ပန်းပွင့်ချိန်မှာ..ငါးအမိုင်နို...အင်ဇိုင်းအပွင့်အသိးတင်ဆေး...လက်ချားမုန့်တို့ရောပြီးပတ်လိုအဆင်ပြေနိင်လားဗျ.....အဲထဲဘိတာစိလိုပိုးသတ်ဆေးထည့်ရင်ကောရမလားဗျ....

ဟုတ်ကဲ့ပါဗျ....မြေပဲတုန်းကတော့.လက်ချား4ဇွန်းလောက်.ငါးအမိုင်နိုက.30Ccလောက်ပဲထည့်တာပါ...ပဲစင်းငုံစိုတော့အပင်ကြိးမျိုးစိုတော့ပိုပြီးထည့်ရင်ကောင်းမလားလို့ပါ...ဆရာတို့ကအပင်လောင်နိင်ချေများတယ်စိုတော့အနည်းငယ်ထည့်တော့မှာပါ.....

@သန်းထိုက်အောင် မြေပဲပင်တွေ ဆေးမလောင်ဘူးလားဗျ၊အပင်တစ်ပင်နှင့်တစ်ပင်ခံနိုင်ရည်ရှိပုံချင်းကမတူတော့ပြောရတော့ခက်တယ်ဗျ၊ တောင်သူဦးကြီးသဘောပါခင်ဗျ၊ ဧရိယာအနည်းငယ်စမ်းသပ်ဖျန်းမှာဆိုမှတော့ ဦးကြီးထည့်ဖျန်းချင်သည့် နှုန်းထားအတိုင်းအရင်စမ်းကြည့်ပါဗျ၊ ပြီးတော့ရလဒ်ကိုလည်းမျှဝေပေးပါဦး၊အခြားတောင်သူဦးကြီးများအတွက်လည်းအသုံးဝင်စေချင်လို့ပါ

ဟုတ်ကဲ့ဗျ.မြေပဲတုန်းကလက်ချား4ဇွန်းလောက်ထည့်ပတ်ထားတာမလို့ပါ...

လက်ချား (၄) ဇွန်းနှင့် အင်ဇိုင်းအားဆေး (FFJ) ၁၀၀ စီစီ နှုန်းထားသည် ဆေးဖျန်းပုံး (၅ ဂါလံပုံး) တစ်ပုံးစာအတွက် ဆိုပါက ဆေးနှုန်းထား အလွန်များပြားနေသဖြင့် ပဲစဥ်းငုံအပင်နှင့် ပန်းပွင့်များ လောင်နိုင်ခြေ အလွန်များပါတယ်ခင်ဗျာ။ အထူးသဖြင့် လက်ချား (၄) ဇွန်းသည် ဘိုရွန်အဆိပ်သင့်မှု ဖြစ်စေနိုင်ပြီး အင်ဇိုင်းဆေးရည် ၁၀၀ စီစီသည်လည်း ပန်းပွင့်ချိန်အတွက် ပြင်းလွန်းပါတယ်။ အပင်မလောင်ဘဲ ဘေးကင်းစေရန်အတွက် ဆေးဖျန်းပုံးတစ်ပုံးလျှင် လက်ချားကို (၁) ဇွန်း သို့မဟုတ် (၁၅) ဂရမ်၊ အင်ဇိုင်းအားဆေး (FFJ) ကို ၂၀ မှ ၃၀ စီစီ နှင့် ငါးအမိုင်နိုကို ၂၀ မှ ၅၀ စီစီအထိသာ လျှော့ချပြီး ညနေစောင်း နေအေးချိန်တွင် စမ်းသပ်ပက်ဖျန်းပေးသင့်ပါတယ်ခင်ဗျာ။နောက်မှအပင်ဘာမှမဖြစ်ဘူးဆိုမှ စိတ်ချစွာပင်ဖျန်းပါခင်ဗျာ၊ အဓိကလောင်စေမှာက လက်ချားပါခင်ဗျာ၊လက်ချားက ၁ဇွန်း ထက်ပိုလို့မရပါဘူးခင်ဗျာ

လက်ချား.4ဇွန်းလောက်.အင်ဇိုင်းအားဆေး(FFJ).100Ccလောက်.ငါအမိုင်နို.50Ccလောက်နဲ့စမ်းကြည့်ရင်ကောအပင်လောင်နိင်ခြေများလားဆရာ...

လက်ချားကလည်း နှုန်းထားမမှန်ကန်ရင်အပင်လောင်ပါတယ်၊အင်ဇိုင်းအားဆေးကလည်း နှုန်းထားမမှန်ရင်‌အပင်လောင်တတ်ပါတယ်၊ထို့ကြောင့် ဧရိယာအနည်းငယ်စမ်းသပ်ဖျန်းပြီး အပင်အတွက် စိတ် ချရမှသာ ရောစပ်ပက်ဖျန်းဖို့ထပ်မံတိုက်တွန်းလိုပါတယ်ခင်ဗျာ၊ မစမ်းသပ်ချင်ဘူးဆိုရင်တော့ ရောမဖျန်းတာအကောင်းဆုံးပါ၊ပန်းပွင့်ချိန်ဖြစ်လို့ ညနေခင်းသာဖျန်းပါ

ပဲစဥ်းငုံပန်းပွင့်ချိန်တွင် ဘီတာဆိုင်ပါမီသရင် (Betacypermethrin) ပိုးသတ်ဆေး၊ ငါးအမိုင်နိုအက်စစ်၊ အင်ဇိုင်းအသီးအပွင့်အားဆေး (FFJ) နှင့် လက်ချားအမှုန့် (ဘိုရွန်ဓာတ်) တို့ကို ဆေးပုံးတစ်ပုံးတည်းတွင် အတူတကွ ရောစပ်ပက်ဖျန်းနိုင်ပါတယ်။ ဤသို့ရောစပ်ခြင်းဖြင့် ပိုးမွှားများကို နှိမ်နင်းနိုင်ရုံသာမက ပဲစဥ်းငုံပန်းပွင့်အားကောင်းစေပြီး အဖူးအပွင့်ကြွေခြင်းကို သက်သာစေကာ အသီးတင်နှုန်းကို တိုးတက်စေပါတယ်။ သို့သော် ပန်းပွင့်ချိန်သည် နုနယ်သဖြင့် ဆေးနှုန်းထားများကို အလွန်အကျွံမသုံးစွဲရန်နှင့် အပင်လောင်ခြင်းမှ ကာကွယ်ရန်အတွက် ညနေစောင်း နေအေးချိန် တွင်သာ ပက်ဖျန်းပေးရန် အထူးလိုအပ်ပါတယ်။စိုက်ခင်းအန္တရာယ်ကင်းမှုသေချာစေရန် ဧရိယာအပင်အနည်းငယ်ကိုစမ်းသပ်ဖျန်းပြီးမှ အပင်မလောင်ဘူးဆိုမှအသုံးပြုစေချင်ပါတာ်ခင်ဗျာ။ဧရိယာအနည်းငယ်အပင်အနည်းငယ်မစမ်းသပ်ဘဲဖျန်းမယ်ဆိုရင်တော့ အပင်လောင်နိုင်ခြေများပါလိမ့်မယ်ခင်ဗျာ