတ် သေဆုံးစေနိုင်ပါတယ်။