မတ်ပဲ၂၀ရက်သားကိုပေါင်းသတ်ဆေးဖျန်းပြီးပါပြီ မှိုဆေးအရင်ဖျန်းရမလားအားဆေးအရင်ဖျန်းရမလား ဘာမှိုဆေးဖျန်းသင့်လဲ

Question

သော်ဇင် · Answer

@ye ရောဂါမကျ ရောက်ခင်မှာကာကွယ်ရန်အတွက်ဆိုရင် အားဆေးနှင့် မှိုဆေးတွဲဖျန်းလို့ရပါတယ်၊ ရောဖျန်းလို့မရသည့် မှိုဆေးနှင့် အားဆေးတော့ရှိပါတယ်၊ ရောဖျန်းလို့ရ၊မရသိချင်ပါက ပါဝင်ပစ္စည်းများပြောပြပြီး အစိမ်းရောင်လမ်း Appမှာ မေးမြန်းနိုင်ပါတယ်ခင်ဗျာ

ye · Answer

အားေဆးနဲ့မှိုေဆးကတွဲဖျန်းလို့ရလား

သော်ဇင် · Answer

မတ်ပဲ သက်တမ်း ၂၀ ရက်သားတွင် ပေါင်းသတ်ဆေးဖျန်းပြီးပါက ဆေးရှိန်ကြောင့် ပဲပင်များ ကြီးထွားမှုရပ်တန့်ခြင်းနှင့် အဝါရောင်သန်းခြင်းတို့ ဖြစ်ပေါ်တတ်သဖြင့် အပင်ပြန်လည်လန်းဆန်းစေရန် အားဆေး (သို့မဟုတ်) အပင်ဟော်မုန်း အားဆေးတို့ကို အရင်ဦးဆုံး ဦးစားပေးဖျန်းသင့်ပါတယ်။ ဆေးဖျန်းမည့်အချိန်မှာ ပေါင်းသတ်ဆေးဖျန်းပြီး ၃ ရက်မှ ၅ ရက်အကြာ ပေါင်းပင်များ သေပြီဆိုမှ ပဲပင်များ ပြန်လည်နလန်ထူလာချိန်တွင် ဖျန်းရပါမယ်။ ရောဂါကာကွယ်ရန်အတွက်မူ မှိုသတ်ဆေးကိုပါ အားဆေးနှင့်အတူ ဖျန်းပုံးတစ်ပုံးတည်းတွင် ရောစပ်၍ တစ်ပြိုင်နက်တည်း တွဲဖျန်းနိုင်သဖြင့် အလုပ်ရှုပ်သက်သာစေပါတယ်။ မတ်ပဲပင်ပိုင်းကြီးထွားမှုကာလတွင် ကျရောက်တတ်သော ပဲသံချေး၊ အရွက်ပြောက်နှင့် ဖားဥမှိုရောဂါများအတွက် ကာဗင်ဒါဇင် (Carbendazim) သို့မဟုတ် မန်ကိုဇက် (Mancozeb) ကဲ့သို့သော မှိုဆေးများ သို့မဟုတ် ဟက်ဆာကိုနာဇိုး (Hexaconazole)၊ ပရိုပီကိုနာဇိုး (Propiconazole) ကဲ့သို့သော ပင်လုံးပြန့်မှိုဆေးများကို ရွေးချယ်အသုံးပြုလို့ရပါတယ်။ ထို့အပြင် စိုက်ခင်းအတွင်း မြေအစိုဓာတ်ရှိနေချိန်တွင်သာ ဆေးဖျန်းရန်နှင့် ဗိုင်းရပ်စ်ရွက်ဝါရောဂါသယ်ဆောင်သည့် ယင်ဖြူများရှိမရှိ စစ်ဆေးသင့်ပါတယ်၊ရှိပါက ပိုးသတ်ဆေးပါ ဖျန်းရန်လည်း လိုအပ်နိုင်ပါတယ်။

ဖြေကြားချက် ၃ ခု