ကြက်သွန်နီပျိုးဖို့မြေကိုပေါင်းမပေါက်အောင်ဘယ်လို့လုပ်ရ စိုက်ရင်ရောဘာပေါင်းအုပ်ဆေးသုံးရ

@မောပ်တိုးတတ် ပန်ဒီမီသလင် (Pendimethalin) နှင့် အောက်စီဖလိုရိုဖန် (Oxyfluorfen) တို့ကို စနစ်တကျ အသုံးမပြုပါက ကြက်သွန်နီမျိုးစေ့၏ အပင်ပေါက်နှုန်းကို ထိခိုက်လျော့နည်းစေနိုင်ပါတယ်။ အထူးသဖြင့် မျိုးစေ့ကို မြေဆွေးဖြင့် လုံအောင်မဖုံးဘဲ ဆေးတိုက်ရိုက်ထိတွေ့မိခြင်း၊ ပျိုးခင်းအတွက် သတ်မှတ်ထားသည်ထက် ဆေးနှုန်းထားများလွန်းခြင်းနှင့် ကြက်သွန်စေ့များ အညှောင့်စဖောက်ထွက်လာချိန်မှ နောက်ကျပြီး ဆေးဖျန်းမိခြင်းတို့ကြောင့် မျိုးစေ့အညှောင့်ပျက်စီးခြင်းနှင့် ပျိုးပင်ငယ် အရွက်လောင်ခြင်းများ ဖြစ်ပေါ်တတ်ပါတယ်။ ထို့ကြောင့် အပင်ပေါက်နှုန်း မထိခိုက်စေရန် မျိုးစေ့ကြဲပြီး မြေပါးပါးဖုံးကာ ရေလောင်းပြီးစ (၁-၂ ရက်အတွင်း) အညှောင့်မထွက်မီ အချိန်တွင်သာ ဆေးနှုန်းထားလျှော့၍ ဖျန်းပေးရမည်ဖြစ်ပြီး၊ ပိုမိုစိတ်ချရစေရန် အောက်စီဖလိုရိုဖန်ထက် ပျိုးခင်းတွင် ပိုမိုဘေးကင်းစိတ်ချရသော ပန်ဒီမီသလင် (Pendimethalin) ကို ဦးစားပေးရွေးချယ်အသုံးပြုသင့်ပါတယ်။ စနစ်တကျအသုံးပြုရပါမယ်၊အထပ်ပါအတိုင်းလွဲချော်၍မရပါကြောင်း ထပ်မံအသိပေးပြောကြားပါရစေခင်ဗျာ၊ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ