ခရမ်းချဉ်ပင်မှာလက်ရှိကြနေတဲ့ရောဂါနှစ်မျိုးပါ ဘယ်ဆေးသုံးပီးဘယ်လိုကုသရမလဲဗျ

Question

သော်ဇင် · Answer

ယခု ခရမ်းချဉ်စိုက်ခင်းတွင် မှိုကြောင့်ဖြစ်သော Early Blight စောပင်နာကျ ရောဂါနှင့် ဘက်တီးရီးယားကြောင့်ဖြစ်သော Bacterial spot and speck ဘက်တီးရီးယားရွက်ပြောက်ရောဂါ နှစ်မျိုးလုံး တပြိုင်နက်တည်း ပြင်းထန်စွာ ကူးစက်နေပါတယ်။ ရောဂါနှစ်မျိုးလုံးကို ထိရောက်စွာ ကုသနိုင်ရန်အတွက် ကော့ပါးအခြေခံမှိုသတ်ဆေး (ဥပမာ - Copper Oxychloride သို့မဟုတ် Copper Hydroxide, Oxolinic acid,Bismerthiazole, Kasugamycin) ကို ကဲ့သို့သော ဘက်တီးရီးယားသတ်ဆေးတစ်မျိုးမျိုးကို ၅ ရက်မှ ၇ ရက်တစ်ကြိမ် စနစ်တကျ ဖျန်းပေးရပါမယ်။ပြီးနောက် စောပင်နာကျရောဂါအတွက် (Azoxystrobin+ Difenoconazole )မှိုဆေးကို ဘက်တီးရီးယားဆေးဖျန်းပြီး၅ရက်အကြာမှာ တစ်ကြိမ်ဖျန်းပေးပါ။ ဆေးတခါဖျန်းပြီးတိုင်း ရောဂါကျအရွက်များ ဆက်လက်ပျံ့ပွားခြင်းရှိမရှိအမြဲစစ်ဆေးပါ။ ဓာတုဆေးဖျန်းရုံတင်မကဘဲ ရောဂါရနေသည့် အရွက်ဟောင်းများကို အမြန်ဆုံး စိုက်ခင်းအဝေးဖယ်ရှားပစ်ရန်၊ အပင်ပေါ်မှ ရေပက်ဖျန်းခြင်းကို ရှောင်ကြဉ်ပြီး အပင်ခြေမှသာ ရေသွင်းရန်နှင့် စိုက်ခင်းအတွင်း လေဝင်လေထွက်ကောင်းအောင် ပေါင်းမြက်ရှင်းလင်းပေးရန် အလွန်အရေးကြီးပါတယ်။နောက်ရာသီများတွင် ဤရောဂါများ ထပ်မံမဖြစ်ပွားစေရန် သီးလှည့်စိုက်ပျိုးခြင်း ကို လုပ်ဆောင်ပြီး ခရမ်းချဉ်၊ အာလူး၊ ငရုတ် ကဲ့သို့သော ရောဂါလက်ခံပင်မျိုးနွယ်စုများကို ထိုမြေတွင် အနည်းဆုံး ၂ နှစ်ခန့် စိုက်ပျိုးခြင်း ရှောင်ကြဉ်သင့်ပါတယ်။

ခရမ်းချဉ်ပင်မှာလက်ရှိကြနေတဲ့ရောဂါနှစ်မျိုးပါ ဘယ်ဆေးသုံးပီးဘယ်လိုကုသရမလဲဗျ

ဖြေကြားချက် ၁ ခု