ပဲကြီးရွက်တွေကုတ်ကုတ်ကြီးဖြစ်နေလို့ ကူညီပါဦး

ပဲပင်ရွက်နုလေးတွေမှာတွေ့ရလို့အားဆေးသို့မဟုတ်မြေသြဇာကောင်းလို့ဖြစ်နိုင်တယ်အရွက်ရင့်တွေမှာမှဲ့ပြောက်ရောဂါကျနေတာတွေ့ရလို့မှိုသတ်ဆေးဖျန်းရန်လိုမယ်

ပဲကြီးပင် (အပင်ပေါက်ခါစ) အရွယ်တွင် အပင်သန်ဟော်မုန်းဆေး (ပင်ပျို) ကို သုံးစွဲမိခြင်းကြောင့် အပင်၏ သဘာဝကြီးထွားမှုစနစ် ကမောက်ကမဖြစ်ပြီး အရွက်များ နူကုတ်ကုတ်ဖြစ်ပွားသွားတာပါ။ ပဲမျိုးစုံသီးနှံများသည် အပင်ပေါက်ခါစတွင် ဟော်မုန်းဓာတ်ပြုမှုအပေါ် အလွန်တုံ့ပြန်လွယ်သဖြင့် ဆေးရှိန်မိသွားခြင်း ဖြစ်ပါတယ်။ ၎င်းကို ကုစားရန်အတွက် ဟော်မုန်းဆေးဖျန်းခြင်းကို ချက်ချင်းရပ်နားပြီး၊ ပထမဦးစွာ ဆေးရှိန်ကျဆင်းသွားစေရန် ပဲခင်းကို ရေသန့်သန့်ဖြင့် နေ့စဉ် (၃) ရက်ခန့် မနက်/ညနေ ပုံမှန်ပက်ဖျန်းပေးပါ။ တစ်ပြိုင်နက်တည်းတွင် မြေဆီလွှာအတွင်းရှိ အစိုဓာတ်က ဆေးဓာတ်ကို ပျော်ဝင်စေရန် ရေသွင်း/ရေဖျန်းခြင်းကို ဂရုစိုက်လုပ်ဆောင်ပေးရပါမယ်။ အပင်များ သဘာဝအတိုင်း ကိုယ်ခံအားပြန်တက်လာစေရန် အနည်းလိုအဟာရ ရွက်ဖျန်းအားဆေးများကို နှုန်းထားနည်းနည်းဖြင့် ဖျန်းပက်အသုံးပြုပေးပါ။ နောက်မှအရွက်များပုံမှန်ဖြစ်ပြီဆိုမှပုံမှန်အတိုင်းဆေးများသုံးစွဲနိုင်ပါတယ်။စုပ်စားပိုးများရှိမရှိကိုလည်း သေချာစစ်ဆေးပေးပါဦး