ဆရာတို့ခင်ဗျာ အောက်ကပုံက အရင်နေ့ကမှိုကျလို့မေးထားတဲ့ပုံပါခင်ဗျာ ဆရာတို့ပြောသလို မှိုဆေး‌သုံးထားပြီးပါပြီ မြေဩ...

စပါးခင်းတွင် ဘက်တီးရီးယားရွက်ခြောက်ရောဂါ (BLB) အတွက် ဆေးဖျန်းပြီးပါက အပင်ဆဲလ်နံရံများ ကြံ့ခိုင်ပြီး ကိုယ်ခံအားကောင်းစေရန် ပိုတက်ဆီယမ် (မြေဩဇာ/ရွက်ဖျန်း) ကို မဖြစ်မနေ ထည့်သွင်းပေးသင့်ပါတယ်။ ရောဂါပိုးပြန့်ပွားမှုကို တားဆီးရန်အတွက် ဆေးဖျန်းပြီးနောက် လယ်ခင်းအတွင်းရှိ ရေများကိုကုန်အောင်ဖောက်ထုတ်၍ မြေနေလှန်းပေးရပါမယ်။ မြေကြီးပြန်စိုစွတ်လာချိန် (သို့မဟုတ်) ဆေးဖျန်းပြီး ၃ ရက်မှ ၅ ရက်အတွင်း မြေဩဇာကျွေးနိုင်ပြီး၊ ၁ ဧကလျှင် ပိုတက်ရှ် (MOP) ၁၅ ပေါင် မှ ပေါင် ၂၀ နှုန်းကို ယူရီးယား (ပုလဲ) မြေဩဇာနှင့် လုံးဝမရောစပ်ဘဲ သီးသန့်ကြဲပက်ကျွေးရပါမယ်။ဂျစ်ဆမ်ဖြင့်ရောကျွေးနိုင်ပါတယ်။ အရွက်မှတစ်ဆင့် အာဟာရချက်ချင်းရစေရန် ပိုတက်ဆီယမ်ပါဝင်သော ရွက်ဖျန်းမြေဩဇာကိုလည်း လမ်းညွှန်ချက်အတိုင်း ဖြန်းပေးနိုင်သေးတယ်။ ရောဂါငြိမ်သက်ခြင်းမရှိသေးမီ နိုက်ထရိုဂျင် (ပုလဲ) မြေဩဇာ ထပ်မံကျွေးခြင်းကို လုံးဝရှောင်ကြဉ်ရပါမယ်။ဆေးတခါဖျန်းပြီးတိုင်းရောဂါ ကင်းအရွက်များ ထံသို့ ကူးစက်ပျံ့နှံ့ခြင်းရှိမရှိအမြဲစစ်ဆေးပါ။