နွေစပါး ပျိုးခင်းမှာ ပေါင်းသတ်ဆေးသုံးသင့်လား၊ ပေါင်းသတ်ဆေး မသုံးရအောင် ဘယ်လို မြေပြုပြင်သင့်လဲ၊ ပေါင်းသတ်ဆေးသုံးရရင် ဘယ်လို သုံးရမလဲ၊

@Win Naing နွေစပါးပျိုးခင်းတွင် ပျိုးပင်ငယ်များ ဆေးလောင်ခြင်းနှင့် ကြီးထွားမှုရပ်တန့်ခြင်းတို့ မဖြစ်စေရန် ပေါင်းသတ်ဆေးကို တတ်နိုင်သမျှ မသုံးသင့်ဘဲ မဖြစ်မနေ လိုအပ်မှသာ အသုံးပြုသင့်ပါတယ်။ ပေါင်းသတ်ဆေး မသုံးရစေရန်အတွက် ပျိုးမကြဲမီ ၁၀ ရက်မှ ၁၄ ရက်ခန့် ကြိုတင်၍ ထယ်ရေးနက်နက်နှင့် ထွန်ရေးညက်အောင် ပြင်ဆင်ပြီး ရေသွင်းကာ ပေါက်လာသော ပေါင်းပင်များကို ထပ်မံထွန်မွှေဖျက်ဆီးခြင်း ပြုလုပ်ရပါမယ်။ ထို့အပြင် ပျိုးခင်းမျက်နှာပြင်ကို ညီညာအောင်ညှိခြင်း၊ သန့်စင်သော မျိုးစေ့ကို အသုံးပြုခြင်းနှင့် ပျိုးသက် ၇ ရက်မှ ၁၀ ရက်သားတွင် ရေပါးပါး (၁ လက်မခန့်) လှောင်ပေးခြင်းဖြင့် ပေါင်းမြက်ကို ထိန်းချုပ်နိုင်ပါတယ်။ အကယ်၍ မဖြစ်မနေ ပေါင်းသတ်ဆေး သုံးရမည်ဆိုပါက စပါးပျိုးပင် အရွက် ၃-၄ ရွက် (ပျိုးသက် ၁၀-၁၄ ရက်) နှင့် ပေါင်းပင် အရွက် ၂-၃ ရွက် ထွက်ချိန်တွင် ရေအကုန်ထုတ်၍ ပေါင်းပေါက်ပြီး ဖျန်းဆေး (ဥပမာ- Bispyribac-sodium) ကို အညွှန်းအတိုင်း ညီညာစွာ ဖျန်းပေးရမည်ဖြစ်ပြီး ဆေးဖျန်းပြီး ၁-၂ ရက်အကြာတွင် ရေပြန်သွင်းပေးရပါမယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ